Ինֆոթեգեր Մեր մասին
hy en ru
Նվիրաբերել

Ուկրաինա

Ուկրաինան  գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Պյոտր Պորոշենկոյի նկատմամբ 4-րդ քրեական գործն է հարուցվել |shantnews.am|

Պյոտր Պորոշենկոյի նկատմամբ 4-րդ քրեական գործն է հարուցվել |shantnews.am|

shantnews.am։ Ուկրաինայի նախկին նախագահ Պյոտր Պորոշենկոյի նկատմամբ ևս մեկ քրեական գործ է հարուցվել: РИА Новости-ի փոխանցմամբ՝ այս մասին հայտարարել է Ուկրաինայի նախկին նախագահ Վիկտոր Յանուկովիչի վարչակազմի նախկին ղեկավարի տեղակալ, իրավաբան Անդրեյ Պորտնովը:Այս անգամ նա մեղադրվում է դատական իշխանության բռնազավթման մեջ: Սա արդեն Պորոշենկոյի դեմ հարուցված չորրորդ գործն է:Սկզբում նրան մեղադրանք էր առաջադրվել պետական դավաճանության մեջ՝ կապված Կերչի նեղուցում տեղի ունեցած միջադեպի հետ:Ավելի ուշ՝ նրան մեղադրել էին պաշտոնեական դիրքի չարաշահման մեջ: Երրորդ քրեական գործը վերաբերում էր «Խոհանոց Ռիբալսկիում» գործարանի կողմից անօրինական ճանապարհով ձեռք բերված 300 մլն դոլար եկամտի օրինականացման մեջ:Հաղորդվում է, որ իրավաբանը երկրի նախկին նախագահին մեղադրում է նաև փողերի լվացման, հարկերի չվճարման մեջ՝ հայտարարելով, որ Պորոշենկոյի բանկային հաշիվների վրա կալանք դնելու հայտ է ներկայացնելու դատարան:Պորտնովի խոսքով՝ առաջիկայում Պորոշենկոյին սպասվում են նման տասնյակ մեղադրանքներ:
06:15 - 28 մայիսի, 2019
Ուկրաինայում երրորդ քրեական գործն Է հարուցվել Պորոշենկոյի դեմ |armenpress.am|

Ուկրաինայում երրորդ քրեական գործն Է հարուցվել Պորոշենկոյի դեմ |armenpress.am|

armenpress.am։ Ուկրաինայի հետաքննությունների պետական բյուրոն եւս մեկ գործ Է հարուցել Պյոտր Պորոշենկոյի դեմ: Այդ մասին հայտնել Է հանրապետության նախկին նախագահ Վիկտոր Յանուկովիչի վարչակազմի նախկին փոխղեկավար իրավաբան Անդրեյ Պորտնովը: Այս անգամ Պորոշենկոյին մեղադրում են «Կուզնյա նա Ռիբալսկոմ» գործարանը վաճառելիս 300 մլն դոլար գումարի հանցավոր եկամուտների օրինականացման մեջ: Սա արդեն երրորդ գործն Է նախկին նախագահի դեմ: Մայիսի 22-ին տեղեկատվություն հայտնվեց, որ նրան կասկածում են «ՑենտրԷներգո»-ում պաշտոնները բաշխելիս իշխանության եւ ծառայողական դիրքի չարաշահման մեջ: Դրանից մեկ օր առաջ Պորոշենկոյին պետական դավաճանության մեջ են մեղադրել Կերչի նեղուցում տեղի ունեցած միջադեպի կապակցությամբ: Նաեւ Ուկրաինայի նախկին նախագահը որպես վկա Է ներգրավված մեկ այլ քրեական գորցծով, որը վերաբերում Է Եվրոմայդանի ժամանակ մարդկանց զոհվելուն, հաղորդել Է ՌԻԱ Նովոստին:
13:34 - 24 մայիսի, 2019
Վլադիմիր Զելենսկին հրաժարվել է Ռուսաստանի հետ երկխոսությունից |tert.am|

