Ունենք կորոնավիրուսային հիվանդությամբ հաստատված 766 նոր դեպք և 294 առողջացած։ Մահացել է 10 մարդ։ Մեկ օրում արվել է 2497 թեստավորում։ [ՀՀ ԱՆ]
Ավելին
Այրվածքաբանության ազգային կենտրոնի բազայի վրա այսօր ծավալված տրիաժ (ընդունում, ախտորոշում, տեղափոխում) կենտրոնը արդեն սկսել է ընդունել պացիենտների: Այնտեղ վերջին տվյալներով արդեն հոսպիտալացված է 31 քաղաքացի, որից 3-ը՝ վերակենդանացման բաժնում: Կենտրոնի բացումով որոշակի չափով կթեթևանա Նորքի ինֆեկցիոն հիվանդանոցի բեռը, որը մինչ այս Երևանի միակ տրիաժ կենտրոնն էր: [Նիկոլ Փաշինյան]
Ավելին
Արդեն մոտ մեկ տասնյակի չափ բնակավայրեր են փակվել հուղարակավորություններից տարածվող դեպքերով պայմանավորված: Սիրելի հայրենակիցներ, հատել ենք այդ եզրը, որից այն կողմ դժոխային իրավիճակ է։ Անհրաժեշտ է իրականացնել տոտալ աջակցություն կառավարությանն իր հակամահամաճարակային քայլերում: [Նիկոլ Փաշինյան] |armenpress.am|
Ավելին
Լրատվական կայքերում այսօր տարածվող Երևանից-Վորոնեժ ծխախոտի նոր խմբաքանակի արտահանման վերաբերյալ լուրը, որի աղբյուրը ռուսական vestivrn.ru կայքն է, նոր դեպքի մասին չէ. այն վերաբերում է1 ամիս առաջ տեղի ունեցած լրատվական հրապարակմանը, որի վերաբերյալ արդեն իսկ ՊԵԿ-ը տրամադրել է համապատասխան գրավոր պարզաբանում։ ՌԴ մաքսային մարմիններից դեռևս ոչ մի պաշտոնական հարցում չի ստացվել հիշատակվող դեպքի հետ կապված, չկա պաշտոնական գրություն տվյալ բեռի մաքսանենգ որակված լինելու վերաբերյալ։ [ՊԵԿ]
Ավելին
Ծառայություն ենք իրականացնում բոլոր փողոցներում, բոլոր բակերում, ինչու չէ՝ միջպետական ճանապարհների վրա։ Ստուգում ենք պարետի կողմից սահմանված իրավական ռեժիմի պահպանումը, սակայն լինում են դեպքեր, երբ մեր հայրենակիցները տարբեր պատճառաբանություններով չեն ցանկանում պահպանել այդ իրավական ռեժիմը։ Լինում են դեպքեր, հատկապես երիտասարդության շրջանում, երբ փորձում են ոստիկանի օրինական պահանջը չկատարել, պարետատան կողմից հաստատված իրավական ռեժիմը չպահպանել, սակայն շատ պարզ երևում է, որ այդ վերաբերմունքը ոստիկանի հանդեպ պարզապես արհեստական լարվածություն ստեղծելն է։ [ՊՊԾ գնդի 5-րդ հատուկ գումարտակի ծառայության տեսուչ Վաղինակ Մինասյան] |armenpress.am|
Ավելին
ՀՀ-ում իշխանությունը, կառավարությունը փոխում է մի սուբյեկտ՝ ՀՀ քաղաքացին, ոչ թե գործարար, ոչ թե աշխատատու, ոչ թե ինչ-որ խումբ մարդիկ: Դա Գագիկ Ծառուկյանի անձնական կարծիքն է, որը կարծում եմ, որ հիմնված է նախկին հիշողության վրա, երբ ինքը համագործակցում էր Հանրապետական կուսակցության հետ երկար տարիներ: Եվ նման հայտարարություններով միգուցե ինչ-որ սակարկումների, խոսակցությունների և ինչ-որ բաների սկիզբ էր դնում: [Ալեն Սիմոնյանը՝ կառավարության կազմը 100 տոկոսով փոխելու մասին Գագիկ Ծառուկյանի հայտարարության վերաբերյալ] |armenpress.am|
Ավելին
