Պեկինում հանդիպել են Պուտինը և Ալիևը |azatutyun.am|

azatutyun.am։ Չինաստանի մայրաքաղաքում այսօր հանդիպել են Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը: Նրանք մասնակցում են Պեկինում ընթացող «Մեկ գոտի, մեկ ուղի» միջազգային համաժողովին:

Ռուսաստանյան աղբյուրների փոխանցմամբ՝ Ալիևի հետ հանդիպմանը Կրեմլի ղեկավարը հայտնել է, որ առաջիկա օգոստոսին Ռուսաստանում կհանդիպեն Ռուսաստանի, Ադրբեջանի և Իրանի առաջնորդները:

Պեկինում այսօր մեկնարկած երկօրյա համաժողովին մասնակցում են շուրջ չորս տասնյակ պետությունների և կառավարությունների ղեկավարներ, ավելի քան 100 երկրների նախարարներ և ներկայացուցիչներ:

x