Ծառայողական քննության ընթացքում պարզվել է, որ ծառայակիցներին աշխատավարձ վճարելու համար ՀՀ ոստիկանության նախկին պետ Ա. Սարգսյանի, տեղակալներ Ա. Մարտիրոսյանի և Հ. Մհրյանի կողմից 30 միլիոն դրամ դուրս գրելու ու նպատակին չծառայեցնելու, ոստիկանության 51 ծառայողներին անվանական զենքով պարգևատրելու, այդ կապակցությամբ անհիմն պարգևատրվածներից 2000-ական ԱՄՆ դոլար ստանալուն հովանավորելու վերաբերյալ «alternativ.am» կայքում հրապարակված տեղեկատվությունը չի համապատասխանում իրականությանը, հիմնազուրկ է ու նաև չի ապացուցվել նշված տեղեկատվությունը հրապարակած լրատվամիջոցի կողմից: Ելնելով վերոգրյալից՝ ծառայողական քննության նյութերը թողնվել են անհետևանք: [ՀՀ ոստիկանություն]
Ավելին
Ստեփանակերտում հաստատվել է կորոնավիրուսային հիվանդության 1 նոր դեպք՝ նախկին հաստատված օջախի շրջանակներից: Առայսօր Արցախում COVID-19-ը ախտորոշվել է 147 մարդու մոտ, որից 119-ը հաղթահարել է հիվանդությունը: Փաստացի բուժում է ստանում 28, ընդհանուր մեկուսացված է 84 քաղաքացի: [Արցախ / Տեղեկատվական շտաբ]
Ավելին
Հայաստանում հուլիսի 12-ի ժամը 11։00-ի դրությամբ՝ հաստատված է կորոնավիրուսով վարակման 577 նոր դեպք, հաստատված դեպքերի ընդհանուր քանակը դարձել է 31969։ Այս մասին հայտնում են ՀՀ առողջապահության նախարարությունից։ Մեկ օրում առողջացել է 214 մարդ, ընդհանուր առմամբ՝ 19633։ Փաստացի բուժվողների թիվը 11589 է։ Երեկ կատարվել է 1885 թեստ, ընդհանուր թեստերի քանակը 134989 է։ Կորոնավիրուսով պայմանավորված հիվանդությունից մեկ օրում մահացել է 6 մարդ, այսպիսով՝ մահվան ելքերի ընդհանոըր թիվը 565 է։ Այլ պատճառով երկու նոր մահ է գրանցվել, իսկ ընդհանուր առմամբ այդ մահերի թիվը 182 է։ [ՀՀ ԱՆ]
Ավելին
Հայաստանի և Արցախի, հայ ժողովրդի ինքնիշխանությունը բարձրագույն արժեք է: Օտար ուժերին ներհայաստանյան հարցերի լուծմանը ներգրավելու, մեր երկրում որպես օտարերկրյա շահերի ներկայացուցիչ հանդես գալու պատրաստակամություն ունեցող ուժերը պիտի արժանանան հայ ժողովրդի և նրա լեգիտիմ ներկայացուցիչ ՀՀ կառավարության կոշտ հակազդեցությանը: Արցախի հարցի կարգավորման բանակցային գործընթացի նպատակը պետք է լինի Արցախի ժողովրդի ինքնորոշման և անվտանգության համար մղված Արցախյան ազատամարտի արդյունքների պաշտպանությունը: [Նիկոլ Փաշինյանը ներկայացրել է հայ ժողովրդի ազգային նպատակները]
Ավելին
Ահազանգ ենք ստացել Ամուլսարից, որ «Լիդիանի» վարձած պահնորդական ծառայության ներկայացուցիչները համապատասխան ծանր տեխնիկայով պատրաստվում են Ամուլսարի դիմադրական կետեր գնալ, որպեսզի այնտեղից հանեն Ամուլսարի պահապանների կացարանները։ Դեռևս մի քանի ամիս առաջ, մեր ուղարկած հարցմանն ի պատասխան, ՀՀ ոստիկանությունը հաստատել էր, որ արված չափագրումների համապատասխան՝ Ամուլսարի պահապանների կացարանները Լիդիանի տարածքից դուրս են գտնվում։ Այս պահին տեղի ունեցողը ոչ այլ ինչ է, քան բռնի և ապօրինի միջամտություն խաղաղ հավաքների իրավունքի իրացմանը: [ՀԲՃ]
Ավելին
