pastinfo.am: Երևանի ընդհանուր իրավասության դատարանը՝ դատավոր Աննա Մաթևոսյանի նախագահությամբ, մերժել է ՊԵԿ ներքին անվտանգության վարչության նախկին պետ Կարեն Խաչատրյանին գրավի դիմաց ազատ արձակելու մասին պաշտպանների միջնորդությունը։ Այս մասին ասաց պաշտպան Ամրամ Մակինյանը։ Նրա խոսքով՝ սա սպասելի որոշում էր։

«Դատարանը, ով ամբողջ ծավալով քննել է Կարեն Խաչատրյանին կալանքի տակ պահելու հարցերը։ Երբ այդ դատավորից վերցնում և տալիս են այլ դատավորի, ով օբյեկտիվորեն հնարավորություն չունի իմանալու ապացույցների ամբողջական զանգվածը»,- ասաց Մակինյանը։

Նրա խոսքով՝ պաշտպանական կողմը գրավի չափ էր առաջարկել 225 մլն ՀՀ դրամը, որը, որպես առերևույթ պատճառված վնասի փոխհատուցման դեպոզիտ վճարվել է։

«Ես առաջարկել էի 225 մլն դրամ գումարը Դատախազության հաշվից տեղափոխել դատարանի դեպոզիտ»,- ասաց Մակինյանը։