«Կոշ» ՔԿՀ-ի դատապարտյալներից մեկի մոտ հայտնաբերվել է կորոնավիրուսային հիվանդություն․ մյուսների թեստի պատասխանը բացասական է: Անվտանգության նկատառումներից ելնելով՝ կանխարգելիչ միջոցառումներ են ձեռնարկվել և թեստավորվել են նաև «Կոշ» ՔԿՀ-ում պահվող բոլոր անձինք․ բոլորի պատասխանը բացասական է։ [Արդարադատության նախարարության խոսնակ]
Ավելին
Պարետատան նիստին մենք քննարկումներով ընդհուպ մոտեցանք եզրին՝ որոշում կայացնելու հայտարարել տոտալ և անվերապահ արգելափակում։ Քննարկումների արդյունքում մենք տեսանք, որ այդ որոշումը չի բերելու ցանկալի արդյունքների, և դա ցանկալի որոշում չէ ոչ միայն այն պատճառով, որ դրա տնտեսական հետևանքները կլինեն ծանր, այլև առավել ևս այն պատճառով, որ մենք համոզված ենք, որ այդ կարանտինը չի պահվելու այն որակով, որը կարող է մեզ բերել ցանկալի արդյունքների։ [Նիկոլ Փաշինյան]
Ավելին
Աշխարհում կորոնավիրուսի վարակակիրների թիվը, համաձայն վերջին տվյալների, 6,885,499 է։ Մինչ այս պահը մահացել է 399,005 հոգի, ապաքինվել՝ 3,375,706 հոգի։ Վարակվածների ընդհանուր թվով առաջին տեղում շարունակում է մնալ Միացյալ Նահանգները։ Այստեղ վերջին 24 ժամում գրանցվել է վարակի նոր 1,565 դեպք, վարակավածների ընդհանուր թիվը 1,967,273 է։ Մահերի թիվն ավելացել է 18-ով, ընդհանուր առմամբ մահացել է 111,408 մարդ։ Մինչ այս պահն ապաքինվել է 738,729 մարդ։ |worldometers.info|
Ավելին
Հայաստանի առողջապահության նախարար Արսեն Թորոսյանը և ՌԴ առողջապահության նախարար Միխայիլ Մուրաշկոն քննարկել են կորոնավիրուսի հետ կապված իրավիճակը: Քննարկվել է նոր կորոնավիրուսի տարածման հետ կապված իրավիճակը, բժշկական օգնության և դեղամիջոցների տրամադրման հարցեր։ ուրաշկոն Արսեն Թորոսյանին տեղեկացրել է COVID-19-ի բուժման նոր առաջարկվող մեթոդների, ինչպես նաև ռուսական արտադրության նոր դեղամիջոցների գրանցման մասին: |armenpress.am|
Ավելին
ՀՀ ԿԳՄՍՆ պատմության եւ մշակույթի հուշարձանների պահպանության գործակալության պետը դիմել է ՀՀ գլխավոր դատախազություն` հայտնելով, որ նախարարի տեղակալը՝ Նարինե Խաչատուրյանը, տվել է երկու տասնյակից ավելի հնագիտական հետախուզման եւ պեղման թույլտվություններ՝ ՀՀ օրենսդրության խախտմամբ, հնագիտական հետախուզման եւ պեղման համար տվյալ հուշարձանների օրենքով պահանջվող հետագա պահպանության միջոցառումների չկատարման պայմաններում՝ խաթարելով Գործակալության գործառույթների կատարման ընթացքը, հնարավորությունը եւ վարքը: Եւ չնայած Դատախազությունը գրությամբ առաջարկել է հնարավոր սեղմ ժամկետում գործուն միջոցներ ձեռնարկել՝ խնդիրները կարգավորելու ուղղությամբ, Խաչատուրյանը մեր զրույցում հերքել էր վերոգրյալի վերաբերյալ գործակալության պետի պնդումները։
Ավելին