Մեզ խորապես մտահոգել է ՅՈՒՆԵՍԿՕ-ի Համաշխարհային ժառանգության վայր հանդիսացող Սուրբ Սոֆիայի տաճար-թանգարանը մզկիթի վերածելու Թուրքիայի իշխանությունների որոշումը: Այս որոշումը ստեղծում է ՅՈՒՆԵՍԿՕ-ի համաշխարհային ժառանգության վայրի բնույթիև նպատակի էական փոփոխության վտանգավոր նախադեպ և անհրաժեշտ է դարձնում Թուրքիայի տարածքում նման կարգավիճակ ունեցող պատմական վայրերի պահպանման նպատակով միջազգային հանրության և հատկապես ՅՈՒՆԵՍԿՕ-ի մշտադիտարկումը։ [ՀՀ ԱԳՆ խոսնակ]
Ավելին
Առողջապահական համակարգի միասնական կոորդինացման անհրաժեշտությունը թելադրում է րոպե առաջ ունենալ այնպիսի առողջապահական համակարգ, որը չլինի ապակենտրոնացված, չլինի ինքնուրույն որոշումներ կայացնող՝ հատկապես համաճարակի հիմքով արտակարգ դրության ժամանակ, այլ ունենա ընդհանուր ցուցումներով առաջնորդվող կառավարում։ [«Իմ քայլը» խմբակցության պատգամավոր Հերիքնազ Տիգրանյան]
Ավելին
Ռոբերտ Քոչարյանի փաստաբանները Վճռաբեկ բողոք են ներկայացրել։ Նրանք վիճարկում են վերաքննիչի դատավոր Արսեն Նիկողոսյանի՝ 2 միլիարդ դրամ գրավով Քոչարյանին ազատ արձակելու որոշումը։ Քոչարյանի փաստաբան Հայկ Ալումյանի խոսքով՝ Արսեն Նիկողոսյանն իր որոշման մեջ նշել է, որ իրենց պաշտպանյալը կարող է խոչընդոտել դատարանում գործի քննությանը՝ դատավարությանը մասնակցող անձանց վրա անօրինական ազդեցություն գործադրելու ճանապարհով։ Այս հանգամանքը Վճռաբեկ բողոքում մատնանշելու են փաստաբանները՝ պնդելով, թե դատավորը 2 միլիարդ դրամ գրավի փոխարեն պարզապես առանց որևէ խափանման միջոցի պետք է ազատեր Քոչարյանին։ |azatutyun.am|
Ավելին
Համացանցում տարածվել են «Թոքաբանության ազգային կենտրոնի» տարածքում գտնվող դիահերձարանի շենքի հարակից տարածքի լուսանկարներ, որոնցով ներկայացվում է, որ տարածքը աղտոտված է, իսկ դիմակների ու ձեռնոցների համար աղբաման չկա։ Այժմ տարածքը մաքուր պահվելուն ուղղված աշխատանքներ են ընթանում։ Այս պահին ընթանում են նոր դիահերձարանի շինարարական աշխատանքները և նախատեսվում է, որ ամենայն հավանականությամբ օգոստոսի 1-ից այն կսկսի գործել։ Հիշեցեմ, որ այս դիահերձարանում հնարավոր կլինի դիահերձել կորոնավիրուսային հիվանդությունից մահացած անձանց դիերը։ [Առողջապահության նախարարության մամուլի խոսնակ Ալինա Նիկողոսյան]
Ավելին
Ոստիկանությունը ներկայացրել է նախկին ոստիկանապետ Արման Սարգսյանին առնչվող ծառայողական քննության արդյունքները։ 07.07.2020թ. ՀՀ ոստիկանության պետի կողմից նշանակվել էր ծառայողական քննություն : Ծառայողական քննության ընթացքում պարզվել է, որ Հանրապետության տոնի կապակցությամբ, որպես խրախուսանք, ՀՀ ոստիկանության պետի հրամաններով զենքով պարգևատրվել է ոստիկանության 7 ծառայող: Արձանագրվել է, որ հիշյալ ծառայողների զենքով պարգևատրումները հիմնավորված են։ Ոստիկանության ծառայակիցների աշխատավարձը վճարելու համար 30 միլիոն դրամ դուրս գրելու վերաբերյալ մամուլում շրջանառվող հանգամանքի կապակցությամբ պարզվել է, որ տեղեկատվությունն իրականության հետ որևէ կապ չունի: [ՀՀ ոստիկանություն]
Ավելին
