Հունաստան

Հունաստանում Հայաստանի դեսպանության շենքում նշվել է ՀՀ զինված ուժերի կազմավորման 32-ամյակը

Հունաստանում Հայաստանի Հանրապետության դեսպանության շենքում փետրվարի 9-ին հանդիսավոր արարողությամբ կայացել է Հայաստանի Հանրապետության զինված ուժերի կազմավորման 32-ամյակին նվիրված միջոցառում։ Այս մասին տեղեկանում է Հունաստանում Հայաստանի դեսպանության «ֆեյսբուք» սոցիալականն հարթակում տեղադրված հաղորդագրությունից: Միջոցառման շրջանակներում ողջույնի խոսքով հանդես է եկել Հունաստանում և Կիպրոսում ՀՀ ՊՆ Զինված ուժերի ներկայացուցիչ փոխգնդապետ Արմեն Միրզաբեկյանը, ով իր խոսքում նշել է ներկայիս անվտանգային զարգացումների համատեքստում ՀՀ Զինված ուժերի բարեփոխումների անխուսափելիությունը, կարևորելով միջազգային համագործակցությունը, այդ թվում՝ Հայաստան-Հունաստան և Հայաստան-Հունաստան-Կիպրոս ձևաչափերով: Նա ընդգծել է նաև Հունաստանի ռազմական կրթական հաստատություններում հայ կուրսանտների առկայությունը ՀՀ ԶՈՒ բարեփոխումների գործում վերջիններիս առաքելության համատեքստում: Ըստ աղբյուրի՝ ելույթով հանդես է եկել Հունաստանում ՀՀ արտակարգ և լիազոր դեսպան Տիգրան Մկրտչյանը, որը շնորհավորել է ՀՀ զինված ուժերի կազմավորման 32-րդ տարեդարձը: Դեսպանն ընդգծել է, որ հայկական բանակի վերակազմավորումը, արդիականացումը և տեխնիկական հագեցվածությունն անխուսափելի են։ «Բարեփոխումների ճանապարհով բանակի վերակազմավորումը հետապնդում է Հայաստանի անվտանգության ապահովման նպատակ, ինչը հետևողական և ժամանակատար աշխատանքի արդյունքում կյանքի կկոչվի»,- ասել է նա: Նա նշել է նաև, որ Հունաստանի և Կիպրոսի հետ պաշտպանության ոլորտում համագործակցությունը մեծ կարևորություն ունի, քանի որ Հայաստանը կարիք ունի վստահելի գործընկերների։ Ներկաները վայելել են հունահայ Միհրան Ցալիկյանի գլխավորած փողային նվագախմբի կատարումներ`նվիրված Հայաստանին և հայկական բանակին։ Միջոցառմանը հաջորդել է հայկական ավանդական ուտեստների և խմիչքների հյուրասիրություն։

16:49 - 10 փետրվարի, 2024

Մենք ամեն կերպ պատրաստ ենք աջակցել Հայաստանին խաղաղության հաստատման հարցում. Խրիստոս Սոֆիանապուլոսը՝ Ալեն Սիմոնյանին

Հայաստանի Հանրապետության ԱԺ նախագահ Ալեն Սիմոնյանը փետրվարի 7-ին ընդունել է Հայաստանում Հունաստանի արտակարգ եւ լիազոր դեսպան Խրիստոս Սոֆիանապուլոսին: ԱԺ նախագահը շնորհավորել է դեսպանին նշանակման առթիվ՝ մաղթելով հաջողություններ պաշտոնավարման ընթացքում: Ինչպես տեղեկանում ենք ՀՀ ԱԺ-ի տարածած հաղորդագրությունից, Ալեն Սիմոնյանը գոհունակությամբ նշել է Հայաստանի եւ Հունաստանի միջեւ հաստատված ամուր բարեկամական հարաբերությունների մասին, որոնք հիմնված են հայ եւ հույն ժողովուրդների դարավոր եղբայրության, փոխօգնության եւ ընդհանուր արժեքների վրա: «Հայ-հունական միջպետական հարաբերությունները գտնվում են բարձր մակարդակի վրա, մինչդեռ միջխորհրդարանական համագործակցությունը չիրացված մեծ ներուժ ունի: Անհրաժեշտ եմ համարում խթանել մեր խորհրդարանների միջեւ համագործակցությունը նաեւ փոխադարձ այցերի ձեւաչափով»,- նշել է ԱԺ նախագահը: Ալեն Սիմոնյանը կարեւորել է միջազգային խորհրդարանական տարբեր կազմակերպություններում երկու խորհրդարանների ներկայացուցիչների սերտ համագործակցությունը: ԱԺ նախագահը բարձր է գնահատել Հունաստանի հետ համագործակցությունը ԵՄ-Հայաստան Համապարփակ եւ ընդլայնված գործընկերության համաձայնագրի շրջանակում, ինչպես նաեւ Թվինինգ ծրագրով հունական աջակցությունն Ազգային ժողովին: Զրուցակիցներն անդրադարձել են Հայաստան-Հունաստան-Կիպրոս համագործակցության եռակողմ ձեւաչափին: Անդրադարձ է կատարվել Հայաստան-ԵՄ հարաբերություններին, Հարավային Կովկասում առկա անվտանգային խնդիրներին, մասնավորապես՝ Ադրբեջանի կողմից Լեռնային Ղարաբաղի ժողովրդի դեմ իրականացված էթնիկ զտման հետեւանքով առաջացած հումանիտար խնդիրներին, տարածաշրջանում խաղաղության հաստատման համատեքստում Հայաստան-Ադրբեջան բանակցությունների գործընթացին: Խրիստոս Սոֆիանապուլոսը բարձր է գնահատել տարածաշրջանում խաղաղության հաստատման համատեքստում Հայաստանի վարած քաղաքականությունը: «Հունաստանը ողջունում եւ սատարում է Հայաստանի մոտեցումը խաղաղության հաստատման գործընթացում, քանի որ այն հիմնված է միջազգային իրավունքի, իրավասության վրա եւ իրականացվում է դիվանագիտական ճանապարհով: Մենք ամեն կերպ պատրաստ ենք աջակցել Հայաստանին խաղաղության հաստատման հարցում»,- ընդգծել է դեսպանը:

15:32 - 07 փետրվարի, 2024

Թուրքիայի հետ լավ հարաբերությունները նախապայման են ԵՄ-Անկարա կապերը բարելավելու համար․ Հունաստանի ԱԳՆ |news.am|

news.am: Հունաստանի և Թուրքիայի միջև լավ հարաբերությունները նախապայման են Եվրոպա-թուրքական հարաբերությունների բարելավման համար։ Շաբաթ օրը Բրյուսելում ԵՄ ԱԳ նախարարների ոչ պաշտոնական հանդիպման ժամանակ հայտարարել է Հունաստանի արտգործնախարար Գիորգոս Գերապետրիտիսը։ Այդ մասին հայտնում է Kathimerini-ն։ «Հունաստանը միշտ աջակցել է Թուրքիայի եվրոպական կուրսին։ Դա բխում է ինչպես ԵՄ-ի, այնպես էլ ավելի լայն Արևելյան միջերկրածովյան տարածաշրջանի կայունության շահերից»,- ասել է նա։ Միաժամանակ Հունաստանի ԱԳՆ ղեկավարը նշել է, որ վերջին շրջանում Հունաստանի և Թուրքիայի հարաբերությունները բարելավվել են՝ ընդգծեկով, որ անհրաժեշտ է մշտապես ցուցադրել, որ Թուրքիան ևս պատրաստակամութուն ունի բարելավելու եվրո-թուրքական հարաբերությունները։ Թուրքիան, ըստ նրա, պետք է ընդունի ԵՄ անդամ երկրների համար բարձր զգայունություն ունեցող հարցերը: Կիպրոսի վերաբերյալ նա նշել է, որ «պետք է շոշափելի ապացույցներ լինեն, որ պատրաստակամություն կա շարունակել երկխոսությունը Կիպրոսի հարցի շուրջ՝ հիմնված ՄԱԿ-ի Անվտանգության խորհրդի բանաձևերի վրա»: «Հունաստանը ներկա կլինի այս գործընթացին»,- ընդգծել է նա։ Ինչպես նշում է հունական լրատվամիջոցը, Բրյուսելում կայացած հանդիպմանը քննարկվել են Մերձավոր Արևելքի ճգնաժամը, Ուկրաինայի պատերազմը, ինչպես նաև ԵՄ-Աֆրիկա և ԵՄ-Թուրքիա հարաբերությունները։

14:38 - 04 փետրվարի, 2024

Դեսպան Մկրտչյանը Հունաստանի խորհրդարանի փոխխոսնակի հետ հանդիպմանն ընդգծել է տնտեսական հարաբերություններին նոր խթան հաղորդելու կարևորությունը

Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի խորհրդարանի նախագահի առաջին տեղակալ Յաննիս Պլակյոտակիսի հետ։ Այդ մասին հայտնում են Հունաստանում ՀՀ դեսպանությունից: Դեսպանն իր երախտագիտությունն է հայտնել Հունաստանի խորհրդարանում Հունաստան-Հայաստան բարեկամական խմբի ձևավորման համար՝ կարևորելով երկու բարեկամական խմբերի արդյունավետ գործունեությունը, խորհրդարանական դիվանագիտության գործիքակազմի արդյունավետ կիրառումը։ ՀՀ դեսպանը ներկայացրել է զրուցակցին տարածաշրջանային վերջին զարգացումները, Հայաստան-Ադրբեջան բանակցային գործընթացի ներկա վիճակը՝ կարևորելով ԵՄ դերը տարածաշրջանում խաղաղություն ու կայունություն հաստատելու գործում։ Այս համատեքստում դեսպանը շնորհակալություն է հայտնել Հունաստանին ու Եվրոպական միությանը՝ Լեռնային Ղարաբաղից բռնի տեղահանվածների կարիքներին ուղղված ցուցաբերվող աջակցության համար։ Անդրադառնալով երկկողմ հարաբերություններին՝ դեսպան Մկրտչյանն ընդգծել է տնտեսական հարաբերություններին նոր խթան հաղորդելու կարևորությունը, փոխադարձ այցելությունների ակտիվացումը։ Իր հերթին Հունաստանի խորհրդարանի փոխխոսնակն արձանագրել է երկու երկրների միջև համագործակցության բարձր մակարդակը, ընդգծել, որ Հունաստանի կառավարությունը պատրաստակամ է Հայաստանին սատարելու բոլոր հնարավոր ուղղություններով։ Անդրադառնալով տարածաշրջանային զարգացումներին՝ փոխխոսնակը վերահաստատել է Հունաստանի դիրքորոշումը՝ դատապարտելով բռնության բոլոր դրսևորումները Լեռնային Ղարաբաղի համատեքստում` մտահոգություն հայտնելով ծագած հումանիտար խնդիրների լուծման կապակցությամբ, աներկբա աջակցություն արտահայտելով Հայաստանի Հանրապետության տարածքային ամբողջականությանը և սուվերենությանը։ Միաժամանակ պարոն Պլակյոտակիսը գոհունակություն է հայտնել՝ Կիպրոսի հիմնախնդրի հարցում Հայաստանի հաստատակամ աջակցության համար։

14:49 - 29 հունվարի, 2024

Դեսպան Մկրտչյանը հանդիպել է Հունաստան-Հայաստան միջխորհրդարանական բարեկամության խմբի ղեկավարին

Հունաստանում Հայաստանի արտակարգ և լիազոր դեսպան Տիգրան Մկրտչյանը Հունաստանի խորհրդարանում հանդիպել է կառավարող «Նոր ժողովրդավարություն» կուսակցության խորհրդարանական խմբակցության գլխավոր քարտուղար, Հունաստան-Հայաստան միջխորհրդարանական բարեկամության խմբի ղեկավար Ստավրոս Կալաֆատիսին: Ինչպես տեղեկանում ենք Հունաստանում Հայաստանի դեսպանության տարածած հաղորդագրությունից, Հայաստանի դեսպանն իր երախտագիտությունն է հայտնել Հունաստանի խորհրդարանում Հունաստան-Հայաստան բարեկամական խմբի ձևավորման և նախագահի պատասխանատու պաշտոնը ստանձնելու կապակցությամբ։ Դեսպանը նշել է, որ միջազգային հարաբերություններում առկա խնդիրների շուրջ երկու երկրների համահունչ մոտեցումները փոխգործակցությունն առավել սերտորեն և համակողմանիորեն զարգացնելու լավագույն հնարավորությունն են ընձեռում, որտեղ իր կարևոր ներդրումն ունի միջխորհրդարանական համագործակցությունը։ Դեսպանը նաև նշել է, որ մոտ ապագայում ակնկալում է Հայաստանի հետ միջխորհրդարանական կապերի զարգացման և խորհրդարանական դիվանագիտության ոլորտում համագործակցության առավել ակտիվացում: Ստավրոս Կալաֆատիսն իր հերթին ընդգծել է, որ իր համար մեծ պատասխանատվություն և պատիվ է ստանձնել եղբայրական Հայաստանի հետ խորհրդարանական բարեկամության խմբի ղեկավարումը Հունաստանի օրենսդիր մարմնում։ Նա հավելել է, որ իրենից կախված ամեն բան կարվի, որպեսզի գործի կենսունակ խումբ` ակտիվ նախաձեռնություններով, որն իր ուրույն ներդրումը կունենա հայ-հունական հարաբերությունների էլ ավելի խորացման մեջ։

15:19 - 26 հունվարի, 2024

Քննարկվել է ՀՀ-ի և Հունաստանի միջև տնտեսական, արդյունաբերական և գիտատեխնիկական համագործակցության միջկառավարական հանձնաժողովի նիստը Երևանում հյուրընկալելու հարցը

