armenpress.am: ԱՄՆ նախագահ Դոնալդ Թրամփի հրամանով երկրում երեք օրով իջեցվել են պետական դրոշները՝ ի հիշատակ կորոնավիրուսային հիվանդությունից մահացած անձանց։ Այս մասին հայտնում է «Ամերիկայի ձայն» ռադիոկայանը։

«Դաշնային բոլոր շենքերի և ազգային հուշարձանների պետական դրոշներն իջեցվելու են՝ ի հիշատակ այն ամերիկացիների, ում մենք կորցրել ենք կորոնավիրուսի պատճառով»,- գրել է ԱՄՆ նախագահը թվիթերի իր էջում։