Արցախի Հանրապետությունում 2020 թվականի ապրիլի 12-ին հայտարարված և մինչև հուլիսի 11-ը երկարաձգված արտակարգ իրավիճակի ժամկետը երկարաձգվել է 32 օրով` 2020 թվականի հուլիսի 11-ից, ժամը 22:00-ից մինչև 2020 թվականի օգոստոսի 12-ը, ժամը 22:00-ը ներառյալ։[Արցախի Հանրապետության նախագահի աշխատակազմի տեղեկատվության գլխավոր վարչություն]
Ավելին
Շուտով Գեղարքունիքի մարզի Սևան և Մարտունի քաղաքներում իրենց դռները կբացեն համալիր սոցիալական ծառայությունների տարածքային կենտրոնները։ Մարզի բնակիչներն այսուհետ մեկ պատուհանի սկզբունքով կստանան այն բոլոր ծառայությունները, որոնք նախկինում ստանում էին զբաղվածության գործակալություն, Սոցիալական աջակցության գրասենյակ, Բժշկասոցիալական փորձաքննության հանձնաժողով և Սոցիալական ապահովության տարածքային բաժին դիմելիս, որոնք գործում էին տարբեր հասցեներում։[ՀՀ աշխատանքի և սոցիալական հարցերի նախարար Զարուհի Բաթոյան]
Ավելին
2019 թվականին 227 ընտանիք, նախընտրել էր բնակարան ձեռք բերելու համար վկայագրի միջոցով ֆինանսական աջակցություն ստանալու տարբերակը։ Լոռու, Շիրակի եւ Արագածոտնի մարզերի ընտանիքներին կհատկացվեն մոտ 1.2 մլրդ դրամի վկայագրեր։ Այդ գումարից 535.587 հազար դրամը հատկացվել է Շիրակի մարզի գյուղական բնակավայրերի շահառու ճանաչված 90 ընտանիքի վկայագրերի ձեռքբերման համար, 674.932 հազար դրամը տրամադրվել է Լոռու մարզի 121, իսկ 81.053 հազար դրամը՝ Արագածոտնի մարզի կարիքավոր 16 ընտանիքներին։Գործադիրը միայն այս տարվա համար այդ նպատակով նախատեսել է 3 մլրդ դրամ, որը հնարավորություն կտա վերջնականապես լուծել երեք տասնամյակից ավելի ձգձգվող խնդիրը։ |hhpress.am|
Ավելին
Աշխարհում նոր տիպի կորոնավիրուսային վարակի՝ COVID-19-ի հաստատված դեպքերի թիվն անցել է 12 միլիոն 639 հազարը: Մահացածների թիվն անցել է 563 հազարը: Ապաքինվել է ավելի քան 7 միլիոն 377 հազար մարդ:
Վիրուսով վարակվածների թվով առաջին տեղում գտնվող ԱՄՆ-ում 3 միլիոն 291 հազար 176 հաստատված դեպք կա: Այստեղ մահացածների թիվը 136 հազար 671 է:
Թե ընդհանուր ցուցանիշով, թե մահերի թվով երկրորդ տեղում է Բրազիլիան, որտեղ հաստատված դեպքերի թիվը հասել է 1 միլիոն 804 հազար 338-ի, մահերինը՝ 70 հազար 524-ի:
Վարակվածների թվով երրորդ տեղում է Հնդկաստանը: Այստեղ ընդհանուր դեպքերի թիվը 822 հազար 674 է, մահերինը՝ 22 հազար 152: |armenpress.am|
Ավելին
Ադրբեջանական լրատվամիջոցներում՝ մասնավորապես ‹‹armiya.az›› կայքում հուլիսի 11-ին հերթական ապատեղեկությունն է տարածվել, ըստ որի հուլիսի 2-ին Արցախում տեղակայված ‹‹1-ին գնդում անհայտ պատճառներով զինծառայող է մահացել, իսկ ավելի ուշ պարզվել է, որ նրան սպանել է համածառայակիցը՝ անձնական թշնամական հարաբերությունների հողի վրա։Արցախի Հանրապետության պաշտպանության նախարարությունը իրազեկում է, որ նշված տեղեկատվությունն իրականությանը չի համապատասխանում։ [Արցախի ՊՆ]
Ավելին
Վրաստանում կորոնավիրուսով վարակվածնեի քանակը վերջին 24 ժամում հուլիսի 11-ի դրությամբ աճել է 8-ով: Ընդհանուր առմամբ՝ փետրվարի 27-ից մինչև այսօր վարակվել է 981 մարդ: Միաժամանակ, արձանագրվել է 5 առողջացում, ընդհանուր առմամբ՝ 851: |aliq.ge|
