20:05 - 15 ապրիլի, 2020
Այս պահին բուհերի վարձերի վճարման խնդիրներն առկա են, բուհեր կան, որոնք 20-25% վճարում ունեն․ դիտարկում ենք բուհերին, նաև ուսանողներին աջակցելու հարցը․ Արայիկ Հարությունյան |tert.am|
<ditert.am: v class="inner-content__left inner-content__left--770 fl">
Որոշ բուհեր վարձավճարների քիչ լինելու պատճառով ֆինանսական խնդիրներ ունեն և Կառավարությունը դիտարկում է նրանց աջակցելու հարցը։ Այս մասին այսօր ԱԺ-Կառավարություն հարցուպատասխանին ասաց Կրթության, գիտության, մշակույթի և սպորտի նախարար Արայիկ Հարությունյանը։
ԱԺ «Բարգավաճ Հայաստան» խմբակցության պատգամավոր Շաքե Իսայանն ասաց, որ որոշ բուհերում առկա են դասախոսներին աշխատավարձերը չվճարելու հետ կապված խնդիրներ։
«Պարոն նախարար, Դուք կոչով էիք հանդես եկել՝ ուղղված բուհերին, ուսման վճարները հետաձգելու առումով։ Ձեր կոչից հասկանալի չէր՝ ինչպե՞ս են վճարվելու դասախոսները։ Տեղեկություններ ունեմ, որ որոշ բուհերում արդեն իսկ առկա են ռիսկեր ապրիլ և մայիս ամիսներին դասախոսների ոչ լիարժեք աշխատավարձը վճարելու հետ կապված»,- նշեց պատգամավորը։
ԿԳՄՍ նախարար Արայիկ Հարությունյանը, արձագանքելով բարձրացված խնդրին, ասաց, որ հարցն այսօր քննարկվել է վարչապետի մոտ, մի շարք նախաձեռնություններ են եղել, բայց հստակ հաշվարկներ լինելուց հետո միայն նախարարությունը ծրագրերով հանդես կգա։
«Բուհերը դրական էին արձագանքել իմ կոչին, բայց միաժամանակ նաև կոչ էի արել, որ բոլոր այն ուսանողները, ովքեր ունեն հնարավորություն, վճարները կատարեն։ Ցավոք սրտի, այս պահին ունենք խնդիրներ վճարների առումով, բուհեր կան, որտեղ վճարումները առաջին կիսամյակի հետ կապված 20-25 տոկոս են, մինչև 40 տոկոս են, բայց դրանք բավարար չեն։ Մենք հիմա դիտարկում ենք մի շարք քայլեր՝ հնարավորության դեպքում աջակցելու բուհերին, նաև ուսանողներին»,- հայտնեց Արայիկ Հարությունյանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)