Այսօրվանից կսկսի գործել կորոնավիրուսային հիվանդության կասկածով պացիենտների ևս մեկ տրիաժ (ընդունման, ախտորոշման և տեղափոխման) կենտրոն՝ Այրվածքաբանության ազգային կենտրոնի բազայի վրա։ Մինչ այս պահը նման գործառույթ իրականացնում էր միայն Նորքի ինֆեկցիոն հիվանդանոցը։
Նոր կենտրոնը այս պահին ունի 65 մահճակալ և ևս 9-ը վերակենդանացման մահճակալ։ Մի քանի օրվա մեջ կավելանա ևս 58 մահճակալ։ Ընդհանուր կունենանք հավելյալ 132 մահճակալ այս խնդրի լուծման համար։ [Արսեն Թորոսյան]
Ավելին
Այսօր պարետի որոշմամբ կարգելափակվեն ելքերն ու մուտքերը՝ Գեղարքունիքի մարզի Ձորագյուղից: Պատճառն այն է, որ մեր սիրելի հայրենակիցներից մեկը Ձորագյուղից գնացել է Գողթ գյուղ թաղման, երեք չորս օր անց թաղման է մասնակցել իրենց գյուղում, ինչի արդյունքում Ձորագյուղում արդեն ունենք կորոնավիրուսի 63 դեպք: Այս 63-ից մի քաղաքացի թաղման է մասնակցել Ծովասար գյուղում:
Նման դեպք ունեցանք նաև Դդմաշենում, երբ Հրազդանից եկան թաղման, սգակիր տան անդամներին վարակեցին, ինչի հետեւանքով այդ տան պապը մահացավ, գյուղում ունեցանք 100֊ից ավել դեպք, Դդմաշենը փակեցինք։ Դդմաշենի թաղման հետ կապված մարզի 6 այլ համայնքներում ունեցանք վարակվածներ։Սիրելի հայրենակիցներ, հարգեք մարդկային կյանքերը, մի խախտեք հակահամաճարակային կանոնները: [Նիկոլ Փաշինյան]
Ավելին
Աշխարհում նոր տիպի կորոնավիրուսային վարակի՝ COVID-19-ի հաստատված դեպքերի թիվն անցել է 6 միլիոն 861 հազարից: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 398 հազարից: Ապաքինվել է ավելի քան 3 միլիոն 361 հազար մարդ: Վիրուսով վարակվածների թվով առաջին տեղում գտնվող ԱՄՆ-ում 1 միլիոն 965 հազար 912 հաստատված դեպք կա: Այստեղ մահացածների թիվը 111 հազար 394 է: Այս ցուցանիշով ևս ԱՄՆ-ն առաջինն է աշխարհում: |armenpress.am|
Ավելին
Երեկ ՀՀ վարչապետ Նիկոլ Փաշինյանն իր ֆեյսբուքյան էջում տեղադրել էր Արարատի մարզի Սուրենավանի միջնակարգ դպրոցի 11-րդ դասարանի աշակերտների, ծնողների և ուսուցչուհու մասնակցությամբ հավաքի լուսանկար։ Արտակարգ դրության իրավական ռեժիմի կանոնները խախտելու համար, այսօր Սուրենավանի դպրոցի տնօրեն Վալյա Ավետիսյանին խիստ նկատողություն եմ հայտարարել, իսկ հավաքին մասնակից ուսուցչուհի Հասմիկ Աբրահամյանն ազատվել է աշխատանքից։ [Արարատի մարզպետ Գարիկ Սարգսյան]
Ավելին
ՀՀ Վերաքննիչ դատարանը բավարարել է ՀՀ գլխավոր դատախազի բողոքը և արդարացրել 2008թ. նախագահական ընտրությունների շրջանում կատարված իրադարձությունների կապակցությամբ քննված գործով դատապարտված Իսահակ Մալխասյանին:
2008թ. հունիսի 16-ի դատավճռով Իսահակ Մալխասյանը դատապարտվել էր մեկ տարի ժամկետով ազատազրկման։ [ՀՀ գլխավոր դատախազություն]
Ավելին
Մայիսի 31-ից հունիսի 6-ն ընկած ժամանակահատվածում, արցախա-ադրբեջանական հակամարտ զորքերի շփման գոտում, հակառակորդի կողմից հրադադարի պահպանման ռեժիմը խախտվել է շուրջ 100 անգամ, որի ընթացքում հայ դիրքապահների ուղղությամբ արձակվել է ավելի քան 1000 կրակոց:[Արցախի ՊՆ]
