armtimes.com: Երեւանի Այրվածքաբանության ազգային կենտրոնի նախկին բուժաշխատող, կենտրոնի լաբորատոր ախտորոշիչ բաժանմունքի վարիչ Դավիթ Գրիգորյանը դատական հայց է ներկայացրել Երեւան քաղաքի դատարան՝ ընդդեմ «Այրվածքաբանության ազգային կենտրոն» ՓԲԸ-ի:
Այս մասին տեղեկանում ենք «Դատալեքս» դատական տեղեկատվական համակարգից:
Գրիգորյանը պահանջում է անվավեր ճանաչել իրեն աշխատանքից ազատելու հրամանը, վերականգնել նախկին աշխատանքը եւ բռնագանձել հարկադիր պարապուրդի գումարը:
Կենտրոնի տնօրեն Գեւորգ Սիմոնյանը 2019 թվականին նրան ազատել էր պաշտոնից՝ նշելով, որ կազմակերպությունում կրճատումներ են: Տնօրենը Դավիթ Գրիգորյանին առաջարկել էր բանվորի կամ տեխնիկի գործ, քանի որ կենտրոնում իր մասնագիտական պատրաստվածության որակավորմանը համապատասխան թափուր այլեւս հաստիք չկար:
