ՆԱՏՕ - infocom.am

ՆԱՏՕ

Հյուսիսատլանտյան դաշինքի կազմակերպությունը Հյուսիսատլանտյան պայմանագիրը ստորագրած անդամ-երկրների ստեղծած ռազմաքաղաքական կազմակերպությունն է, որը նպատակ է հետապնդում հավաքական անվտանգության և պաշտպանություն պարտականությունների իրականացումը։ Հիմնադրվել է 1949 թ․ ապրիլի 4-ին։ Հաճախ անվանում են ՆԱՏՕ՝ անգլերեն բառերի հապավումից։

ՆԱՏՕ-ին անդամակցում են 29 երկիր, որոնցից 27-ը եվրոպական են, երկուսը՝ հյուսիս-ամերիկյան: Հյուսիսատլանտյան դաշինքի որոշում կայացնող գլխավոր մարմինը Հյուսիսատլանտյան դաշինքի խորհուրդն է, իսկ միջազգային բարձրագույն պաշտոնյան՝ ՆԱՏՕ-ի գլխավոր քարտուղարը։

Հայաստանում մեկնարկում է «ՆԱՏՕ-ի շաբաթը» |tert.am|

Հայաստանում մեկնարկում է «ՆԱՏՕ-ի շաբաթը»: Այն նախատեսվում էր անցկացնել անցյալ տարվա դեկտեմբերին, բայց ԱԳՆ Սպառազինությունների վերահսկման և միջազգային անվտանգության վարչության պետ, դեսպան Արմեն Եդիգարյանի խոսքով, հաշվի առնելով ներքաղաքական զարգացումները, որոշվեց այն անցկացնել ընտրական գործընթացի ավարտից հետո: «Անցյալ տարի քաղաքական երկխոսությունը շարունակվեց բարձր մակարդակով: Վարչապետն այցելեց Բրյուսել, որտեղ մասնակցեց Վճռական աջակցություն գործողության ժողովին, հանդես եկավ ելույթով: Անցյալ տարի ՆԱՏՕ կենտրոնակայան այցելեցին ՊՆ և ԱԳՆ նախարարները, հանդիպեցին գլխավոր քարտուղարի տեղակալի հետ: Շարունակում ենք աշխատել ռազմական ու պաշտպանական սեկտորի բարեփոխումների հարցում, գիտություն հանուն խաղաղության և անվտանգության ծրագրի շրջանակներում համատեղ ծրագիր ենք անցկացնում և այլն»,- նշեց Ա. Եդիգարյանը: Ըստ նրա՝ «ՆԱՏՕ-ի շաբաթ»-ի շրջանակներում անցկացվելու են մի շարք միջոցառումներ, որոնց թվում ԱԺ-ում կանցկացվի «Զինված ուժերի նկատմամբ քաղաքացիական վերահսկման» թեմայով քննարկում, ԱԳՆ-ում՝ կանանց խաղաղությանն ու անվտանգությանը նվիրված ՄԱԿ ԱԽ 13,25 բանաձևի քննարկում: Եդիգարյանը հայտնեց, որ Հայաստանում է ՆԱՏՕ-ի գլխավոր քարտուղարի Հարավային Կովկասի և Կենտրոնական Ասիայի երկրներում սոցիալական ներկայացուցիչ Ջեյմս Ապաթուրայը: tert.am

07:30 - 11 մարտի, 2019