Քաղաքապետի տեղակալ Հայկ Սարգսյանը բանավոր կերպով խնդրել է քաղաքապետի համաձայնությունը՝ այլ աշխատանքի տեղափոխվելու համար: Այս մասին տեղեկացնում է Հայկ Սարգսյանը՝ ֆեյսբուքյան գրառման միջոցով:
«Որոշ լրատվականների՝ կեղծիք ու բամբասանք տարածելու մոլուցքը հասել է երեւակայության գագաթնակետին: Ազատման դիմում չեմ ներկայացրել, ընդամենը բանավոր խնդրել եմ քաղաքապետի համաձայնությունը` այլ աշխատանքի տեղափոխվելու համար: Սպասում եմ պարոն քաղաքապետի որոշմանը»,- գրել է նա։
Հիշեցնենք՝ երեկ լրատվամիջոցներով տեղեկություն էր տարածվել այն մասին, որ Երևանի քաղաքապետի տեղակալ Հայկ Սարգսյանը հրաժարականի դիմում է ներկայացրել։ Դրանից հետո Քաղաքապետի մամուլի խոսնակ Հակոբ Կարապետյանը ֆեյսբուքյան իր գրառմամբ հերքել էր մամուլում տարածված այդ տեղեկությունը։
comment.count (0)