Ավելին
Վրաստանի ԱԳ նախարար Դավիդ Զալկալիանին Հայաստանի ԱԳ նախարար Զոհրաբ Մնացականյանի հետ հեռախոսազրույցում իր զորակցությունն է հայտնել Հայաստանին համավարակի դեմ պայքարում և վերահաստատել աջակցություն ցուցաբերելու Վրաստանի կառավարության պատրաստակամությունը:
Արտգործնախարարները մտքեր են փոխանակել կորոնավիրուսի տարածման կանխարգելման և համավարակի սոցիալ-տնտեսական հետևանքների հասցեագրման ուղղությամբ ազգային մակարդակներում ձեռնարկվող քայլերի շուրջ։ [ՀՀ ԱԳՆ]
Ավելին
Հունիսի 1-ի դրությամբ մենք մահացության շատ ավելի լավ ցուցանիշ ունենք, քան 2019 թվականին: Այստեղ մենք մեկ մեծ խնդիր ունենք, որ կորոնավիրուսով մեր երկրում հիվանդանան մարդիկ այնքան, ինչքան հիվանդատեղեր կան մեր երկրում: Այսօր երկրում 20 հազար, հնարավոր է նաեւ 25-30 հազար ասիմպտոմ վարակակիր կա կորոնավիրուսի: Բացի հիվանդության ընթացքից, մենք տոտալ լոկդաունի մեջ ենք հայտնվում՝ տնտեսական առումով: Մեր առողջապահական համակարգն ինչ ուզի, մենք պետք է տանք: Բայց մեր միջոցներն անսահմանափակ չեն: [Նիկոլ Փաշինյան]
Ավելին
Հունիսի 6-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 12364 դեպք, որոնցից 3720-ն` առողջացած, 190-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 8385 պացիենտ: Ընդհանուր առմամբ կատարվել է 66674 թեստավորում: Այսպիսով` ունենք կորոնավիրուսային հիվանդությամբ հաստատված 547 նոր դեպք և 207 առողջացած։
Ավելին
Իշխանությունն այսպիսով ազդարարում է, որ պատերազմ է հայտարարում ոչ թե կորոնավիրուսին ու աղքատությանը, այլ՝ ընդդիմությանը, խորհրդարանական ամենամեծ ընդդիմադիր խմբակցությանը։ Միով բանիվ՝ ակնհայտ է դառնում, որ վիճահարույց օրենքներն ընդունվել են՝ ոչ թե երկրում օրինականություն և արդարություն հաստատելու, այլ՝ ընդդիմության դեմ՝ որպես մահակ, օգտագործելու համար։
Գագիկ Ծառուկյանը վերահաստատում է իր ելույթում արտահայտված բոլոր մտքերը՝ կառավարությանը կոչ անելով վերջ տալ քաղաքական շանտաժին ու վերադառնալ երկխոսության ու քաղաքակիրթ բանվեճի դաշտ։ Արտակարգ դրությունը պետք է օգտագործել ոչ թե ընդդիմությանը, այլ՝ կորոնավիրուսին «լռեցնելու» համար։ [ԱԺ «Բարգավաճ Հայաստան» խմբակցության պատգամավոր Իվետա Տոնոյան]
Ավելին
Կարծում եմ պարոն Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերվում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային: Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է, որովհետեւ Հայաստանում բոլորը հավասար են օրենքի առաջ, նաեւ՝ ապօրինի ձեռքբերված գույքը բռնագանձելու մասին օրենքի առաջ, որով մտահոգվելու առիթ նույնպես պարոն Ծառուկյանը կարող է ունենալ: [Վարչապետի մամուլի քարտուղար Մանե Գևորգյան]
Ավելին