Վլադիմիր Զելենսկին հրաժարվել է Ռուսաստանի հետ երկխոսությունից |tert.am|

tert.am: Ուկրաինայի նախագահ Վլադիմիր Զելենսկին բացառել է Ռուսաստանի Դաշնության հետ բանակցություններ վարելու հավանականությունը: Այս մասին հայտնում է Gazeta.ru-ն: «Ոչ»,- Կիևում կայացած համաժողովում պատասխանել է Զելենսկին Հանրային հեռուստատեսության լրագրողի հարցին, թե արդյոք բանակցություններ են լինելու Ռուսաստանի հետ, թե ոչ: Նշվում է, որ դրանից հետո ելույթի ընթացքում Ուկրաինայի նոր նախագահը Ռուսաստանը մի քանի անգամ անվանել է «ագրեսոր»:
16:52 - 23 մայիսի, 2019
Ուժի մեջ է մտել Ուկրաինայի խորհրդարանը լուծարելու որոշումը |azatutyun.am|

Ուժի մեջ է մտել Ուկրաինայի խորհրդարանը լուծարելու որոշումը |azatutyun.am|

azatutyun.am։ Այսօրվանից ուժի մեջ է մտել Գերագույն ռադան լուծարելու և հուլիսի 21-ին արտահերթ խորհրդարանական ընտրություններ անցկացնելու մասին Ուկրաինայի նորընտիր նախագահ Վլադիմիր Զելենսկու հրամանագիրը:Ուկրաինայի օրենքների համաձայն որևէ օրենք կամ պետական մակարդակով ընդունված հրամանագիր համարվում է ուժի մեջ մտած այն պահից, երբ տեքստը հրապարակվում է Uryadoviy Kuryer («Կառավարական տեղեկատու») պարբերականում:Զելենսկին առաջարկել է Գերագույն ռադան ընտրել բացառապես կուսակցական ցուցակների (համամասնական) եղանակով, նշելով, որ մեծամասնական համակարգով ընտրություններում հաճախ հաղթում են կոռումպացված անհատները: Խորհրդարանը մերժել է այդ տարբերակը:Ներկայիս գումարման խորհրդարանի հաջորդ նիստը տեղի կունենա մայիսի 28-ին:
09:07 - 23 մայիսի, 2019
Ռադան տապալեց ընտրությունների մասին օրենքում փոփոխությունների Զելենսկու օրինագծերը |armenpress.am|

Ռադան տապալեց ընտրությունների մասին օրենքում փոփոխությունների Զելենսկու օրինագծերը |armenpress.am|

armenpress.am։ Մայիսի 22-ին Գերագույն ռադան արտահերթ նիստում, որը գումարվել Է նոր նախագահ Վլադիմիր Զելենսկու նախաձեռնությամբ, հրաժարվել Է քննարկել ընտրական համակարգում փոփոխությունների մասին նրա կողմից ներկայացված երկու օրինագծերը: Փաստաթղթերը խորհրդարանի քննարկմանը ներկայացնելու համար բավարար քանակությամբ ձայներ չեն հավաքվել:«Ցավալի Է, բայց մենք չկարողացանք օրինագծերից ոչ մեկն ընդգրկել օրակարգում»,-հայտարարել Է խորհրդարանի խոսնակ Անդրեյ Պորուբիյը, ամփոփելով համապատասխան քվեարկությունների արդյունքները, եւ փակել նիստը: Ընտրական օրենսդրության մեջ փոփոխությունների մասին Զելենսկու նախաձեռնությունը միայն 92 ձայնի աջակցություն Է ստացել, իսկ ընտրարշավի կարիքների համար գնումների անցկացման ընթացակարգին վերաբերող նախաձեռնությունը պաշտպանել Է 127 պատգամավոր:   Ընտրական օրենսգրքում Զելենսկու առաջարկած փոփոխությունների տեքստը ներառում Էր խորհրդարան անցումային շեմի նվազեցում 5 տոկոսից մինչեւ 3 տոկոս, ինչպես նաեւ համամասնական-մեծամասնական համակարգից անցում՝ բացառապես համամասնականի: Պետության ղեկավարի երկրորդ նախաձեռնությունը տեխնիկական Էր եւ վերաբերում Էր ընտրարշավի շրջանում գնումների անցկացման ընթացակարգ
13:18 - 22 մայիսի, 2019
Պորոշենկոյի դեմ վարույթ է սկսվել պետական դավաճանության հոդվածով |panarmenian.net|

