Արդարադատության նախարար Արտակ Զեյնալյանը վստահեցնում է՝ ձերբակալված, կալանավորված, դատապարտված անձանց առողջության պահպանման խնդիրն իրենց ուշադրության կենտրում է։ Նա այսօր լրագրողների հետ զրույցում տեղեկացրեց, որ բարեփոխումների շրջանակում այս անձինք կարող են նորագույն ու թանկարժեք տեխնոլոգիաներով մատուցվող բժշական օգնության ու սպասարկման իրավունքից օգտվել՝ պետության կողմից տրամադրվող անվճար պայմաններով։
Նախարարն անդրադարձավ դատավորներին կարգապահական պատասխանատվության ենթարկելու հարցին։
«Դատավորների կողմից թույլ տված կարգապահական պատասխանատվության համար հիմք հանդիսացող խախտումների հայտնաբերման արդյունքում դատավորների նկատմամբ նախարարության կողմից հարուցվել է 8 կարգապահական վարույթ, որոնցից 4-ը կարճվել է, 2-ով կարգապահական պատասխանատվության ենթարկվելու միջնորդություն է ներկայացվել բարձրագույն դատական խորհուրդ, իսկ 2-ը գտնվում է ընթացքի փուլում»,-ասաց Արտակ Զեյնալյանը»։
comment.count (0)