Այսօր, պարզվում է, խոսել է Ծառուկյան Գագիկը։ Նա գուժել է երկրի կործանումը, խոսել է նաև Արցախի մասին և պատրաստակամություն հայտնել երկիրը իշխանություններից փրկելու համար համագործակցել ցանկացած քաղաքական ուժի ու անհատի հետ։ Առաջ, պարոն Ծառուկյան, ՀՀԿ-ն ու ՕԵԿ-ը սպասում են ձեզ։ Կարող եք սպասել մինչև մարտի 1-ն ու նոր համախմբվել, որ ավելի խորհրդանշական լինի։ Կորոնավիրուսի համաճարակը մենք, վստահաբար, կհաղթահարենք՝ ի հեճուկս բոլորի, ու դրանից հետո գալու է հիշելու ու վերհիշելու ժամանակը՝ թե ով իրեն ինչպես է պահել պատասխանատու պահին: [Ռուբեն Ռուբինյան]
Ավելին
ՊԵԿ նախկին նախագահ Գագիկ Խաչատրյանի մյուս որդին՝ Արտյոմ Խաչատրյանը, որպես մեղադրյալ է ներգրավվել ԱԱԾ-ում քննվող 4 քրեական գործով. դատարանի որոշմամբ նրա նկատմամբ որպես խափանման միջոց է ընտրվել կալանավորումը եւ հայտարարվել հետախուզում: |armtimes.com|
Ավելին
ՀՀ Կառավարության որոշմամբ՝ Էդվարդ Հովհաննիսյանը նշանակվել է պետական եկամուտների կոմիտեի նախագահի պաշտոնում: Նա ավելի վաղ ազատվել է ՊԵԿ փոխնախագահի պաշտոնից։
Ավելին
Կորոնավիրուսով վարակվածության այսօրվա ցուցանիշը Լոռու մարզում 251 մարդ է: Նրանցից 135-ը "Գլորիա" կարի ֆաբրիկայի աշխատակիցներ են: Ընդ որում, այս թիվն ստացվել է "Գլորիա" ֆաբրիկայի 197 աշխատակցի թեստավորման արդյունքում: Լավացածների թիվը 67 է: Մեկուսացված է 621 մարդ: Ունենք մահվան 1 դեպք: Այս ցուցանիշները հղի են վտանգավոր ու անկանխատեսելի հետևանքներով: [մարզպետ Անդրեյ Ղուկասյան]
Ավելին
ՀՀ վարչապետի որոշմամբ Էդվարդ Հովհաննիսյանն ազատվել է պետական եկամուտների կոմիտեի նախագահի տեղակալի պաշտոնից:
Ավելին
Կանխատեսվում է, որ Հայաստանում կորոնավիրուսի համաճարակի գագաթնակետը պետք է լինի հունիսի վերջին, սակայն դա հիմնավորող կամ ապացուցող տվյալ չկա, և որևէ մեկը չի կարող հաստատել, որ երկրում պիկը լինելու է հունիսին, և ոչ հոկտեմբերին, դեկտեմբերին կամ 2021-ի փետրվարին: [Նիկոլ Փաշինյան] |panarmenian.net|
Ավելին
Երեկ ՀՀ վարչապետ Նիկոլ Փաշինյանն իր ֆեյսբուքյան էջում տեղադրել էր Արարատի մարզի Սուրենավանի միջնակարգ դպրոցի 11-րդ դասարանի աշակերտների, ծնողների և ուսուցչուհու մասնակցությամբ հավաքի լուսանկար։ Արտակարգ դրության իրավական ռեժիմի կանոնները խախտելու համար, այսօր Սուրենավանի դպրոցի տնօրենին խիստ նկատողություն եմ հայտարարել, իսկ հավաքին մասնակից ուսուցչուհին ազատվել է աշխատանքից։ [մարզպետ Գարիկ Սարգսյան]
Ավելին
Պարզվել են Մանվել Գրիգորյանի կնոջ՝ «Հայբյուրեղապակի» ԲԲ ընկերության 80 տոկոսի սեփականատեր Նազիկ Ամիրյանի կողմից ընկերությանը պատկանող առանձնապես խոշոր չափերի՝ 221 մլն 970 հազ. ՀՀ դրամ արժողությամբ գույքը յուրացնելու և ընկերությունը կանխամտածված սնանկության տանելու դեպքերի մի շարք հանգամանքներ: Վերջինիս մեղադրանք է առաջադրվել առանձնապես խոշոր չափի յուրացում կատարելու և ընկերությունը կանխամտածված սնանկության տանելու համար։ Նրա նկատմամբ որպես խափանման միջոց է ընտրվել ստորագրություն՝ չհեռանալու մասին: [ՔԿ]