Պորոշենկոյի դեմ վարույթ է սկսվել պետական դավաճանության հոդվածով |panarmenian.net|

panarmenian.net։ Ուկրաինայի Հետաքննությունների պետական բյուրոն (ՀՊԲ) վարույթ է սկսել Ուկրաինայի նախկին նախագահ Պյոտր Պորոշենկոյի հնարավոր պետական դավաճանության փաստով: Այդ մասին հայտնել է ՀՊԲ տնօրենի առաջին տեղակալ Օլգա Վարչենկոն:Խոսքը 1998-ի նոյեմբերի 25-ի իրադարձությունների մասին է, երբ ուկրաինական ՌԾՈւ նավերը Սև ծովից անցան Ազովի ծով Կերչի նեղուցի շրջանում:Հայցը ներկայացրել է Ուկրաինայի նախկին նախագահ Վիկտոր Յանուկովիչի աշխատակազմի ղեկավարի նախկին տեղակալ Անդրեյ Պորտնովը: Ըստ նրա, Պորոշենկոն, լինելով պետության նախագահը, պետական դավաճանություն է գործել, երբ փորձել է երկրում ռազմական դրություն հայտարարել, որի համար զոհաբերել է ուկրաինացի նավաստիներին և ուղարկել նրանց Կերչի նեղուց:
12:28 - 21 մայիսի, 2019
Գերագույն ռադայի ընտրությունները տեղի կունենան հուլիսի 21-ին |news.am|

Գերագույն ռադայի ընտրությունները տեղի կունենան հուլիսի 21-ին |news.am|

news.am։ Ուկրաինայի Գերագույն ռադայի արտահերթ ընտրությունները տեղի կունենան հուլիսի 21-ին: Այս մասին երեքշաբթի լրագրողներին հայտնել է Ուկրաինայի խորհրդարանի Արմատական կուսակցության խմբակցության ղեկավար Օլոգ Լյաշկոն, փոխանցում է Depo.ua-ն: «Ռադան արձակելու եւ արտահերթ ընտրություների մասին հրամանը կլինի վաղը, ընտրությունները՝ հուլիսի 21-ին»,- ասել է նա երկրի նախագահ Վլադիմիր Զելենսկու հետ խորհրդակցության արդյունքներով: Միեւնույն ժամանակ, ժողովրդական պատգամավոր Իրինա Գերաշչենկոն հստակեցրել է, որ ընտրությունները կարող են տեղի ունենալ կամ հուլիսի 21-ին, կամ 28-ին:
10:36 - 21 մայիսի, 2019
Զելենսկին կոչ է արել ԱՄՆ-ին խստացնել ՌԴ դեմ պատժամիջոցները |panarmenain.net|

Զելենսկին կոչ է արել ԱՄՆ-ին խստացնել ՌԴ դեմ պատժամիջոցները |panarmenain.net|

panarmenian.net։ Ուկրաինայի նախագահ Վլադիմիր Զելենսկին կոչ է արել ԱՄՆ-ին խստացնել Ռուսաստանի դեմ պատժամիջոցները: Այդ մասին նա հայտարարել է ԱՄՆ ներկայացուցիչների հետ հանդիպմանը, որոնք ժամանել էին նրա երդմնակալությանը:Հանդիպմանը ներկա էին ԱՄՆ էներգետիկայի նախարար Ռիկ Փերին, Ուկրաինայի գծով ԱՄՆ հատուկ ներկայացուցիչ Կուրտ Վոլկերը, ինչպես նաև սենատոր Ռոն Ջոնսոնը:«ԱՄՆ-ն Ուկրաինայի շատ հզոր ու լուրջ գործընկերն է, առաջին հերթին, Ռուսաստանի ագրեսիան հաղթահարելու գործում: Մենք չենք կարող ինքնուրույն հաղթահարել ռուսական ագրեսիան Դոնբասում և Ղրիմում: Ուստի մեզ ձեր օգնությունն է հարկավոր: Կցանկանայի հորդորել ձեզ, որ ԱՄՆ-ն շարունակի խստացնել ՌԴ դեմ պատժամիջոցները»,-ասել է Զելենսկին, գրում է «Դոժդը»:Նա շնորհակալություն է հայտնել ԱՄՆ նախագահ Դոնալդ Թրամփին շնորհավորանքի համար՝ մոտալուտ հանդիպման հույս հայտնելով:
07:59 - 21 մայիսի, 2019
Ուկրաինայի վարչապետը հրաժարական է տվել |armenpress.am|

