ԲԴԽ նախագահն ուղերձ է հղել Մամուլի ազատության համաշխարհային օրվա առթիվ
21:37 - 03 մայիսի, 2020

ԲԴԽ նախագահն ուղերձ է հղել Մամուլի ազատության համաշխարհային օրվա առթիվ

Բարձրագույն դատական խորհրդի նախագահ Ռուբեն Վարդազարյանն ուղերձ է հղել Մամուլի ազատության համաշխարհային օրվա առթիվ։ Ռուբեն Վարդազարյանն ուղերձում նշել է. «Զանգվածային լրատվության միջոցների հարգելի՛ ներկայացուցիչներ, շնորհավորում եմ Մամուլի ազատության համաշխարհային օրվա առիթով:

Այս տոնը բացառիկ է նրանով, որ վերաբերում է ոչ միայն մասնագիտական, այլև պետության և հասարակության բոլոր շերտերին: Մամուլի ազատությունը երկրի ժողովրդավարության կարևոր նշաձող է համարվում: 1993 թվականին Միավորված ազգերի կազմակերպությունը մայիսի 3-ը սահմանեց որպես ձեր մասնագիտական տոն: Ցանկացած ժողովրդավարական երկրի և հասարակության համար կայացած ու ազատ լրագրությունը պետության, մասնավորապես, իշխանության բոլոր ճյուղերի և համակարգերի գործունեության հանրային վերահսկողության հիմնական ինստիտուտներից է:

 

Հարգելի՛ լրագրողներ, Բարձրագույն դատական խորհուրդը որդեգրել է Զանգվածային լրատվության միջոցների հետ ազատ և թափանցիկ աշխատելու քաղաքականություն: Ձեր օբյեկտիվ աշխատանքի և մեր թափանցիկ գործունեության արդյունքում Դատական իշխանությունը հասարակության համար քայլ առ քայլ դառնում է առավել ընկալելի և բաց: 

Կրկին շնորհավորում եմ մասնագիտական օրվա կապակցությամբ և մաղթում, որպեսզի մամուլի գործունեության համար ներկայումս ստեղծված պայմանները, ազատության ու անկախության հնարավորությունները լինեն հարատև, և դուք կարողանաք անխոչընդոտ իրացնել ձեր հիմնական առաքելությունը՝ հասարակության՝ իրազեկ լինելու իրավունքի ապահովումը»:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

comment.count (0)

Մեկնաբանել