Ավելին
Հուլիսի 11-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 31392 դեպք, որոնցից 19419-ն` առողջացած, 559-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11234 պացիենտ: Ընդհանուր առմամբ կատարվել է 133104 թեստավորում: Այսպիսով` ունենք կորոնավիրուսային հիվանդությամբ հաստատված 489 նոր դեպք և 710 առողջացած։ Մեկ օրում իրականացվել է 1888 թեստավորում։
Ավելին
«Փնջի մեջ գտնվող խոշոր համայնքը, ըստ տրամաբանության, դառնալու է խոշորացված համայնքի կենտրոն, ընտրությունների ժամանակ ավագանու ամենաշատ անդամներ լինելու են տվյալ համայնքից, և նրանք ավելի շատ փորձելու են իրենց ընտրողների խնդիրները լուծել։ Իսկ իրենց ընտրողները, փաստացիորեն, խոշոր համայնքի ընտրողներն են, ոչ թե ինչ-որ 120 հոգանոց հեռավոր համայնքի»։
Ավելին
Արցախն ընտրություններից հետո միասնականության օրինակ է ցույց տալիս այն առումով, որ տարբեր քաղաքական ուժեր միավորվել են նույն կառավարության մեջ և ծառայելու են մեր հայրենիքին։ Արցախն ապագայի համար մեկ ընտրություն ունի, և դա հզոր պետություն լինելն ու մնալն է: Արցախի հիմնահարցն ուրիշ լուծում չունի, բացի հզոր Արցախից, և հզոր Արցախն, ունի չորս հիմնական սյուներ՝ արցախահայության հայրենասիրությունն ու կամքը, բանակը, տնտեսությունը, որի առանցքը գյուղատնտեսությունն է, և ժողովրդագրությունը՝ Արցախը կարող է 2-3 անգամ ավելի շատ բնակչություն ունենալ, հետևաբար՝ մի քանի անգամ ավելի մեծ տնտեսություն, ավելի մեծ բանակ։ [Արմեն Սարգսյանը՝ Ստեփանակերտում լրագրողների հետ զրույցի ժամանակ]
Ավելին
Թուրքիայի նախագահ Ռեջեփ Էրդողանը ստորագրեց Սուրբ Սոֆիայի տաճարը մզկիթի վերածելու մասին հրամանագիրը: Ավելի վաղ թուրքական դատարանը չեղարկել էր 1934 թվականի հրամանագիրը, որով տաճարը թանգարանի էր վերածվել: |news.am|
Ավելին
ՀՊՏՀ ռեկտորի նախկին պաշտոնակատար Ռուբեն Հայրապետյանը դատի է տվել ԿԳՄՍ նախարարությանը։ Նա պահանջում է ոչ իրավաչափ ճանաչել ՀՊՏՀ ՊՈԱԿ-ի ռեկտորի բաց մրցույթ կազմակերպելու գործընթացը։ Գործը վարույթ է ընդունվել հուլիսի 7-ին, մակարգրվել Երևանի ընդհանուր իրավասության դատարանի դատավոր Նաիրա Հովսեփյանին։ |factor.am|
Ավելին
Մոտ օրերս Գերմանիայի միջազգային որոնողական և փրկարարական կենտրոնը (ISAR) Հայաստան կգործուղի բուժաշխատողների մի խումբ: Այն բաղկացած կլինի բժիշկներից, բուժքույրերից և արտակարգ իրավիճակների փորձագետներից և կմիանա կորոնավիրուսի դեմ ՀՀ-ում տարվող պայքարին: [ՀՀ-ում Գերմանիայի դեսպանատուն]
Ավելին
Ուզում եմ հասկանալ, թե ինչու ներկայիս իշխանությունը չի արձագանքում և ինչի հետ համեմատելով են համարում, որ Երևանի մոտավորապես 100-150 տարվա պատմություն ունեցող շինությունները սարայներ են: Եթե դուրսպրծուկ օլիգարխների տների հետ են համեմատում, այո՛, սրանք սարայներ են, որովհետև այս տները չունեն ոսկեզօծ զուգարաններ, ոսկեզօծ դռների բռնակներ։ Սա մեր մշակույթն է, մեր պատմության մի մասն է, և մենք չենք կարող թույլ տալ, որ Երևանը դառնա քառակուսի, ստնադարտ քաղաք։ [Իրավապաշտպան Նինա Կարապետյանցը՝ Ֆիրդուս թաղամասի կառուցապատման մասին]
