ermenihaber.am: Մարտի 19-ին և 20-ին Թուրքիայի արևելյան Էլազըղ (պատմ. Խարբերդ) նահանգի Սիվրիջե շրջանում 12 ժամում 55 երկրաշարժ է գրանցվել, որոնցից առաջինը եղել 5․1 մագնիտուդ ուժգնությամբ:

Թուրքիայի կառավարության աղետների և արտակարգ իրավիճակների վարչության (AFAD) տվյալներով՝ առաջին երկրաշարժը տեղի է ունեցել տեղական ժամանակով 20։53-ին, իսկ էպիկենտրոնը գտնվել է  5․5կմ խորության վրա։

Երկրաշարժի հետևանքով զոհերի և վիրավորների մասին տեղեկություններ չկան։ Երկրաշարժը զգացվել է նաև Թուրքիայի Բաթման, Ադըյաման, Շանլըուրֆա նահանգներում և հարակից շրջաններում։