Ավելին
Ոստիկանության համակարգում մոտ 100 ոստիկան կա վարակված: Կան նաև մեկուսացվածներ: Նրանց վիճակը նորմալ է, ունեցել ենք դեպքեր, երբ վատ են եղել, բայց հիմա ապաքինվել են: [ՀՀ ոստիկանապետ Արման Սարգսյան] |armenpress.am|
Ավելին
Հետևողական լինելով բջջային հեռախոսների միջոցով քաղաքացիների անձնական տվյալների հավաքագրման և մշակման ծրագրի մասին հանրությանը թափանցիկություն ապահավելու գաղափարին, Շուշան Դոյդոյանը, և ես պաշտոնական հարցումով դիմեցինք ՀՀ Կառավարությանը։ Այսօր Տիգրան Ավինյանի գրասենյակից պատասխան ստացանք առ այն, որ կամավոր հիմունքներով կատարված աշխատանքը գնում չէ, հետևաբար Կառավարությունը իրավասու է հանրությանը տեղեկատվություն չտրամադրել ծրագրի հեղինակների մասին։ [Իզաբելլա Սարգսյան]
Ավելին
ԵԽԽՎ իրավաբանական հարցերի և մարդու իրավունքների հանձնաժողովի նիստում ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը նշանակվել է «Covid-19 պանդեմիայի ազդեցությունը մարդու իրավունքների և իրավունքի գերակայության վրա» հարցով զեկուցող:
Ավելին
Ոստիկանության գործողությունների իրավաչափությունը կստուգվի: Շատ իրավաչափ եմ համարում, որովհետև քաղաքացուն ասում են՝ կատարիր պարետի որոշման պահանջները, և այն քաղաքացին, որը չի կատարում այդ պահանջները և փորձում է ոստիկանին հրահրելով ներքաշել ինչ-որ բանի մեջ, պետք է ոստիկանն այդպես գործի: [Ոստիկանապետ Արման Սարգսյանը՝ հարցին ի պատասխան՝ կապված համացանցում հայտնված տեսանյութի հետ, որտեղ երևում է, թե ինչպես են ոստիկանության աշխատակիցները ձեռնաշղթա հագցնում և բերման ենթարկում քաղաքացուն։] |armenpress.am|
Ավելին
Վարչապետի հետ ՊԵԿ նախագահի տարաձայնությունը եղել է բացառապես աշխատանքային բնույթի` կապված կադրային խնդրի հետ: Պարոն Անանյանը նախընտրել է ինքը հեռանա, քան թե հեռացնի ոլորտում երկարամյա փորձ ունեցող արդյունավետ կադրերից մեկին։ [ՊԵԿ տեղեկատվության և հասարակայնության հետ կապերի բաժին] |azatutyun.am|
Ավելին
ՄԱԿ Գլխավոր ասամբեայի 75-րդ նստաշրջանի նախագահի նախնականորեն հաստատված միակ թեկնածուն Թուրքիայի ներկայացուցիչ Վոլքան Բոզքիրն է:
Հայաստանը, Հունաստանը և Կիպրոսը, խախտելով լռության ընթացակարգը, նամակներով դիմել են ՄԱԿ ԳԱ 74-րդ նստաշրջանի նախագահ Թիջանի Մուհամմեդ-Բանդեին՝ պահանջելով քվեարկություն: Նույնիսկ մեկ երկրի պահանջով քվեարկությունը պարտավոր է իրականանալ: [ԱԳՆ մամուլի խոսնակ Աննա Նաղդալյանի պատասխանները «NewArmenia» լրատվական գործակալության հարցերին]
Ավելին