Ուկրաինայի վարչապետը հրաժարական է տվել |armenpress.am|

armenpress.am: Ուկրաինայի վարչապետ Վլադիմիր Գրոյսմանը հայտարարել է իր հրաժարական տալու որոշման մասին: Այս մասին տեղեկացնում է ՏԱՍՍ գործակալությունը: «Ես գործադրի հերթական նիստից հետո որոշում եմ կայացրել հրաժարական տալու մասին: Ես այս որոշումը կայացրել եմ այն բանից հետո, երբ Ուկրաինայի նախագահն ուկրաինացիներին ուղղված ուղերձում նշել էր, որ կառավարությանը պետք է հրաժարական տա»,- Կիևում ճեպազրույցի ժամանակ ասել է Վլադիմիր Գրոյսմանը: Նա նշել է, որ վերջին երեք տարիների ընթացքում կատարած աշխատանքով չի ամաչում, թե ինչպես է կառավարությունն արձագանքել մարտահրավերներին: «Ես առաջարկեցի նախագահին, խորհրդարանին, որ մենք միասին ձևավորենք միասնական օրակարգ և արագ սկսենք որոշումներ կայացնել, սակայն նախագահն ընտրեց այլ ուղի»,-ասել է նա: Գրոյսմանը մտադիր է մասնակցել Գերագույն ռադայի ընտրություններին:
16:36 - 20 մայիսի, 2019
Պորոշենկոն մտադիր Է մասնակցել նախագահական հաջորդ ընտրություններին |armenpress.am|

Պորոշենկոն մտադիր Է մասնակցել նախագահական հաջորդ ընտրություններին |armenpress.am|

Արմենպրես։ Ուկրաինայի նախկին նախագահ Պետրո Պորոշենկոն հպարտանում Է հինգ տարվա իր աշխատանքով եւ մտադիր Է մասնակցել պետության ղեկավարի հաջորդ ընտրություններին: Այդ մասին նա հայտարարել Է Die Welt թերթին տված հարցազրույցում, որը հրապարակվել Է այսօր։«Այո, ես կմնամ քաղաքականության մեջ եւ պատրաստակամորեն խորհրդով կօգնեմ նոր նախագահին, եթե նա դրա կարիքն ունենա»,-ասել Է Պորոշենկոն:- «Եվ, այո՛, ես հնարավորություն կփնտրեմ մասնակցելու հաջորդ նախագահական ընտրություններին»: Նրա խոսքով՝ դա պայմանավորված Է ոչ թե այն բանով, որ ինքը ցանկանում Է մնալ իշխանության գլուխ, այլ պետության ղեկավարի պաշտոնում իր գտնվելու տարիների ընթացքում ձեռք բերվածը չկորցնելու ցանկությամբ:
10:24 - 20 մայիսի, 2019
Ուկրաինայում արտահերթ խորհրդարանական ընտրությունները կարող են կայանալ հուլիսի 14-ին. լրատվամիջոցներ |tert.am|

Ուկրաինայում արտահերթ խորհրդարանական ընտրությունները կարող են կայանալ հուլիսի 14-ին. լրատվամիջոցներ |tert.am|

tert.am։ Ուկրաինայի Գերագույն ռադայի արտահերթ ընտրությունները, ամենայն հավանականությամբ, կկայանան հուլիսի 14-ին: Ինչպես նշում է eadaily.com-ը, այս մասին գրում են տեղական լրատվամիջոցները՝ քաջատեղյակ աղբյուրին հղումով: Նա մանրամասնել է, որ նորընտիր նախագահ Վլադիմիր Զելենսկիի առաջին հրամանագիրը կվերաբերի Ռադան ցրելու որոշմանը: Այնուհետև կնշանակվեն արտահերթ ընտրություններ: Ուկրաինական լրատվամիջոցների փոխանցմամբ՝ Գերագույն ռադան ցրելու մասին հրամանագրի նախագիծն արդեն կա և Զելենսկին պատրաստվում է այն ստորագրել:Դրանում նշվում է, որ 2016թ. փետրվարի 19-ից սկսած՝ իշխանական կոալիցիայում 226-ից պակաս պատգամավոր կա, այսինքն՝ խորհրդարանի սահմանադրական կեսից էլ պակաս: Սա նախագահին հիմք է տալիս խորհրդարանը ցրելու որոշում կայացնել:    
10:15 - 20 մայիսի, 2019
Զելենսկին նախագահի պաշտոնում իր առաջին խնդիրը համարել Է կրակի դադարեցումը Դոնբասում |armenpress.am|

Զելենսկին նախագահի պաշտոնում իր առաջին խնդիրը համարել Է կրակի դադարեցումը Դոնբասում |armenpress.am|

armenpress.am։ Ուկրաինայի նախագահ Վլադիմիր Զելենսկին Դոնբասում պատերազմի դադարեցումը համարել Է իր առաջին առաջադրանքը պետության ղեկավարի պաշտոնում։«Մեր առաջին առաջադրանքը կրակի դադարեցումն Է Դոնբասում»,-հայտարարել Է նա մայիսի 20-ին Գերագույն ռադայի նիստում պաշտոնակալությունից հետո ուկրաինական ժողովրդին հղած ուղերձում: Նախագահն ընդգծել Է, որ պատրաստ Է ժողովրդականություն չվայելող որոշումների գնալ պատերազմը դադարեցնելու համար: «Եթե հարկավոր լինի, ես պատրաստ եմ կորցնել պաշտոնս հանուն այն բանի, որ խաղաղություն հաստատվի»,-ասել Է նա:Դրա հետ մեկտեղ Զելենսկին հայտարարել Է «կորցրած տարածքների» վերադարձման անհրաժեշտության մասին: «Ե՛վ Ղրիմը, ե՛ւ Դոնբասը ուկրաինական հող Է, որտեղ մենք կորցրեցինք ոչ միայն տարածքը, այլեւ գլխավորը՝ մարդկանց»,-հավելել Է նա: Նա ռուսերենով դիմել Է Դոնբասի եւ Ղրիմի բնակիչներին՝ հայտարարելով, որ նրանք «օտարներ չեն Ուկրաինայի համար»: Նախագահը նաեւ նշել Է, որ պատրաստ Է երկխոսություն վարել Դոնբասում հրադադարի շուրջ, ընդսմին պնդելով գերիների վերադարձը: «Ես պատրաստ եմ երկխոսության, բայց վստահ եմ, որ երկխոսության համար առաջին քայլը կդառնա ուկրաինացի բոլոր գերիների վերադարձը»,-ընդգծել Է նա, հաղորդել Է ՏԱՍՍ-ը:
09:21 - 20 մայիսի, 2019
Կիևի կենտրոնը Զելենսկու երդմնակալության պատճառով փակվել է |aysor.am|

Կիևի կենտրոնը Զելենսկու երդմնակալության պատճառով փակվել է |aysor.am|

aysor.am։ Կիևում այսօր՝ մայիսի 20-ին, սահմանափակվել է փոխադրամիջոցների երթևեկությունը մի շարք փողոցներով Ուկրաինայի նորընտիր նախագահ Վլադիմիր Զելենսկու երդմնակալության արարողության պատճառով, հայտնում է UNIAN-ը:
07:45 - 20 մայիսի, 2019
«Նա ռևանշի է պատրաստվում». Սաակաշվիլին խորհուրդ է տվել Զելենսկիին ուշադիր լինել Պորոշենկոյի հետ պայքարում |tert.am|