Ավելին
33-րդ թաղամասի կամ Ֆիրդուսի թաղամասի հետ կապված իրավական գործընթացը սկսել է 2006-2007 թվականներին , նաև 2008 թվականին, երբ կառավարության որոշումներով տարածքը գերակա հանրային շահ է հռչակվել։Ընդ որում, տարածք ձեռք բերող է հայտարարվել «Սիթի Սենթր Դիվելոփմենթ» ընկերությունը, որի հիմնադիրը հանդիսանում է Էդուարդ Մելիքյանը։ 2006-2007 թվականներից ծարգիրը ձախողած ընկերությունները ներառված են կոռուպցիոն բավականին լուրջ գործընթացներում։[«Թրանսփարենսի ինթերնեյշնլ հակակոռուպցիոն կենտրոնի» իրավական հարցերով փորձագետ Հայկ Մարտիրոսյան]
Ավելին
Նիդերլանդների ԱԳՆ-ն որոշում է կայացրել ՀՀ-ին հատկացնել 200․000 եվրո գումար՝ կորոնավիրուսի դեմ պայքարի համար խիստ անհրաժեշտ սարքավորումներ գնելու նպատակով։ Գումարն ուղղվելու է հայաստանյան ընկերություններից 3 PRC թեսթավորման սարք, 100 հիվանդանոցային մոնիտոր և 1 կենսաբանական անվտանգության խցիկ ձեռք բերելուն։ ՀՀ ԱՆ-ն արդեն պատվիրել է դրանք։ [ՀՀ ԱԳՆ]
Ավելին
Հուլիսի 10-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 30903 դեպք, որոնցից 18709-ն` առողջացած, 546-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11471 պացիենտ: Ընդհանուր առմամբ կատարվել է 131216 թեստավորում: Այսպիսով` ունենք կորոնավիրուսային հիվանդությամբ հաստատված 557 նոր դեպք և 709 առողջացած։ Մեկ օրում իրականացվել է 2050 թեստավորում
Ավելին
ԱՄՆ Կոնգրեսի Ներկայացուցիչների պալատի Հատկացումների հանձնաժողովն ընդունել է օրենսդրական հաշվետվությունը՝ անուղղակիորեն կոչ անելով շարունակել Արցախում անցկացվող մարդասիրական ծրագրի ֆինանսավորումը: Նախատեսվում է, որ այն շուտով կներկայացվի Ներկայացուցիչների պալատի քվեարկությանը: |tert.am|
Ավելին
Երեւանի Խաչիկ Դաշտենցի անվան թիվ 114 ավագ դպրոցի տնօրեն Ռուզաննա Կոստանյանը դատի է տվել ՀՀ կրթության, գիտության, մշակույթի եւ սպորտի նախարարությանը։ Նա պահանջում է իրեն խիստ նկատողություն հայտարարելու վերաբերյալ հրամանն անվավեր ճանաչել։ |armtimes.com|
Ավելին
Միջանկյալ միջոց կիրառվում է շատ հազվադեպ, երբ վտանգավոր իրավիճակ է, կրառվում է կյանքի իրավունքին վերաբերող խնդիրների դեպքում, շատ աննշան գործեր են այդ միջոցի կիրառման առումով ուշադրության արժանացել ՄԻԵԴ գործերով։ Այս գործն իրենից նմանատիպ իրավիճակ չէր ենթադրում, եւ ի սկզբանե ցավալի է, որ այդպիսի միջոց է ուզել մի անձ, որը ՄԻԵԴ-ում դատավոր է եղել ու իմացել է, որ այդ կարգի միջոց չի կիրառվում այդպիսի գործերով։ [Սեդա Սաֆարյան]
Ավելին
«Խոշորացված համայնքներում գյուղերից գանձված հարկերը կենտրոնանալու են մի ընդհանուր կաթսայում, մի ընդհանուր բյուջեում, և այդ ծախսերի որոշումները կատարելու են այն իշխանավորները, որոնց ընտրել են խոշոր համայնքները։ Նրանք իրենց ձայները ստանալու են խոշոր համայնքներից և, բնականաբար, առաջին հերթին զբաղվելու են իրենց ընտրողների շահերի և իրավունքների պաշտպանությամբ։ Փոքր համայնքն այստեղ որևէ կերպ չի կարող հայտնվել ավելի լավ վիճակում, քան կար»։