Գավառում տեղի ունեցած միջադեպի գործով որպես մեղադրյալ ներգրավված է 30 անձ, որոնցից 25-ը՝ զանգվածային անկարգություններին մասնակցելու, մեկը՝ նաև սպանության փորձի, երեքը՝ երկու և ավելի անձանց, շատերի կյանքի համար վտանգավոր եղանակով սպանության փորձի, ապօրինի կերպով հրազեն ձեռք բերելու, պահելու և կրելու, իսկ մեկը՝ երկու և ավելի անձանց, շատերի կյանքի համար վտանգավոր եղանակով սպանության և ապօրինի կերպով հրազեն ձեռք բերելու, պահելու և կրելու համար: [ՀՀ ՔԿ ]
Ավելին
Իմ ուսունասիրությունները ցույց են տալիս, որ ռազմական կոչերը ակտիվորեն քննարկվում են նաև Ադրբեջանի խորհրդարանում, որտեղ որոշ պատգամավորներ կոչ են անում օր առաջ ռազմական գործողությունները վերսկսել։ Սա ներքին պրոցեսների արդյունք է և այդ կոչերը ուղղված են ներքին լսարանին։ Չեմ կարծում, որ Ադրբեջանը հիմա նման արկածախնդրության կգնա: Այտուհանդերձ, այդ կոչերն անպատասխան չեն մնալու, մենք մեր գործընկերների հետ աշխատում ենք այս ուղղությամբ: [«Իմ քայլը» խմբակցության պատգամավոր Տաթևիկ Հայրապտյան]
Ավելին
Սիրելի հայրենակիցներ, ոստիկանությունը ուժային կառույց է, և սահմանված կանոնների նկատմամբ բացահայտ արհամարհանք ցույց տվողների նկատմամբ, օրենքով սահմանված կարգով կարող է և պե՛տք է ուժ կիրառի: Սա իմ պահանջն է ոստիկանությունից սա նաեւ հանրության պահանջն է ոստիկանությունից: [Նիկոլ Փաշինյան]
Ավելին
Ամբողջ աշխատանքները ընթացան կառուցողական, բայց վերջում կարծես թե, մեր գործընկերները փոխեցին իրենց որոշումը և մոտեցումը։ Բակո Սահակյանի հետ ապրիլյան հանձնաժողովի զրույցի պլանվորման և իրականացման պրոցեսը տեղի է ունեցել առանց մեր գիտության։ Սա միանշանակ գործընկերային և կառուցողական չէ։ Սա այն մենիշխանությունն է, որի մասին մենք խոսում ենք, և որին փաստացի բոլոր ոլորտներում ձգոտւմ են մեր գործընկերները։[«Լուսավոր Հայաստան» խմբակցության պատգամավոր Գևորգ Գորգիսյան]
Ավելին
ՌԴ-ից Ադրբեջան երկակի նշանակության ռազմական արտադրանք մատակարարելու համար կաշառքի գործով կալանավորվել է ՌԴ Արդյունաբերության և առևտրի նախարարության Ռազմատեխնիկական համագործակցության բաժնի պետը, ով Նովգորոդի ավիացիոն ընկերության գլխավոր տնօրենից 4,5 մլն ռուբլի է ստացել վերոնշյալ գործարքի համար արտոնագիր տալու համար: |armenpress.am|
Ավելին
2019 թվականին ՀՀ տնտեսությունը շարունակեց աճել նախորդ տարվա համեմատ ավելի արագ տեմբերով և գրանցվեց՝ 7․6 տոկոս տնտեսական աճ։ 2019 թվականին պետբյուջե է մուտքագրվել շուրջ 1.5 տրիլիոն դրամ եկամուտ՝ շուրջ 16.7 տոկոսով, կամ շուրջ 223 միլիարդ դրամով գերազանցելով նախորդ տարվա ցուցանիշը: Հարկային եկամուտները աճել են 16.4 տոկոսով։ 2019 թվականի դեկտեմբերի 31-ի դրությամբ կառավարության պարտքը կազմել է շուրջ 3.2 տրիլիոն դրամ կամ ՀՆԱ-ի 50 տոկոսը։ [Փոխվարչապետ Մհեր Գրիգորյան]
Ավելին
Վրաստանի սիրելի գործընկերներ, որպես հայ-վրացական միջխորհրդարանական բարեկամական խմբի ղեկավար՝ երախտագիտություն եմ հայտնում ձեզ ու վրաց ժողովրդին Հայաստանի համար այս դժվարին պահին մեզ սատարելու և աջակցության ձեռք մեկնելու համար: Վստահ եմ, որ անտեսանելի այս թշնամու` կորոնավիրուսի դեմ հաղթանակը տոնելու ենք միասին։ [Լենա Նազարյան]