Հունվարի 25-ին Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է տնտեսական դիվանագիտության հարցերով Հունաստանի արտաքին գործերի նախարարի տեղակալ Կոստաս Ֆրանգոյանիսին: Այս մասին տեղեկացնում են Հունաստանում ՀՀ դեսպանությունից: «ՀՀ դեսպանը ներկայացրեց տարածաշրջանային վերջին զարգացումները, Հայաստան-Ադրբեջան բանակցային գործընթացի ներկա վիճակը, անդրադարձ եղավ փոխադարձության և հավասար իրավազորության սկզբունքով տարածաշրջանային հաղորդակցությունների ապաշրջափակման հարցին: Զրուցակիցներն անդրադարձան Հայաստանի Հանրապետության և Հունաստանի Հանրապետության միջև տնտեսական, արդյունաբերական և գիտատեխնիկական համագործակցության միջկառավարական հանձնաժողովի նիստն առաջիկայում Երևանում հյուրընկալելու հարցին: Երկուստեք կարևորվեց հայ-հունական տնտեսական հարաբերություններին նոր խթան հաղորդելու կարևորությունը՝ որպես ավանդական բարեկամական երկկողմ հարաբերությունների կարևոր հիմք: Կարևորվեց գործարար շրջանակների միջև կապերի ինտենսիվացումը, ինչի ուղղությամբ առաջիկայում նոր քայլեր են նախատեսվում»,- ասված է հաղորդագրության մեջ:

16:45 - 25 հունվարի, 2024

Հունաստանի վարչապետի նստավայրում հրդեհ է բռնկվել |armeniasputnik.am|

armeniasputnik.am: Հրդեհ է բռնկվել Հունաստանի վարչապետի նստավայրում` Մաքսիմա Պալատում: Այս մասին հայտնել է Հունաստանի կլիմայական ճգնաժամերի և քաղաքացիական պաշտպանության նախարարությունը։ «Այսօր առավոտյան հրդեհ է բռնկվել Մաքսիմա առանձնատան առաջին հարկում գտնվող հարակից պահեստային տարածքում։ Հրդեհաշիջմանը մասնակցել է 24 հրշեջ` 7 մեքենաներով։ Հրդեհն արագ տեղայնացվել է, միայն աննշան նյութական վնաս է պատճառվել»,-ասվում է գերատեսչության հաղորդագրության մեջ: Նշվում է, որ միջադեպը քննում է իրավասու քննչական բաժինը։ Հունաստանի վարչապետի նստավայրը գտնվում է Աթենքի հենց կենտրոնում` Հերոդու Ատտիկու փողոցում։ Դրանից ոչ հեռու գտնվում է հրշեջ բաժինը։

12:59 - 20 հունվարի, 2024

Հունաստանի նորընտիր խորհրդարանում ձևավորվել է Հունաստան - Հայաստան բարեկամական խումբը

Հունաստանի նորընտիր խորհրդարանում ձևավորվել է Հունաստան - Հայաստան բարեկամական խումբը՝ իշխող կուսակցության «Նեա Դիմոկրատիա» խմբակցության գլխավոր քարտուղար Ստավրոս Կալաֆատիսի նախագահությամբ: Այս մասին տեղեկանում է Հունաստանում Հայաստանի դեսպանության տարածած հաղորդագրությունից: Բարեկամական խմբի փոխնախագահն է «Ազատության ուղի» կուսակցության ղեկավար Զոի Կոնստանտոպուլուն, քարտուղարը՝ «ՍԻՐԻԶԱ- Առաջադեմ դաշինք» կուսակցության պատգամավոր Եկատերինի (Կատերինա) Նոտոպուլուն։ Հունաստան-Հայաստան բարեկամական խումբը բաղկացած է 20 անդամից, որտեղ ընդգրկված են Հունաստանի խորհրդարանի տարբեր կուսակցությունների պատգամավորներ: Նրանց անունները հրապարակում ենք ստորև. Վոլուդակի Սևաստի (Սեվի) Գյուլեկաս Կոնստանտինոս Գոլիդակիս Դիամանտիս Դերմենձոպուլոս Խրիստոս Կարաոգլու Թեոդորոս Կուվելաս Դիմիտրիոս Կիրիազիդիս Դիմիտրիոս Լիվանոս Միխաիլ Մարկոպուլոս Դիմիտրիոս Տրագակիս Իոաննիս Զամբարաս Միլտիադիս (Միլթոս) Կասիմատի Իրինի (Նինա) Պանայոտոպուլոս Անդրեաս Պապաիլիու Գեորգիոս Խրիստոդուլակիս Էմանուիլ (Մանոլիս) Աբատիելոս Նիկոլաոս Ֆոտոպուլոս Ստիլիանոս