«Նա ռևանշի է պատրաստվում». Սաակաշվիլին խորհուրդ է տվել Զելենսկիին ուշադիր լինել Պորոշենկոյի հետ պայքարում |tert.am|

tert.am։ Վրաստանի 3-րդ նախագահ և Օդեսսայի նախկին նահանգապետ Միխեիլ Սաակաշվիլին կարծում է, որ Ուկրաինայի նորընտիր նախագահ Վլադիմիր Զելենսկին պետք է մոռանա Ռուսաստանի հետ բանակցությունների մասին, ինչպես նաև իր ողջ ուշադրությունը սևեռի Ուկրաինայի գործող նախագահ Պյոտր Պորոշենկոյի հետ պայքարին: Նման հայտարարություն Սաակաշվիլին արել է «Նաշ» հեռուստաընկերության եթերում: Սաակաշվիլին պարզաբանել է, որ Պորոշենկոն Զելենսկիից ընտրություններում կրած պարտության համար ռևանշի հույսով մի շարք միջոցներ է ձեռնարկում: «Ուկրաինան ստվերային պետություն է, այնտեղ մինչև հիմա ամեն ինչ ետնաբեմում է որոշվում, իսկ Զելենսկիին ասում են. «Բարի գալուստ մեր ակումբ, արի մեզ մոտ՝ ետնաբեմ, և այնտեղ մենք ամեն ինչ կլուծենք»: Այն, ինչ անում է Պորոշենկոն, մի քանի ամսից ռևանշ իրականացնելու համար է»,- ասել է Օդեսսայի նախկին քաղաքապետը: Խոսելով Մոսկվայի հետ հարաբերությունների մասին՝ Սաակաշվիլին հավելել է. «Մոսկվայի հետ ցանկացած տեսակի սիրաշահումները և միայն երկկողմ բանակցությունները ոչինչ չեն տա, քանի որ Մոսկվան նույնպես ունակ չէ համաձայնության գալու»:
08:34 - 19 մայիսի, 2019
Հայտնի է, թե ԱՄՆ-ից ով կժամանի Զելենսկիի երդմնակալությանը |tert.am|

Հայտնի է, թե ԱՄՆ-ից ով կժամանի Զելենսկիի երդմնակալությանը |tert.am|

tert.am։ Ուկրաինայի ԱԳՆ խոսնակ Եկատերինա Զելենկոն հայտարարել է, թե ԱՄՆ-ից ով ներկա կլինի Ուկրաինայի նորընտիր նախագահ Վլադիմիր Զելենսկիի երդմնակալության արարողությանը, որը տեղի կունենա մայիսի 20-ին: Ինչպես հայտնում է Gazeta.ru-ն, ամերիկյան կողմից միջոցառմանը ներկա կլինի ԱՄՆ-ի էներգետիկայի նախարար Ռիկ Փերին: Զելենկոն նաև նշել է, որ երդմնակալության արարողությանը ներկա կլինեն 5 երկրների` Լատվիայի, Լիտվայի, Էստոնիայի, Վրաստանի և Հունգարիայի նախագահները:
06:21 - 19 մայիսի, 2019
Մոսկվան մեղավոր է Ղրիմում թաթար ժողովրդի ցեղասպանության համար. Պորոշենկո |24news.am|

Մոսկվան մեղավոր է Ղրիմում թաթար ժողովրդի ցեղասպանության համար. Պորոշենկո |24news.am|

24news.am: Ուկրաինայի գործող նախագահ Պյոտր Պորոշենկոն իր ֆեյսբուքյան էջում գրել է, որ Մոսկվան մեղավոր է Ղրիմի թաթար ժողովրդի ցեղասպանության համար: Այդ մասին հաղորդում է УНН–ն: Նախագահն այս հայտարարությունն արել է Ղրիմի թաթարների արտաքսման հիշատակի օրը, որը նշվում է մայիսի 18-ին: «Կյանքից հեռանում են վկաները, բայց Մոսկվայի կողմից կազմակերպված ցեղասպանության հիշողությունները մնում են Ղրիմի թաթարների պատմական հիշողության մեջ»,- գրել է Պորոշենկոն: Նախագահը շեշտել է, որ այդ հիշողությունները հավերժ կմնան «ուկրաինացի ժողովրդի հիշողության մեջ»:
15:14 - 18 մայիսի, 2019