Ավելին
Վարչապետ Նիկոլ Փաշինյանի որոշմամբ Հրաչյա Թաշչյանը նշանակվել է վարչապետի աշխատակազմի արտաքին կապերի վարչության պետ՝ 3 տարի ժամկետով։ Մինչ այս Հրաչյա Թաշչյանը զբաղեցնում էր վարչապետի օգնականի պաշտոնը:
Ավելին
Աբրահամ Մանուկյանն ազատ կարձակվի։ Վերաքննիչ քրեական դատարանը`դատավոր Նարինե Հովակիմյանի նախագահությամբ, քիչ առաջ բավարարեց ԲՀԿ-ական նախկին պատգամավոր Աբրահամ Մանուկյանի կալանավորման դեմ պաշտպանական կողմի բողոքը: |armtimes.com|
Ավելին
Երևանի ընդհանուր իրավասության դատարանը մերժեց ԱԺ նախկին նախագահ Արա Բաբլոյանի պաշտպան Արամ Վարդևանյանի՝ Բաբլոյանի նկատմամբ քրեական հետապնդումը դադարեցնելու վերաբերյալ միջնորդությունը։ Ըստ մեղադրական եզրակացության՝ Արա Բաբլոյանը 2018թ․, լինլով ԱԺ նախագահը, չարաշահել է իր պաշտոնեական լիազորությունները, որն անզգուշությամբ առաջացրել է ծանր հետևանքներ։ |factor.am|
Ավելին
Թվում է, թե ցանկացած օրենք ընդամենը թվաբանություն է, թվերի մասին է, սակայն այդ թվաբանության հետևում մարդկային կյանքեր են, մեր երկիրը, մշակույթը, մեր քաղաքը: Օրենքը դրված է իմ սեղանին: Ես չեմ կարող այն ուղարկել ՍԴ, որովհետև Սահմանադրության հետ խնդիր չունի: Ինձ մնում է ստորագրել օրենքը և կցել հայտարարություն: Եթե ես ունենայի իրավունք՝ օրենքը հետ ուղարկել ԱԺ, կանեի։ [Նախագահ Արմեն Սարգսյանը՝ գույքահարկին վերաբերող օրենքի մասին]
Ավելին
Հունիսի սկզբին խորհրդարանն արտահերթ նիստով առաջին ընթերցմամբ ընդունել էր «Իմ քայլը» խմբակցության պատգամավոր Նարեկ Զեյնալյանի հեղինակած նախագիծը, որով առաջարկվում էր ժամանակավոր անաշխատունակության նպաստ տրամադրել մեկուսացած և ինքնամեկուսացած վարձու աշխատողներին: Նախագիծը չէր ստացել Կառավարության դրական եզրակացությունը: Նարեկ Զեյնալյանը մեզ հետ զրույցում ասաց, որ նախագիծն առաջարկների ներկայացման փուլում է, քննարկումներ են իրականացնում Կառավարության հետ, ինչպես նաև հաշվարկների հստակեցում, անձանց քանակի և ֆինանսական ծախսերի կանխատեսում: |hetq.am|
Ավելին
COVID-19-ի վարակի ներթափանցումն ու տարածումը կանխելու նպատակով, խորհուրդ է տրվում ԵԱՏՄ մաքսային անցակետերում տեղադրել, այսպես կոչված, «մուտքային զտիչներ»՝ ջերմաչափման համար, աշխատակիցներին տրամադրել անձնական պաշտպանության միջոցներ և ձեռնոցներ, ինչպես նաև ապահովել ձեռքերի հակաբակտերիալ միջոցների մշտական առակայությունը, իրականացնել համակարգված կանխարգելիչ ախտահանման միջոցառումներ, պահպանել սոցիալական հեռավորության սկզբունքները, կիրառել մեկանգամյա օգտագործման սպասք, օդափոխել տարածքը և այլն: |hetq.am|
Ավելին
Հայաստանում Ֆրանսիայի դեսպանությունն արձագանքել է ֆրանսիացի բժիշկների առաքելությունների թեմայով հրապարակումներին՝ նշելով, որ ֆրանսիական բուժանձնակազմերի երկու առաքելությունները Հայաստան են ժամանել ՀՀ իշխանությունների հրավերով, որոնք էլ ապահովել են սույն առաքելությունների կայացումն ու կազմակերպումը։ Ի պատասխան ՀՀ Կառավարության խնդրանքի՝ Ֆրանսիան հոգացել է երկրորդ պատվիրակության տրանսպորտի և կեցության ծախսերը։ |hetq.am|
