Լրատվական Ագրեգատոր

Հայաստանում Ֆրանսիայի դեսպանությունն արձագանքել է ֆրանսիացի բժիշկների առաքելությունների թեմայով հրապարակումներին՝ նշելով, որ ֆրանսիական բուժանձնակազմերի երկու առաքելությունները Հայաստան են ժամանել ՀՀ իշխանությունների հրավերով, որոնք էլ ապահովել են սույն առաքելությունների կայացումն ու կազմակերպումը։ Ի պատասխան ՀՀ Կառավարության խնդրանքի՝ Ֆրանսիան հոգացել է երկրորդ պատվիրակության տրանսպորտի և կեցության ծախսերը։ |hetq.am| Ավելին

Այսօր 14:39

Վերաքննիչ քրեական դատարանի դատավոր Ալեքսանդր Ազարյանը կարգապահական պատասխանատվության չի ենթարկվի: Որոշումը հրապարակեց ԲԴԽ-մ՝ նշելով, որ այն վերջնական է: Արդարադատության նախարար Ռուստամ Բադասյանը կարգապահական պատասխանատվության ենթարկելու միջնորդություն էր ներկայացրել՝ նշելով, որ դատական նիստերից մեկի ժամանակ Ազարյանն անհարգալից վերաբերմունք է դրսեւորել ՀՔԾ-ի եւ ՀՔԾ պետի նկատմամբ՝ վիրավորական արտահայտություններ հնչեցնելով: |armtimes.com| Ավելին

Այսօր 13:42

ԱՀ մուտք կարող են գործել ՀՀ մեր այն հայրենակիցները, ինչպես նաև արտերկրի այն քաղաքացիները, որոնք բեռնափոխադրում իրականացնող տրանսպորտային միջոցի վարորդ են կամ ուղեկցող: Նրանցից ՊՇՌ թեստ և պարետի թույլտվություն չի պահանջվում։ Գյուղատնտեսական աշխատանքներ իրականացնող անձինք ԱՀ տարածք մուտք գործելու համար մուտք գործելու նախատեսվող օրվանից առնվազն երկու օր առաջ գրավոր կամ բանավոր եղանակով դիմում են համապատասխան շրջանի վարչակազմին: [Արցախ/տեղեկատվական շտաբ] Ավելին

Այսօր 13:33

Վիճակախաղերի, շահումով խաղերի, ինտերնետ շահումով խաղերի և խաղատների լիցենզավորող հանձնաժողովը որոշել է «Մուլտի Գրուպ» կոնցեռնի կազմի մեջ մտնող «ՕՆԻՐԱ ՔԼԱԲ» ՍՊԸ -ին տրված խաղատան կազմակերպման լիցենզիան ուժը կորցրած ճանաչել: «ՕՆԻՐԱ ՔԼԱԲ»-ը չի վճարել լիցենզիայի համար 2020 թվականի երրրորդ եռամսյակի պետական տուրքի տարեկան գումարի մեկ քառորդ մասը։ Ավելին

Այսօր 13:17

Կառավարությունն առաջարկում է արտակարգ դրության պայմաններում ստեղծել առողջապահության բնագավառի միասնական կառավարման համակարգ՝ առողջապահության բնագավառի պետական կառավարման լիազոր մարմնին վերապահելով բժշկական օգնություն և սպասարկում իրականացնող կազմակերպությունների կառավարման լիազորությունները (բացառությամբ ՊՆ ռազմաբժշկական հաստատությունների)` արտակարգ դրություն հայտարարելու մասին որոշմամբ սահմանված ծավալներով և լիազորությունների շրջանակով: Որոշումն ընդունվեց կառավարության այսօրվա նիստում։ |hetq.am| Ավելին

Այսօր 13:07

Քանի որ ամբողջ աշխարհը սպասում է պատվաստանյութի, մարդիկ գոյություն չունեցող, սակայն սպասվող պատվաստվանյութի ձեռքբերման համար հերթ են կանգնում, և կան երկրներ, որոնք գնում են իրականացրել, այսինքն՝ գումար են փոխանցել և ապագա պատվաստանյութն ահռելի քանակությամբ ձեռք են բերել, ինչը մտավախություն է առաջացնում, որ խմբաքանակները կհայտնվեն մի քանի երկրների ձեռքում։ [Նիկոլ Փաշինյան] |armenpress.am| Ավելին

Այսօր 13:03

Ես կարծում եմ, որ բացի մեզնից մնացած բոլորը ակնկալիքներ ունեին։ Մենք որևէ ակնկալիք չունեինք, որ նման միջոց կկիրառվի և ակնկալիք էլ չունենք, որ ՄԻԵԴ-ի այս որոշման հետ կապված որևէ միջազգային կառույց հակառակ դիրքորոշումը կցուցաբերի։ Որերրորդ անգամն է, երբ գնում են տարբեր տեղերից, դրսից, մեզ վրա «տղա բերելու» տրամաբանությամբ։[«Իմ քայլը» խմբակցության պատգամավոր Ալեն Սիմոնյանը՝ ՄԻԵԴ-ի երեկ կայացրած որոշման մասին] Ավելին

Այսօր 12:46

«Մուլտի գրուպ» կոնցեռն ՍՊԸ-ին պատկանող Լոռու մարզի Մղարթի ոսկու հանքավայրում իրականացված մասնակի ստուգման արդյունքում պարզվել է, որ ընկերությունը հարստացուցիչ ֆաբրիկան և պոչամբարը շահագործել է առանց շրջակա միջավայրի վրա ազդեցության փորձաքննության եզրակացության։ Նշանակվել է վարչական տուգանք՝ 100.000 ՀՀ դրամի չափով։ [Բնապահպանության և ընդերքի տեսչական մարմին] Ավելին

Այսօր 12:43

Հայաստանում կորոնավիրուսով վարակված, հիվանդանոց տեղափոխվելու կարիք ունեցող և տանը սպասող հիվանդ ներկայումս չկա: Այդ մասին կառավարության նիստում նշեց Նիկոլ Փաշինյանը։ Վարչապետը հիշեցրեց, որ մոտ մեկ ամիս ունեինք տանը սպասող հիվանդների խումբ, որը հիմա չկա: Փաշինյանը միաժամանակ ընդգծեց, որ վիճակն անկանխատեսելի է և առաջիկայում սպասվում է վերակենդանացման նոր բաժանմունքների բացում «Էրեբունի», «Սուրբ Գրիգոր Լուսավորիչ» հիվանդանոցներում։ |armenpress.am| Ավելին

Այսօր 12:36

Մեր հաշվարկները ցույց են տալիս, որ տնտեսության մեջ առնվազն հավելյալ 64 մլրդ դրամի շրջանառություն է մնացել։ Դա շահութահարկի կանխավճարի կանոնի փոփոխությունն է, որն, ըստ էության, ռազմավարական փոփոխություն է։ Աննախադեպ հնարավորություն կա, որ շահութահարկի կանխավճարներն իրականացվեն ոչ թե նախորդ տարվա շահութահարկից այլ ընթացիկ եռամսյակների շրջանառությունից։ [Փոխվարչապետ Մհեր Գրիգորյանը՝ հարկային բարեփոխումների մասին] |armtimes.com| Ավելին

Այսօր 12:15

Խորհրդարանը երկրորդ ընթերցմամբ և ամբողջությամբ ընդունեց «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու նախագիծը: Ըստ նախագծի` զոհված (մահացած) զինծառայողների կամ 1-ին և 2-րդ կարգի հաշմանդամության կարգ ունեցող զինծառայողների ծնողների, այրու, մինչև 27 տարեկան զավակների ուսումնառությունը պետական բուհերում կիրականացվի բյուջեի միջոցների հաշվին: |hetq.am| Ավելին

Այսօր 11:28

Ես կրկին ուզում եմ ընդգծել, որ հակահամաճարակային մեր ռազմավարությունը շարունակում է մնալ նույնը, այն է՝ սովորել ապրել այնպիսի կանոններով, որոնք մեզ թույլ կտան նոր դեպքերի թիվը զրոյացնել կամ մոտեցնել զրոյի։ Այդ թվում ամենախիստ վարչական միջոցներով պետք է կարողանանք ապահովել հակահամաճարակային կանոնների պահպանումը և այս ճանապարհին ենք շատ հետևողական ենք լինելու։ [Նիկոլ Փաշինյան] Ավելին

Այսօր 10:54

Հուլիսի 9-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 30346 դեպք, որոնցից 18000-ն` առողջացած, 535-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11641 պացիենտ: Ընդհանուր առմամբ կատարվել է 129166 թեստավորում: Այսպիսով` ունենք կորոնավիրուսային հիվանդությամբ հաստատված 526 նոր դեպք և 573 առողջացած։ Մեկ օրում կատարվել է 1995 թեստավորում։ Ավելին

Այսօր 09:16

Հուլիսի 8-ին ՀԷՑ-ը տուգանվել է 10 մլն դրամով: Պարզվել է, որ, ի թիվս այլ խախտումների, 2020 թ․ մայիսի 1-3-ն ընկած ժամանակահատվածում ցուցմունքների ֆիքսման բլանկներում գրանցված 63 հաշվիչներով արձանագրված ցուցմունքերը ավելի մեծ են եղել, քան մայիսի 4-8-ը աշխատանքային խմբի կողմից նույն առևտրային հաշվիչներից կարդացված ցուցմունքերը։ Թվարկված խախտումները ուղղակիորեն հանգեցրել են մի խումբ սպառողների իրավունքների խախտմանը: [ՀԾԿՀ] Ավելին

22:16 - 8/հուլիսի/2020

ՄԻԵԴ-ն այսօր որոշել է չկիրառել միջանկյալ միջոց, որ պահանջել էին ՀՀ ՍԴ նախկին նախագահ Հրայր Թովմասյանը և երեք անդամները երկրի Սահմանադրությունում վերջին փոփոխությունների առնչությամբ: Եվրադատարանը որոշել է մերժել դիմումը, քանի որ այն չի պարունակում Մարդու իրավունքների եվրոպական կոնվենցիայում ամրագրված որևէ առանցքային իրավունքի լուրջ ու անդառնալի վնաս հասցնելու վտանգ։ |azatutyun.am| Ավելին

20:13 - 8/հուլիսի/2020

Վերաքննիչ քրեական դատարանը բեկանեց Գագիկ Ծառուկյանի խափանման միջոցի մասին առաջին ատյանի դատարանի որոշումն ու այն հետ ուղարկեց նոր քննության։ Ծառուկյանին կալանավորելու որոշում Վերաքննիչը չի կայացրել: Մեր դիմումները մերժել է, իսկ դատախազության դիմումը բավարարել է մասնակի: Թե կոնկրետ որ հատվածն է բավարարել, տեղյակ չեմ: Դատախազությունը, հիշեցնենք,պահանջում էր կալանավորել Գագիկ Ծառուկյանին: [Ծառուկյանի փաստաբաններից Սամվել Դիլբանդյան] |azatutyun.am| Ավելին

19:26 - 8/հուլիսի/2020

Արցախի պարետի նոր որոշմամբ խստացվում են ԱՀ մուտք գործելու պահանջները: Սահմանը հատելու համար քաղաքացիները անցակետում պետք է ԱՆ մասնագետներին ներկայացնեն ՊՇՌ թեստի պատասխանը՝ 3 օրից ոչ ավելի վաղեմության: Եթե ԱՀ քաղաքացին այն չի ներկայացնում, ԱՆ աշխատակիցները տեղում վճարովի հիմունքներով իրականացնում են նմուշառում ՊՇՌ հետազոտության նպատակով: Թեստի պատասխանը բացասական լինելու դեպքում բոլորը ենթակա են ինքնամեկուսացման՝ բացառությամբ բեռնափոխադրում իրականացնող վարորդի եւ ուղեկցողի: Իսկ դրականի դեպքում կիրառվում է հոսպիտալացում կամ այլ սահմանափակող միջոցներ: ՊՇՌ թեստի գումարը մասնակի սուբսիդավորելու է կառավարությունը, ինչի արդյունքում այն արժենալու է 7000 դրամ: Ավելին

18:45 - 8/հուլիսի/2020

ՀՀ նախագահը՝ հիմք ընդունելով վարչապետի առաջարկությունը, ՀՀ ոստիկանության պետի առաջին տեղակալ է նշանակել Արամ Հովհաննիսյանին: [Նախագահի մամուլի գրասենյակ] Ավելին

16:31 - 8/հուլիսի/2020

Կենտրոնական ընտրական հանձնաժողովը որոշեց մերժել «Լուսավոր Հայաստան» կուսակցության ղեկավար Էդմոն Մարուքյանի դիմումը։ Այն կուսակցությանը 18-րդ մանդատ տրամադրելու մասին էր: |armtimes.com| Ավելին

16:06 - 8/հուլիսի/2020

ԼՂ հակամարտության հարցում Իրանի Իսլամական Հանրապետության դիրքորոշումը միշտ հայտնել ենք, մեր դիրքորոշման մեջ չի եղել որևիցե փոփոխություն։ Կան մարդիկ, որ այլ կարծիքներ են հայտնում, դրանք պաշտոնական տեսակետներ չեն, և հավասարակշռված դիրքորոշումը, որը որդեգրել է Իրանը, անփոփոխ է մնացել: [ՀՀ-ում Իրանի դեսպան] |armenpress.am| Ավելին

14:11 - 8/հուլիսի/2020

Աժ պատգամավորների փակ քվեարկության արդյունքում Կարեն Սեդրակյանը՝ 80 կողմ և 6 դեմ ձայներով, ընտրվեց Տնտեսական մրցակցության պաշտպանության պետական հանձնաժողովի անդամ:[ԱԺ հաշվիչ հանջնախմբի նախագահ Վահագն Հովակիմյան] Ավելին

13:52 - 8/հուլիսի/2020

Սահմանվել է հիվանդությունների ցանկը, որոնց առկայության դեպքում անձինք բաց տարածքներում կարող են դիմակ չկրել: Քրոնիկ շնչառական հիվանդություններ՝ ասթմա, թոքերի քրոնիկ օբստրուկտիվ հիվանդություն, բրոնխիտ, ինչպես նաև 3-րդ, 4-րդ ֆունկցիոնալ դասի քրոնիկ սրտային անբավարարություն։ Հիվանդության փաստը հաստատող բժշկական փաստաթղթի առկայությունը պարտադիր է։ [ՀՀ պարետ] Ավելին

13:43 - 8/հուլիսի/2020

Ազգային ժողովի հանձնաժողովների նախագահների տեղակալները, աշխատակազմի ղեկավարի տեղակալներն այլևս չեն օգտվում ծառայողական ավտոմեքենաներից։ Ապագայում պետք է հասնել իրավիճակի, որ միայն խոսնակն օգտվի ծառայողական ավտոմեքենայից։ 580 միլիոն դրամը 14 ամսվա ընթացքում տրամադրվել է 132 պատգամավորի։ Կոպիտ մաթեմատիկական հաշվարկով, խոսքերը վերաբերում է ամսական 240 հազար դրամին։Մենք չենք թաքցրել մեր համոզմունքը և չենք վախեցել խոստովանել, որ սա արդարացված քայլ է: [ԱԺ նախագահ Արարատ Միրզոյան] Ավելին

13:31 - 8/հուլիսի/2020

Հունաստանի խորհրդարանը վավերացրել է ՀՀ-ԵՄ համափարփակ և ընդլայնված գործընկերային համագործակցության համաձայնագիրը: Այն խորհրդարան էր մտել ս.թ. հունիսի 24-ին: |armenpress.am| Ավելին

13:16 - 8/հուլիսի/2020

Եթե նախագահը «Սահմանադրական դատարանի մասին» օրենքը վիճարկելու համար չդիմի ՍԴ, ապա ես 5-օրյա ժամկետում մեծ հաճույքով կստորագրեմ այն: Նախագահն ունի 21 օր, նա կարող է վիճարկել օրենքը ՍԴ-ում, իսկ եթե, ի վերջո, չստորագրի և ՍԴ չդիմի, ԱԺ նախագահի համար իրավական հնարավորություն է ստեղծվում ստորագրել կամ չստորագրել օրենքը։ [ԱԺ նախագահ Արարատ Միրզոյան] Ավելին

12:41 - 8/հուլիսի/2020

Բոլոր կետերը ուղղված են ընդերքի ռացիոնալ օգտագործմանը։ Առաջին կարևոր փոփոխությունն այն է, որ այսուհետ առաջարկում ենք արդյունահանման թույլտվություն չտրամադրել այն դեպքում, եթե տվյալ տեղամասի հանքավայրի պաշարները ուսումնասիրված և հաստատված չեն մետաղականի համար՝ 5 տարվա ընթացում, իսկ ոչ մետաղականի դեպքում՝ վերջին 10 տարվա ընթացքում։ [ՏԿԵ նախարարի տեղակալ Լիլիա Շուշանյան] Ավելին

12:09 - 8/հուլիսի/2020

Մեկ տարվա ընթացքում հարուցվել են հակամրցակցային համաձայնությունների և գերիշխող դիրքի չարաշահման մեկ տասնյակից ավելի վարչական վարույթներ, որոնցից մի քանիսն արդեն արձանագրվել են չարաշահման դրսևորման դեպքերով: Դրանց գերիշխող մասը գտնվում է ընթացիկ վարույթում: Հանձնաժողովի ուշադրության կենտրոնում են նաև պետական և տեղական ինքնակառավարման մարմինների համակենտրոնացման գործողությունները։ [ՏՄՊՊՀ անդամի թեկնածու Կարեն Սեդրակյան] Ավելին

11:56 - 8/հուլիսի/2020

ՀՀ Պաշտպանության փոխնախարար Գաբրիել Բալայանը վարակվել է կորոնավիրուսով: Այս մասին ԱԺ պաշտպանության և անվտանգության հարցերի մշտական հանձնաժողովի արտահերթ նիստի ժամանակ ասաց հանձնաժողովի նախագահ Անդրանիկ Քոչարյանը: |factor.am| Ավելին

11:30 - 8/հուլիսի/2020

Վաղաշեն համայնքի ղեկավարն իր պաշտոնավարման տարիներին կատարել է մի շարք յուրացումներ՝ համայնքապետարանին պատճառելով խոշոր չափի՝ 2.102.445 ՀՀ դրամ գույքային վնաս: Նրա օժանդակությամբ, 2017թ. հունվարից մինչև 2018թ. օգոստոս Վաղաշենի բնակիչը խաբեությամբ որպես նպաստ ստացել է 712.500 ՀՀ դրամ գումար։ Համայնքի ղեկավարին մեղադրանք է առաջադրվել։ [ՔԿ] Ավելին

11:14 - 8/հուլիսի/2020

ԱՀ-ում վարակի նոր օջախ է հայտնաբերվել Ստեփանակերտում: Այդ օջախի վարակակիր համարվող 2 քաղացու շփման շրջանակը պարզվում: Եվս 3 նոր դեպք գրանցվել է նախկինում հաստատված օջախի կոնտակտավորների մոտ: Ընդհանուր առմամբ, Ստեփանակերտում հաստատվել է կորոնավիրուսով հիվանդացության 5 նոր դեպք, իսկ առայսօր հաստատված դեպքերի քանակը 141 է: 1 մարդ հաղթահարել է վարակը: Այս պահին մեկուսացված է 91, հիվանդությունը փաստացի հաղթահարում է 29 քաղաքացի: Վարակվածների ընդհանուր թիվը 141 է։ [Արցախ/տեղեկատվական շտաբ] Ավելին

11:03 - 8/հուլիսի/2020

Հուլիսի 8-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 29820 դեպք, որոնցից 17427-ն` առողջացած, 521-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11708 պացիենտ: Ընդհանուր առմամբ կատարվել է 127171 թեստավորում: Այսպիսով` ունենք կորոնավիրուսային հիվանդությամբ հաստատված 535 նոր դեպք և 520 առողջացած։ Մեկ օրում կատարվել է 2083 թեստավորում։ Ավելին

09:14 - 8/հուլիսի/2020

Սպիտակ տունը հայտնել է, որ վարչակազմի քաղաքականությունը Մեծ Եղեռնի հարցում փոփոխության չի ենթարկվել։ ԱՄՆ նախագահը վերահաստատել է, որ Մեծ Եղեռնը պատմական ոճրագծություն և ողբերգություն է, և ԱՄՆ-ը կանգնած է հայ ժողովրդի կողքին: Հիշեցնենք, որ երեկ Սպիտակ տան մամուլի խոսնակը արտաբերեց «Հայոց ցեղասպանություն» արտահայտությունը՝ անդրադառնալով ամերիկյան Դենվեր քաղաքում վանդալիզմի զոհ դարձած Հայոց ցեղասպանության հուշահամալիրին: |amerikayidzayn.com| Ավելին

20:27 - 7/հուլիսի/2020

2022թ-ի հուլիսից 65 մահճակալ հզորությամբ նորակառույց բազմաֆունկցիոնալ բժշկական կենտրոնը՝ միջազգային արդի բոլոր չափանիշներին համապատասխան, ախտորոշիչ և բուժական ծառայություններ իրականացնելու լայն հնարավորություններով կսպասարկի Մարտունի քաղաքի և տարածաշրջանի ազգաբնակչությանը: ԲԿ-ն կառուցվում է ՀԲ ֆինանսավորմամբ, բոլոր աշխատանքները համակարգվում են ԱՆ կողմից։ [Արսեն Թորոսյան] Ավելին

19:53 - 7/հուլիսի/2020

Վարչապետի մամուլի խոսնակ Մանե Գեւորգյանն անդրադարձել է այսօր Իլհամ Ալիեւի կողմից բարձրաձայնած ԼՂ հարցի շուրջ Ադբեջանական դիրքորոշմանը և նշել․ «Ալիևը մեզ մեղադրում է ֆաշիզմի մե՞ջ: Եվ ինչու՞ է անընդհատ պնդում, թե Ղարաբաղի հարցն ունի ռազմական լուծում: Մեր արձագանքը նույնն է. եթե հարցն ունի ռազմական լուծում, ուրեմն Արցախի քաղաքացիները վաղուց լուծել են այդ հարցը: Պարոն Ալիեւը հարցի չկարգավորման մեջ մեղադրում է ԵԱՀԿ ՄԽ համանախագահներին, Հայաստանին, պատմական արդարությանը, մինչդեռ պիտի մեղադրի միայն ինքն իրեն, որ վաղուց հեռացել է քննարկումների կառուցողական դաշտից»։ Ավելին

19:31 - 7/հուլիսի/2020

Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, որոշեց չբավարարել Ռոբերտ Քոչարյանի և մյուսների գործով դատախազների միջնորդությունը, որով խնդրել էին սահմանափակել պաշտպանական կողմի՝ տարբեր տեսակի միջնորդություններ ներկայացնելու դատավարական իրավունքը։ Հաջորդ դատական նիստը տեղի կունենա հուլիսի 14-ին՝ ժամը 13։00-ին։ Ավելին

18:49 - 7/հուլիսի/2020

«Ծառուկյան» խմբակցության նախկին պատգամավոր Վանիկ Ասատրյանը կալանավորվել է։ [ԱԱԾ մամուլի կենտրոն] |armenpress.am| Ավելին

18:19 - 7/հուլիսի/2020

«Հայփոստ» ՓԲԸ դիտորդ խորհրդի հուլիսի 6-ի նիստին կայացած մրցույթի արդյունքներով՝ «Հայփոստ» ՓԲԸ գլխավոր տնօրենի պաշտոնում միաձայն ընտրվել և նշանակվել է Հայկ Կարապետյանը: Ավելին

17:46 - 7/հուլիսի/2020

ԱԺ արտահերթ նիստում ներառված չէ դիմակ չկրելու համար տուգանքների չափը բարձրացնող օրենքի նախագիծ: «Իմ քայլը» խմբակցությունը նպատակահարմար չհամարեց ընդգրկել հարցը օրակարգ։ [«Իմ քայլը» խմբակցության պատգամավոր Սիսակ Գաբրիելյան] Ավելին

17:18 - 7/հուլիսի/2020

Վերաքննիչ դատարանում ավարտվել է «Բարգավաճ Հայաստան» կուսակցության ղեկավար, պատգամավոր Գագիկ Ծառուկյանի խափանման միջոցի հարցի քննությունը։ Դատարանի որոշումը կհրապարակվի հուլիսի 8-ին, ժամը դեռ չի որոշվել։ |armenpress.am| Ավելին

17:11 - 7/հուլիսի/2020

2020թ. հուլիսի 18-ից կկատարվի երթևեկության կազմակերպման փոփոխություն։ Դրա արդյունքում Երևանի բոլոր ճանապարհահատվածներում երթևեկության թույլատրելի առավելագույն արագությունը կսահմանվի 60 կմ/ժ: [ՀՀ ոստիկանություն] Ավելին

16:29 - 7/հուլիսի/2020

Վարչապետ Նիկոլ Փաշինյանը այսօր այցելել է Հայաստանում բացված «Կալաշնիկով» ինքնաձիգի արտադրամաս։ Նրան տեղեկացրել եմ, որ արտադրամասում տարեկան արտադրվելու է 50 հազար միավոր ինքնաձիգ։ Վարչապետը ծանոթացել է նաև «Նեյտրոն ԳԱՄ» ՓԲԸ գործարանի առաջիկա ծրագրերին: Նշվել է, որ գործարանի կողմից փամփուշտների արտադրությունը Երևանից տեղափոխվում է Կոտայքի մարզում գտնվող արտադրական տարածք։ Ավելին

14:43 - 7/հուլիսի/2020

Շրջակա միջավայրի նախարարության հետազոտությունները ցույց են տվել, որ այս պահին աղտոտված են Հովտաշենից Երասխահուն և Հայանիստ գյուղերի միջակայքում բնադրող արագիլների մոտ 60 տոկոսը։ Մասնագիտական խումբն արդեն տեղորոշել և կազմել է այն ձկնաբուծարանների ցանկը, որոնցում հնարավոր է լինեն աղտոտման աղբյուրներ։ Ավելին

13:16 - 7/հուլիսի/2020

Երբ Հայաստանի վարչապետը հայտարարում է՝ Ղարաբաղը Հայաստան է, ինչո՞ւ Մինսկի խումբը չի արձագանքում։ Նրանք աբստրակտ հայտարարություններ են անում՝ փորձելով և՛ մեզ սիրաշահել, և՛ նրանց, բայց դրա ժամանակն արդեն անցել է։ Մենք չենք բանակցի հանուն բանակցությունների, մենք ուզում ենք ըստ էության բանակցություններ՝ առանց դրանց ձևաչափը փոխելու։ [Ադրբեջանի նախագահ Իլhամ Ալիև] |azatutyun.am| Ավելին

12:50 - 7/հուլիսի/2020

Մենք էլ ենք հասկանում, որ հավերժ արտակարգ դրություն չի կարող լինել, սակայն արտակարգ դրությունով պայմանավորված կանոնների պահպանումը պետք է մնա ուղիղ այնքան, որքան առկա է այս մարտահրավերը։ Հակառակ դեպքում կլինի պայթյունաձև տարածում՝ դրանից բխող ծանր ու աղետալի հետևանքներով: Մենք մարող ենք վարվել այնպես, ինչպես ուզում ենք՝ սահմանված կանոների շրջանակներում, բայց պետք է գիտակցենք նաև այդ վարքագծի ռիսկայնության աստիճանը: [Արսեն Թորոսյան] Ավելին

12:38 - 7/հուլիսի/2020

Առանց թույլտվության ջրօգտագործում իրականացնելը առաջացնում է տուգանքի նշանակում քաղաքացիների նկատմամբ 150.000 ՀՀ դրամի չափով, իսկ պաշտոնատար անձանց նկատմամբ՝ 300,000 ՀՀ դրամի չափով։ Ջրօգտագործման թույլտվության պահանջները չկատարելը առաջացնում է տուգանքի նշանակում քաղաքացիների նկատմամբ`100.000 ՀՀ դրամի չափով, իսկ պաշտոնատար անձանց նկատմամբ՝ 200.000 ՀՀ դրամի չափով: [ԲԸՏՄ] Ավելին

12:25 - 7/հուլիսի/2020

Աշխարհում այս պահին մշակվում են մոտ 200 պատվաստանյութ, որոնցից մոտ 20-ը մեծ շանս ունեն դառնալու վերջնական պրոդուկտ։ Բազմիցս նշել եմ և հիմա էլ հաստատում եմ, որ վակցինաները մարդկության պատմության մեջ հայտնաբերված ամենանվտանգ բժշկական միջամտություններն են։ Մենք երկար տարիներ որևէ կողմնակի էֆեկտ չենք ունեցել պատվաստանյութերից և աշխատելու ենք չունենալ։[Արսեն Թորոսյան] Ավելին

11:36 - 7/հուլիսի/2020

Մենք կրկնակի վարակման արձանագրված դեպք չունենք։ Մենք պետք է զգույշ լինենք, որ եթե նույնիսկ վարակվել և լավացել ենք, դա դեռ 100 տոկոս երաշխիք չէ, որ երկրորդ անգամ չենք վարակավի։ Իհարկե, մենք հույս ունենք, որ բոլոր վարակված քաղաքացիները չեն վարակվի կամ եթե նույնիսկ վարակվեն, ապա մյուս հիվանդությունների նման՝ երկրորդ անգամը թեթև կտանեն, բայց քանի դեռ այդ ապացուցողական բազան չկա, մենք մեզ երաշխավորված չենք կարող համարել։ [Արսեն Թորոսյան] Ավելին

10:57 - 7/հուլիսի/2020

Հուլիսի 7-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 29285 դեպք, որոնցից 16907-ն` առողջացած, 503-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11711 պացիենտ: Ընդհանուր առմամբ կատարվել է 125088 թեստավորում: Այսպիսով` ունենք կորոնավիրուսային հիվանդությամբ հաստատված 349 նոր դեպք և 605 առողջացած։ Մեկ օրում իրականացվել է 1273 թեստ։ Ավելին

10:41 - 7/հուլիսի/2020

Մարտի 1-ի զոհերի իրավահաջորդները միջնորդություններ են ներկայացրել ՍԴ դատավորների՝ Դավիթ Գրիգորյանի և ամբաստանյալ Ռոբերտ Քոչարյանի դիմումներով միավորված գործի քննությանը մասնակցելու անհնարինության վերաբերյալ։ Հրայր Թովմասյանի մասնակցության անհնարինության մասով լրացվել են Քոչարյանի պաշտպան Արամ Օրբելյանի հետ ընդդիմազերծ շփումների և այդ հանգամանքը քողարկելու հիմքերով։ [Փաստաբան Տիգրան Եգորյան] Ավելին

22:18 - 6/հուլիսի/2020

ԱԺ «Իմ քայլը» խմբակցությունը ներկայացրել է նոր նախագիծ, ըստ որի՝ խստացվում են դիմակ կրելու պահանջները խախտելու պայմանները։ Նախատեսվում է հանրային բաց և փակ տարածքներում քաղաքացիների կողմից դիմակ կրելու պահանջները խախտելու սանկցիաները սահմանել համապատասխանաբար սահմանված նվազագույն աշխատավարձի քսանապատիկի (20.000 ՀՀ դրամ) եւ հիսնապատիկի (50.000 ՀՀ դրամ) չափով։ |armenpress.am| Ավելին