Ավելին
Համավարակի շրջանում կառավարությունը մշտական կապի մեջ է հայկական կողմի հետ: Այսօր Վրաստանի արտգործնախարար Դավիթ Զալկանիանին և նրա հայ գործընկերը անդրադարձել են երկու երկրներում տիրող իրավիճակին: Զալկանիանին ևս մեկ անգամ իր համերաշխությունն է հայտնել Հայաստանին ու խոսել օգնություն ցուցաբերելու պատրաստակամության մասին: [Վրաստանի ԱԳՆ] |aliq.ge|
Ավելին
Ես կարծում եմ, որ համավարակի այս օրերին խորը գնահատման պրոցես է տեղի ունենում, որը կապված է անհատի և պետական կարգի փոխհարաբերություններով։ Հին ընկալմամբ՝ օրենքները գրում են իշխողները, որպեսզի քաղաքացիներին պահեն իրենց հսկողության տակ: Նոր ընկալմամբ՝ պետք է լինի, որ օրենքները ստեղծում են բոլորս՝ որպես համակեցության կանոնների ամբողջություն, որպես պայմանավորվածություն, թե ինչպես ենք մենք ապրելու և հարաբերվելու իրար հետ: [Նիկոլ Փաշինյան]
Ավելին
Հունիսի 5-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 11817 դեպք, որոնցից 3513-ն` առողջացած, 183-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 8052 պացիենտ: Ընդհանուր առմամբ կատարվել է 65161 թեստավորում: Այսպիսով` ունենք կորոնավիրուսային հիվանդությամբ հաստատված 596 նոր դեպք և 45 առողջացած։
Ավելին
2019 թվականը բյուջետային առումով պատմական տարի էր Հայաստանի համար, որովհետև ՀՀ կառավարությանը հաջողվեց, ի սկզբանե նախատեսվածից 104 միլիարդ դրամ ավել հարկային եկամուտներ գեներացնել։ 2019 թվականին արձանագրվել է վերջին 12 տարվա աննախադեպ՝ 7․6 տոկոս տնտեսական աճ։ 2020 թվականը առնվազն պատմական է կորոնավիրուսի, չնայած պարզ է, որ մենք ունենալու ենք տնտեսական որոշակի խնդիրներ։ [Նիկոլ Փաշինյան]
Ավելին
Հյուսիսարևելյան սահմանագոտու նոր հենակետն է։ Այն բարձրադիր գոտում է, իշխող դիրք ունի ավելի արդյունավետ մարտ վարելու համար: Հակառակորդի միանգամից մի քանի դիրք մեր տեսադաշտում է: Գործնականում այս տեղամասում հակառակորդն այլևս չի կարող լուրջ գործողություններ ձեռնարկել, այլապես կպատժվի շատ խիստ: Հենց դրա համար էլ զորամասում տվյալ հենակետն անվանում են «պատժիչ»: [ՊՆ մամուլի քարտուղար Շուշան Ստեփանյան]
Ավելին
ՊՎԾ մոնիթորինգի վարչությունը ՊԵԿ–ում որոշակի ռիսկեր է վերհանել և մայիսի 12–ից ստուգումներ է սկսել այնտեղ։ Ուսումնասիրությունները մեծածավալ են, և դեռ վաղ է խոսել դրանց ավարտի մասին։ [ՊՎԾ մամուլի խոսնակ Սեդա Աղբալյան] |news.am|
Ավելին
Բնականաբար, պարետատան կողմից դիտարկվում են տարբեր սցենարներ, այդ թվում՝ մեր միջազգային գործընկերներին աջակցության հարցով դիմելու հնարավորությունը, որի կարիքն այժմ գնահատվում է: [Տիգրան Ավինյանի մամուլի խոսնակ Վահան Հունանյան]
Ավելին