Ավելին
Վերաքննիչ քրեական դատարանի դատավոր Ալեքսանդր Ազարյանը կարգապահական պատասխանատվության չի ենթարկվի: Որոշումը հրապարակեց ԲԴԽ-ում՝ նշելով, որ այն վերջնական է: Արդարադատության նախարար Ռուստամ Բադասյանը կարգապահական պատասխանատվության ենթարկելու միջնորդություն էր ներկայացրել՝ նշելով, որ դատական նիստերից մեկի ժամանակ Ազարյանն անհարգալից վերաբերմունք է դրսեւորել ՀՔԾ-ի եւ ՀՔԾ պետի նկատմամբ՝ վիրավորական արտահայտություններ հնչեցնելով: |armtimes.com|
Ավելին
ԱՀ մուտք կարող են գործել ՀՀ մեր այն հայրենակիցները, ինչպես նաև արտերկրի այն քաղաքացիները, որոնք բեռնափոխադրում իրականացնող տրանսպորտային միջոցի վարորդ են կամ ուղեկցող: Նրանցից ՊՇՌ թեստ և պարետի թույլտվություն չի պահանջվում։ Գյուղատնտեսական աշխատանքներ իրականացնող անձինք ԱՀ տարածք մուտք գործելու համար մուտք գործելու նախատեսվող օրվանից առնվազն երկու օր առաջ գրավոր կամ բանավոր եղանակով դիմում են համապատասխան շրջանի վարչակազմին: [Արցախ/տեղեկատվական շտաբ]
Ավելին
Վիճակախաղերի, շահումով խաղերի, ինտերնետ շահումով խաղերի և խաղատների լիցենզավորող հանձնաժողովը որոշել է «Մուլտի Գրուպ» կոնցեռնի կազմի մեջ մտնող «ՕՆԻՐԱ ՔԼԱԲ» ՍՊԸ -ին տրված խաղատան կազմակերպման լիցենզիան ուժը կորցրած ճանաչել: «ՕՆԻՐԱ ՔԼԱԲ»-ը չի վճարել լիցենզիայի համար 2020 թվականի երրրորդ եռամսյակի պետական տուրքի տարեկան գումարի մեկ քառորդ մասը։
Ավելին
Կառավարությունն առաջարկում է արտակարգ դրության պայմաններում ստեղծել առողջապահության բնագավառի միասնական կառավարման համակարգ՝ առողջապահության բնագավառի պետական կառավարման լիազոր մարմնին վերապահելով բժշկական օգնություն և սպասարկում իրականացնող կազմակերպությունների կառավարման լիազորությունները (բացառությամբ ՊՆ ռազմաբժշկական հաստատությունների)` արտակարգ դրություն հայտարարելու մասին որոշմամբ սահմանված ծավալներով և լիազորությունների շրջանակով: Որոշումն ընդունվեց կառավարության այսօրվա նիստում։ |hetq.am|
Ավելին
Քանի որ ամբողջ աշխարհը սպասում է պատվաստանյութի, մարդիկ գոյություն չունեցող, սակայն սպասվող պատվաստվանյութի ձեռքբերման համար հերթ են կանգնում, և կան երկրներ, որոնք գնում են իրականացրել, այսինքն՝ գումար են փոխանցել և ապագա պատվաստանյութն ահռելի քանակությամբ ձեռք են բերել, ինչը մտավախություն է առաջացնում, որ խմբաքանակները կհայտնվեն մի քանի երկրների ձեռքում։ [Նիկոլ Փաշինյան] |armenpress.am|
Ավելին
Ես կարծում եմ, որ բացի մեզնից մնացած բոլորը ակնկալիքներ ունեին։ Մենք որևէ ակնկալիք չունեինք, որ նման միջոց կկիրառվի և ակնկալիք էլ չունենք, որ ՄԻԵԴ-ի այս որոշման հետ կապված որևէ միջազգային կառույց հակառակ դիրքորոշումը կցուցաբերի։ Որերորդ անգամն է, երբ գնում են տարբեր տեղերից, դրսից, մեզ վրա «տղա բերելու» տրամաբանությամբ։[«Իմ քայլը» խմբակցության պատգամավոր Ալեն Սիմոնյանը՝ ՄԻԵԴ-ի երեկ կայացրած որոշման մասին]
Ավելին
