Մարտի 1-ի վերաբերյալ քրեական գործը, որով անցնում են նախկին բարձրաստիճան պաշտոնյաներ, ուղարկվել է դատարան |aysor.am|

aysor.am: Մարտի 1-ի վերաբերյալ քրեական գործը, որով մեղադրյալներ են նախկին բարձրաստիճան պաշտոնյաներ, ուղարկվել է դատարան, այդ մասին տեղեկացնում է ՀՀ գլխավոր դատախազի խորհրդական Գոռ Աբրահամյանը։

«Գործով մինչդատական վարույթի օրինականության նկատմամբ հսկողություն իրականացնող դատախազի կողմից հաստատվել է 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ քննված քրեական գործից անջատված մասով՝ ըստ մեղադրանքի Ռոբերտ Քոչարյանի, Սեյրան Օհանյանի, Յուրի Խաչատուրովի, Արմեն Գևորգյանի մեղադրական եզրակացությունը:

Քրեական գործն այդ մասով ուղարկվել է Երևան քաղաքի ընդհանուր իրավասության առաջին ատյանի դատարան», - նշում է նա:

x