ԱՄՆ-ը կընդլայնի պատժամիջոցներն Իրանի նկատմամբ. ԱՄՆ ՖՆ Սթիվեն Մնուչին |armenpress.am|

armenpress.am: ԱՄՆ-ը կընդլայնի պատժամիջոցներն Իրանի նկատմամբ: Այդ մասին հայտարարել Է Միացյալ Նահանգների ֆինանսների նախարարության ղեկավար Սթիվեն Մնուչինը, որն այցով գտնվում Է Երուսաղեմում:

«Մենք առավելագույն ճնշման արշավ ենք անցկացնում պատժամիջոցների միջոցով: Դրանք աշխատել են եւ աշխատում են, դրանք փակում են փողի հոսքերը»,-Մնուչինի խոսքը մեջբերել Է Reuters գործակալությունը: Գործակալությունը նշում Է, որ Իսրայելի վարչապետ Բենիամին Նաթանյահուն, որի հետ Մնուչինը հանդիպում Է անցկացրել, իր հերթին, կոչ Է արել ուժեղացնել Իրանի վրա գործադրվող ճնշումը: «Մենք կշարունակենք ավելի ու ավելի ակտիվանալ այդ բնագավառում: Ես հենց նոր եկա մեր թիմի հետ շատ արդյունավետ աշխատանքային ճաշից: Նա մեզ մի շարք առանձնահատուկ գաղափարներ տվեց, որոնք կուսումնասիրվեն»,-ասել Է ԱՄՆ-ի ֆինանսների նախարարը, հաղորդել Է ՏԱՍՍ-ը:

 

x