15:45 - 19 հունվարի, 2024

ՀՀ նախագահն ու Հունաստանի դեսպանը հանդիպման ընթացքում անդրադարձել են հարավկովկասյան տարածաշրջանային իրողություններին և վերջին զարգացումներին

Հայաստանի Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Հունաստանի արտակարգ և լիազոր դեսպան Խրիստոս Սոֆիանոպուլոսը: Նախագահի աշխատակազմից հայտնում են, որ Վահագն Խաչատուրյանը շնորհավորել է նորանշանակ դեսպանին պաշտոնը ստանձնելու կապակցությամբ և հույս հայտնել, որ Խրիստոս Սոֆիանոպուլոսն առավելագույն ջանք կներդնի երկու երկրների միջև առկա լավ համագործակցությունն առավել ընդլայնելու և զարգացնելու համար: Նախագահ Խաչատուրյանը գոհունակությամբ է խոսել սերտ պատմական բարեկամության և համերաշխության վրա հիմնված հայ-հունական հարաբերությունների մասին՝ նշելով երկու երկրների միջև առկա է բազմոլորտ երկկողմ օրակարգ և արդյունավետ քաղաքական երկխոսություն «Հունաստանը դժվար պահերին միշտ եղել է մեր կողքին, և ես իմ ու հայ ժողովրդի անունից երախտագիտություն եմ հայտնում մեր երկրի առջև ծառացած այս դժվարին ժամանակներում Հունաստանի կառավարության և իշխանությունների ցուցաբերած աջակցության համար»,- ասել է նախագահը։ Դեսպան Սոֆիանոպուլոսը շնորհակալություն է հայտնել ընդունելության համար և ընդգծել երկու երկրների միջև համագործակցության սերտացման և զարգացման ուղղությամբ ջանքեր ներդնելու իր պատրաստակամությունը: Հանդիպման ընթացքում անդրադարձ է կատարվել հարավկովկասյան տարածաշրջանային իրողություններին և վերջին զարգացումներին, ինչպես նաև առկա անվտանգային մարտահրավերներին ու դրանց դիմակայելու ուղիներին: Նախագահ Վահագն Խաչատուրյանն իր խոսքում ընդգծել է, որ Հայաստանը հավատարիմ է հարևանների հետ հարաբերությունների կարգավորման և կայուն ու տևական խաղաղության հասնելու իր սկզբունքային դիրքորոշմանը՝ միջազգային իրավական նորմերի, երկրների տարածքային ամբողջականության և ինքնիշխանության հիմնարար իրավունքների անխաթարության շրջանակներում: Երկուստեք շեշտվել է խնդիրները խաղաղ բանակցային ճանապարհով լուծելու և ռազմական սպառնալիքի բացառման հրամայականը:Զրույցի ընթացքում քննարկվել են նաև Հայաստանի և Հունաստանի բազմաշերտ փոխգործակցության վերաբերյալ հարցեր: Ընդգծվել է երկու երկրների միջև տնտեսական համագործակցության ընդլայնման ներուժի լիարժեք իրականացման ուղղված ջանքերի ակտիվացման կարևորությունը, մասնավորապես՝ բարձր տեխնոլոգիաների ոլորտում: Անդրադարձ է կատարվել նաև Հայաստան-Հունաստան-Կիպրոս արդյունավետ համագործակցության օրակարգային հարցերին:Հանրապետության նախագահն՝ ի դեմս դեսպանի, իր շնորհակալական խոսքն է փոխանցել Հունաստանի կառավարությանն ու իշխանություններին Լեռնային Ղարաբաղից բռնի տեղահանվածներին հունական կողմի ցուցաբերած հումանիտար աջակցության համար:Հանդիպմանը երկուստեք կարևորվել է Հայաստանի և Հունաստանի միջև քաղաքական երկխոսության առկա բարձր մակարդակը, ինչպես նաև սերտ համագործակցությունը Եվրամիության և այլ միջազգային հարթակներում:Զրույցի ընթացքում անդրադարձ է կատարվել նաև վերջին տարիներին ժողովրդավարության ամրապնդման ու ժողովրդավարական ինստիտուտների կայացման ուղղությամբ Հայաստանում ընթացող բարեփոխումներին և սկզբունքային մոտեցումներին:

17:59 - 12 հունվարի, 2024

Կարևոր է օգնել մեր բարեկամ և դաշնակից երկրին բոլոր միջազգային հարթակներում. Հունաստանի ԱԳ նախարարի հայտարարությունը ՀՀ այցից հետո

Հունաստանի արտաքին գործերի նախարար Յորղոս Գերապետրիտիսը հայտարարություն է տվել Հունաստանի հանրային ERT հեռուստաընկերությանը և լրագրող Կատերինա Ֆրիսային՝ Հայաստան կատարած պաշտոնական այցի ավարտից հետո: Այս մասին տեղեկացնում են Հունաստանում ՀՀ դեսպանությունից: «Այսօր ես հնարավորություն ունեցա այցելել Հայաստան և հանդիպել վարչապետի, արտաքին գործերի նախարարի և Անվտանգության խորհրդի քարտուղարի հետ։ Միևնույն ժամանակ այցելել եմ Երևանում Հունաստանի դիվանագիտական ներկայացուցչություն։ Հայաստանի հետ Հունաստանը պատմական կապեր ունի, դարերի պատմություն ունեցող կապեր։ Այն մեզ բարեկամ երկիր է։ Հունաստանը, հենց այս հավերժական բարեկամության համատեքստում, միշտ հոգ է տանում՝ Հայաստանին ապահովելու անհրաժեշտ համերաշխությունն ու անվտանգությունը։ Հատկապես այսօր՝ մի ժամանակաշրջանում, երբ Հարավային Կովկասում տեղի ունեցող իրադարձությունների պատճառով տարածքային ամբողջականությունը լուրջ ճնշման տակ է։ Հատկապես կարևոր է թե՛ որպես խորհրդանիշ, թե՛ որպես Հունաստանի անունից լավ ծառայությունների մատուցում Հայաստանին, օգնել մեր բարեկամ և դաշնակից երկրին բոլոր միջազգային հարթակներում․ Եվրամիությունում, ինչպես նաև ՅՈՒՆԵՍԿՕ-ում՝ համաշխարհային մշակութային ժառանգության պահպանման համար, և այնտեղ, որտեղ պահանջվում է՝ տալ լուծում, որը կլինի արդար և կայուն և կհաստատի տարածքային ամբողջականության, սահմանների անձեռնմխելիության մասին ՄԱԿ-ի կանոնադրության սկզբունքները, ինչպես նաև ցանկացած թշնամական գործողությունից խուսափելու համար։ Հունական կառավարության, հունական պետության համար սկզբունքային է աջակցություն ցուցաբերել ցանկացածին, ով գտնվում է պաշտպանության մեջ ցանկացած տեսակի ագրեսիայից»,- ասված է հայտարարության մեջ:

19:02 - 10 հունվարի, 2024

Արմեն Գրիգորյանն ու Հունաստանի ԱԳ նախարարը քննարկել են ԵՄ-ի հետ Հայաստանի գործընկերության շրջանակներում իրականացվող քայլերը

Հունվարի 10-ին ՀՀ ԱԽ քարտուղար Արմեն Գրիգորյանն ընդունել է Յորղոս Գերապետրիտիսի գլխավորած պատվիրակությանը: Այս մասին տեղեկացրին ԱԽ գրասենյակից: Զրուցակիցները բարձր են գնահատել պատմամշակութային ընդհանրությունների վրա հիմնված հայ-հունական երկկողմ բարեկամական հարաբերությունների զարգացման դինամիկան: Անդրադարձ են կատարել ինչպես երկկողմ, այնպես էլ բազմակողմ համագործակցությանն առնչվող հարցերի, այդ թվում՝ ԵՄ-ի հետ Հայաստանի գործընկերության շրջանակներում իրականացվող քայլերին, ինչի շրջանակներում քարտուղար Գրիգորյանը կարևորել է Հունաստանի ցուցաբերած աջակցությունը Հայաստանին: Հանդիպմանը կողմերն անդրադարձել են տարածաշրջանային և արտատարածաշրջանային անվտանգային իրավիճակին և ընդգծել, որ ցանկացած հակամարտություն պետք է լուծում ստանա միջազգային իրավունքի սկզբունքները խստագույնս պահպանելու միջոցով: Վերոնշյալի համատեքստում ԱԽ քարտուղարը ներկայացրել է հայ-ադրբեջանական հարաբերությունների կարգավորման շուրջ վերջին զարգացումները։

17:45 - 10 հունվարի, 2024

ՀՀ-ԵՄ հարաբերությունների խորացման գործընթացում երկար ճանապարհ կա անցնելու․ Միրզոյան |armenpress.am|

armenpress.am: Հայաստանի և Եվրամիության միջև հարաբերությունների զարգացման և խորացման գործընթացում երկար ճանապարհ կա անցնելու։ Այս մասին ասաց Հայաստանի արտաքին գործերի նախարար Արարատ Միրզոյանը՝ Հունաստանի արտաքին գործերի նախարար Յորղոս Գերապետրիտիսի հետ համատեղ ասուլիսի ժամանակ։ Նախարարը վստահեցրեց, որ սեղանին են մի շարք կոնկրետ գործողություններ ու ծրագրեր՝ բխող Համապարփակ և ընդլայնված գործընկերության համաձայնագրից, նաև դրանից դուրս։ « Մենք քիչ առաջ լսեցինք Հունաստանի արտաքին գործերի նախարարի հավաստիացումն այն մասին, որ Հունաստանը շարունակելու է իր ջանքերը և աջակցությունը համոզվելու, որ այս գործընթացը կանգ չի առնում և առարկայական և ինտենսիվ կերպով է շարունակվում։ Մենք, իհարկե, հույս դնելու ենք այդ հավաստիացումների և աջակցության վրա»,-ասաց Միրզոյանը։ Նախարարը նշեց, որ չնայած բոլոր մարտահրավերներին՝ Հայաստանը շարունակում է ժողովրդավարական բարեփոխումները։ Միրզոյանը համոզված է, որ այդ բարեփոխումները Հայաստանին ավելի են մոտեցնելու Եվրամիությանը։ ԵՄ-ի հետ երկխոսության համատեքստում Միրզոյանն ընդգծեց, որ ԵՄ դիտորդական առաքելությունը Հայաստանի համար չափազանց կարևոր նշանակություն ունի։ «Սա ևս մի կարևորագույն գործոն է, որը անվտանգություն և խաղաղություն է ապահովում Հայաստանի և Ադրբեջանի միջև սահմանին»,- նշեց Միրզոյանը՝ հիշեցնելով, որ ԵՄ-ն վերջերս որոշել է մեծացնել և երկարաձգել առաքելության մանդատը, ինչը Հայաստանը ողջունել է։

14:28 - 10 հունվարի, 2024

Խաղաղության պայմանագրում պետք է տեսնենք այն հիմքերը, որոնց վրա պետք է ընթանա սահմանազատման գործընթացը․ Արարատ Միրզոյան |armenpress.am|

armenpress.am: Հայաստանի և Ադրբեջանի միջև վերջանական խաղաղությունը անպայման պետք է խարսխված լինի մի քանի հիմնարար սկզբունքների վրա, որպեսզի հետագայում պարարտ հող չստեղծվի էսկալացիայի կամ ագրեսիայի համար։ Այս մասին ասաց Հայաստանի արտաքին գործերի նախարար Արարատ Միրզոյանը՝ Հունաստանի արտաքին գործերի նախարար Յորղոս Գերապետրիտիսի հետ համատեղ ասուլիսի ժամանակ։ Միրզոյանը տեղեկացրեց, որ նախորդ տարվա դեկտեմբերի վերջին Հայաստանը ստացել էր Ադրբեջանի առաջարկները խաղաղության պայմանագրի վերաբերյալ, որից հետո՝ հունվարի 4-ին, Հայաստանն Ադրբեջանին փոխանցել է իր առաջարկները։ «Չնայած երկկողմ հանդիպումների բացակայությանը՝ տեղի են ունեցել առաջարկների փոխանակումներ խաղաղության պայմանագրի շուրջ։ Մենք ստացել էինք Ադրբեջանի առաջարկները և հունվարի 4-ին փոխանցել ենք հայկական հերթական առաջարկները։ Կասեի, որ բովանդակային առումով ադրբեջանական առաջարկների մեջ տեսնում ենք որոշակի հետընթաց տեքստի որոշ մասերում և որոշակի առաջընթաց մի քանի այլ ուղղությամբ։ Եվ մենք շատ կառուցողական աշխատել ենք այդ առաջարկների վրա և ուղարկել ենք մեր առաջարկները, որոնք վստահ եմ, որ շատ կառուցողական են»,- ասաց Միրզոյանը։ Նախարարը խնդիրը ոչ այնքան հերթական առաջարկների, այս կամ այն հոդվածի հետընթաց կամ առաջընթաց, կառուցողական կամ ոչ կառուցողական լինելու մեջ է տեսնում, այլ սկզբունքների, որոնց վրա պետք է հենված լինի խաղաղությունը։ «Անկախ նրանից, թե տվյալ հերթական առաջարկի որևէ մի կոնկրետ հոդված առաջընթաց է, թե հետընթաց, վերջանական խաղաղությունը անպայման պետք է խարսխված լինի մի քանի հիմնարար սկզբունքների վրա։ Երկրները պետք է ճանաչեն միմյանց տարածքային ամբողջականությունը առանց որևէ այլևայլության, առանց որևէ երկիմաստության։ Սա այն հարցն է, որտեղ առավելագույն հստակություն է պետք, և վերջանական խաղաղության պայմանագիրը պետք է այս հստակությունն ապահովի։ Նաև, հասկանալիորեն, եթե երկրների միջև սահմանների սահմանազատման գործընթացը կարող է երկար ժամանակ տևել, առնվազն խաղաղության պայմանագրում պետք է տեսնենք այն հստակ հիմքերը, որոնց վրա պետք է հետագայում ընթանա սահմանազատման գործընթացը։ Սրանք այն հարցերն են, որտեղ Հայաստանի Հանրապետությունը չի կարող տեսնել և չի կարող թույլ տալ որևէ անորոշություն։ Նաև այն պատճառով, որ անորոշությունը մեծ հիմք է և պարարտ հող հետագա ագրեսիաների և էսկալացիաների համար։ Հետևաբար, եթե մենք խաղաղություն ենք հաստատում, մենք հաստատում ենք այնպիսի խաղաղություն, որը հնարավորինս դժվար կլինի կասկածի տակ դնել և խախտել»,- ընդգծեց Միրզոյանը։ Միրզոյանը նաև ներկայացրեց հաջորդ սկզբունքը, որը հայկական կողմը ուզում է տեսնել խաղաղության պայմանագրում՝ տարածաշրջանի տնտեսական կապուղիների և ենթակառուցվածքների ապաշրջափակումը՝ հենվելով արդար և հիմնարար սկզբունքների վրա։ «Խաղաղությունը միայն կրակոցների բացակայությունը չէ։ Խաղաղությունը նաև բաց սահմաններն են և ապրանքների և մարդկանց տեղաշարժն է միմյանց տարածքով։ Դժվար է Հարավային Կովկասում խաղաղության հաստատումից խոսել, երբ Հայաստանը շարունակում է մնալ շրջափակման մեջ։ Մենք շահագրգռված ենք կապուղիների ապաշրջափակմամբ, բայց մենք նաև վստահ ենք, որ այս ապաշրջափակումը պետք է տեղի ունենա մի քանի շատ պարզ, հիմնարար և արդար սկզբունքների հիման վրա»,-եզրափակեց Միրզոյանը։

14:17 - 10 հունվարի, 2024

Վարչապետն ընդունել է Հունաստանի ԱԳ նախարարին

14:05 - 10 հունվարի, 2024

«Խաղաղության խաչմերուկ» նախագիծն իրատեսական է․ Հունաստանի արտգործնախարար |civilnet.am|

civilnet.am: Հունաստանի արտաքին գործերի նախարար Յորղոս Գերապետրիտիսը կարծում է, որ Հայաստանի կառավարության ներկայացրած «խաղաղության խաչմերուկ» նախագիծը տարածաշրջանում խաղաղության հաստատման խնդրի «իրատեսական և արդարացի» լուծում է ենթադրում։ «Կարծում եմ, որ «խաղաղության խաչմերուկը», որը ՀՀ կառավարությունը ներկայացրել է, շատ իրատեսական, արդարացի լուծում է խնդրի։ Մենք կարծում ենք, որ խաղաղության գործընթացը պետք է կոնկրետ խնդիրներին անդրադառնա, սահմանազատումը պետք է հստակ լինի, որ հետագայում վայրագություններ չդրսևորվեն»,- հունվարի 10-ին Երևանում հայ գործընկերոջ հետ համատեղ ասուլիսին հայտարարել է Հունաստանի արտգործնախարարը։ Նա նշում է, որ ՀՀ կառավարությունն անում է անհրաժեշտ բոլոր քայլերը խաղաղության և տարածաշրջանի բարգավաճմանը հասնելու համար։

13:11 - 10 հունվարի, 2024

ԵՄ դիտորդական առաքելությունը կենսական նշանակություն ունի Հայաստանի անվտանգության համար. Միրզոյան |tert.am|

tert.am: Իսկապես երկար ճանապարհ կա անցնելու Հայաստան-ԵՄ հարաբերությունների խորացման գործընթացում։ Այս մասին Հունաստանի ԱԳ նախարարի հետ համատեղ ասուլիսում ասաց ՀՀ ԱԳ նախարար Արարատ Միրզոյանը։ Հայաստանի արտաքին գերատեսչության ղեկավարը վստահեցրեց, որ հիմա քննարկման սեղանին են մի շարք կոնկրետ գործողություններ և ծրագրեր։ Միրզոյանը կաևորեց հատկապես ԵՄ քաղաքացիական դիտորդների նշանակությունը մեր երկրի համար։ «Այժմ Հայաստանի համար հատկապես անվտանգության հարթությունում կենսական, չափափազանց կարևոր նշանակություն ունի ԵՄ դիտորդական առաքելությունը։ Սա ևս մեկ կարևորագույն գործոն է, որն անվտանգություն և խաղաղություն է ապահովում Հայաստանի և Ադրբեջանի միջև սահմանային գոտում։ Սա ևս մեկ ոլորտ է, որը ենթակա է շարունակական զարգացման»,- ընդգծեց Միրզոյանը։

13:00 - 10 հունվարի, 2024