tert.am։ ԱԺ-Կառավարություն հարցուպատասխանին ԲՀԿ խմբակցության պատգամավոր Հրանտ Մադաթյանը ՀՀ վարչապետ Նիկոլ Փաշինյանից հետաքրքրվեց, թե 2019 թ-ին ինչ միջոցներ են ձեռնարկել զբոսաշրջությունը զարգացնելու համար, հատկապես, որ կառավարությունը զբոսաշրջությունը զարգացման գերակա ուղղություն է հայտարարել։
Վարչապետ Նիկոլ Փաշինյանը նշեց, որ 2018-ին զբոսաշրջությունը 17 տոկոսով աճել է, իսկ այս տարի արդեն 5, 35 տոկոսով է աճել, թեպետ դեռ սեզոնի պիկը չէ:
«Հիմքեր կան ենթադրելու, որ ընթացիկ շրջանում մեծ ծավալներ կունենա զբոսաշրջությունը»,-ասաց նա։
Նիկոլ Փաշինյանը նշեց, որ այսօր ԱԺ դահլիճից ԿԲ նախագահը հայտարարել է, որ այս տարվա վեց ամիսներին ԿԲ-ն պահուստավորել է հավելյալ 131 մլն դոլար։ «Մինչև ԿԲ նախագահը հասել է բանկ, դոլարի թիվը հասել է 154 մլն, սա նշանակում է, այդ ծավալի հավելյալ արտարժույթ է մտնում երկիր և սա աննախադեպ ցուցանիշ է»,-ասաց նա։
Ըստ վարչապետի՝ զբոսաշրջության զարգացման առաջին նախապայմանը երկրի պոզիտիվ իմիջն է և ըստ նրա՝ այս կառավարությունը շատ բան արել է այդ ուղղությամբ։ Բացի այդ, ըստ նրա, կարևոր է ենթակառուցվածքները՝ ճանապարհներ և այլն։ «Հիմա զբոսաշրջիկի կոմֆորտն ապահովելու համար ծրագրեր են իրականացվում: Նաև վարկային ծրագիր կա Զբոսաշրջության կոմիտեի համար, որը ենթակառուցվածքների զարգացմանն է վերաբերում»։
comment.count (0)