«Մուլտի գրուպ» կոնցեռն ՍՊԸ-ին պատկանող Լոռու մարզի Մղարթի ոսկու հանքավայրում իրականացված մասնակի ստուգման արդյունքում պարզվել է, որ ընկերությունը հարստացուցիչ ֆաբրիկան և պոչամբարը շահագործել է առանց շրջակա միջավայրի վրա ազդեցության փորձաքննության եզրակացության։ Նշանակվել է վարչական տուգանք՝ 100.000 ՀՀ դրամի չափով։ [Բնապահպանության և ընդերքի տեսչական մարմին]
Ավելին
Հայաստանում կորոնավիրուսով վարակված, հիվանդանոց տեղափոխվելու կարիք ունեցող և տանը սպասող հիվանդ ներկայումս չկա: Այդ մասին կառավարության նիստում նշեց Նիկոլ Փաշինյանը։ Վարչապետը հիշեցրեց, որ մոտ մեկ ամիս ունեինք տանը սպասող հիվանդների խումբ, որը հիմա չկա: Փաշինյանը միաժամանակ ընդգծեց, որ վիճակն անկանխատեսելի է և առաջիկայում սպասվում է վերակենդանացման նոր բաժանմունքների բացում «Էրեբունի», «Սուրբ Գրիգոր Լուսավորիչ» հիվանդանոցներում։ |armenpress.am|
Ավելին
Մեր հաշվարկները ցույց են տալիս, որ տնտեսության մեջ առնվազն հավելյալ 64 մլրդ դրամի շրջանառություն է մնացել։ Դա շահութահարկի կանխավճարի կանոնի փոփոխությունն է, որն, ըստ էության, ռազմավարական փոփոխություն է։ Աննախադեպ հնարավորություն կա, որ շահութահարկի կանխավճարներն իրականացվեն ոչ թե նախորդ տարվա շահութահարկից այլ ընթացիկ եռամսյակների շրջանառությունից։ [Փոխվարչապետ Մհեր Գրիգորյանը՝ հարկային բարեփոխումների մասին] |armtimes.com|
Ավելին
Խորհրդարանը երկրորդ ընթերցմամբ և ամբողջությամբ ընդունեց «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու նախագիծը: Ըստ նախագծի` զոհված (մահացած) զինծառայողների կամ 1-ին և 2-րդ կարգի հաշմանդամության կարգ ունեցող զինծառայողների ծնողների, այրու, մինչև 27 տարեկան զավակների ուսումնառությունը պետական բուհերում կիրականացվի բյուջեի միջոցների հաշվին: |hetq.am|
Ավելին
Ես կրկին ուզում եմ ընդգծել, որ հակահամաճարակային մեր ռազմավարությունը շարունակում է մնալ նույնը, այն է՝ սովորել ապրել այնպիսի կանոններով, որոնք մեզ թույլ կտան նոր դեպքերի թիվը զրոյացնել կամ մոտեցնել զրոյի։ Այդ թվում ամենախիստ վարչական միջոցներով պետք է կարողանանք ապահովել հակահամաճարակային կանոնների պահպանումը և այս ճանապարհին մենք շատ հետևողական ենք լինելու։ [Նիկոլ Փաշինյան]
Ավելին
Հուլիսի 9-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 30346 դեպք, որոնցից 18000-ն` առողջացած, 535-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11641 պացիենտ: Ընդհանուր առմամբ կատարվել է 129166 թեստավորում: Այսպիսով` ունենք կորոնավիրուսային հիվանդությամբ հաստատված 526 նոր դեպք և 573 առողջացած։ Մեկ օրում կատարվել է 1995 թեստավորում։
Ավելին
Հուլիսի 8-ին ՀԷՑ-ը տուգանվել է 10 մլն դրամով: Պարզվել է, որ, ի թիվս այլ խախտումների, 2020 թ․ մայիսի 1-3-ն ընկած ժամանակահատվածում
ցուցմունքների ֆիքսման բլանկներում գրանցված 63 հաշվիչներով արձանագրված
ցուցմունքերը ավելի մեծ են եղել, քան մայիսի 4-8-ը աշխատանքային խմբի կողմից նույն առևտրային հաշվիչներից կարդացված ցուցմունքերը։ Թվարկված խախտումները ուղղակիորեն հանգեցրել են մի խումբ սպառողների իրավունքների խախտմանը: [ՀԾԿՀ]
Ավելին
