Իրաքում ՀՀ դեսպանի հանդիպումները Իրաքի Ներկայացուցիչների ժողովում
12:20 - 22 հուլիսի, 2019

Իրաքում ՀՀ դեսպանի հանդիպումները Իրաքի Ներկայացուցիչների ժողովում

Հուլիսի 21-ին Իրաքում ՀՀ դեսպան Հրաչյա Փոլադյանը հանդիպեց Իրաքի Ներկայացուցիչների ժողովի արտաքին հարաբերությունների մշտական հանձնաժողովի նախագահ Շիրկո Միրուեյսին (Sherko Meerwayes) և նույն հանձնաժողովի փոխնախագահ, Հայ-իրաքյան խորհրդարանական բարեկամության խմբի նորանշանակ նախագահ, տիկին Ռեյհան Հաննա Այուբին (Rehan Hanna Ayoub)։

Հանդիպման ընթացքում դեսպան Փոլադյանը նշեց, որ երկու երկրների խորհրդարանական կապերի առավել խորացման նպատակով խորհրդարաններում ստեղծվել են հայ-իրաքյան խորհրդարանական բարեկամության խմբերը, որոնք պատրաստ են ակտիվ համագործակցության և փոխադարձ այցերի իրականացմանը։

Հայ-իրաքյան խորհրդարանական բարեկամության խմբի փոխնախագահ տիկին Ռեյհան Հաննա Այուբին նշեց, որ հաշվի առնելով այն իրողությունը, որ հայ համայնքը խորհրդարանում չունի քվոտա, նա մշտապես փորձում է համայնքի համար կարևորություն ունեցող հարցերը ներկայացնել պետական այդ հարթակում։

Հանդիպման ընթացքում քննարկվեցին խորհրդարանական համագործակցությանն առնչվող հարցերի լայն շրջանակ։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել