Սեւանա լճի մակարդակը նախորդ տարվա մայիսի 6-ի նիշից ցած է մնում 4 սանտիմետրով |armenpress.am|

armenpress.am: Սեւանա լճի մակարդակը 2019 թվականի մայիսի 6-ի դրությամբ գտնվել է 1900 մետր 60 սանտիմետր բարձրության վրա, որը 4 սանտիմետրով դեռեւս ցածր է մնում նախորդ տարվա նույն օրվա նիշից:

Ինչպես տեղեկացնում են ՀՀ ԱԻՆ «Հայհիդրոմետ» ծառայությունից, Արփա-Սեւան թունելային ջրատարով ապրիլ ամսի ընթացքում եւ մայիս ամսի առաջին վեց օրերի ընթացքում Սեւանա լիճ է տեղափոխվել 43 միլիոն 987 հազար խորանարդ մետր ջուր՝ ներառյալ ստորերկրյա հոսքը:Մայիսի վեցին ջրի ելքերի ավելացում է դիտվել Սեւան թափվող որոշ գետերում: 45,6 խորանարդ մետր վայրկյան կազմել է Արգիճի գետի, 15,4 խորանարդ մետր վայրկյան՝ Մասրիկ գետի, 9,29 խորանարդ մետր վայրկյան՝ Գավառագետի ջրերի ելքերը: Մայիսի 6-ին եւ 7-ին Սեւան թափվող գետերում սպասվում է փոփոխական ռեժիմ:

x