tert.am: ԱՄՆ նախագահ Դոնալդ Թրամփը Հանոյում կայացած գագաթնաժողովի ժամանակ Հյուսիսային Կորեայի առաջնորդ Կիմ Չեն Ընին է հանձնել փաստաթուղթ, որով կոչ է արել Միացյալ Նահանգներին փոխանցել միջուկային զենքն ու ռումբերի համար նախատեսված վառելիքը: Այս մասին հաղորդում է Reuters-ը:
Գործակալության աղբյուրը հայտնում է, որ Թրամփը փետրվարի 28-ին երկու լեզուներով՝ անգլերեն և կորեերեն գրված փաստաթուղթը Կիմին է փոխանցել Հանոյում տեղակայված «Մետրոպոլ» հյուրանոցում:
Հյուսիսային Կորեայի և ԱՄՆ-ի միջև երկրորդ գագաթնաժողովը տեղի էր ունեցել փետրվարի 27-28-ին: Երկու երկրների առաջնորդների բանակցություններն ավարտվել էին առանց որևէ փաստաթղթի ստորագրման:
comment.count (0)