azatutyun.am: Մոսկվայում՝ Կարմիր հրապարակում այսօր անցկացվող Հաղթանակի օրվա զորահանդեսին ներկա են Ռուսաստանի նախագահ Վլադիմիր Պուտինը, վարչապետ Դմիտրի Մեդվեդևը և Ղազախստանի առաջին նախագահ Նուրսուլթան Նազարբաևը:
Կարմիր հրապարակում հանդես գալով Հայրենական մեծ պատերազմում հաղթանակի օրվան նվիրված ուղերձով, Պուտինն ասել է, որ մայիսի 9-ը հպարտության և վշտի օր է:
«Տարեց տարի մենք ավելի սուր ենք զգում այդ աննախադեպ սխրանքի բարոյական հզորությունը, մեր ժողովրդի ռազմական հաղթանակի վիթխարի արժեքը, հենց դա է մեզ փրկել և պաշտպանել հայրենիքը, դարձել ամբողջ մարդկության հույսը և պատվարը, Եվրոպայի ժողովուրդների գլխավոր ազատարարը»,- հայտարարել է Պուտինը:
Նա ասել է, որ Ռուսաստանը կշարունակի ամրապնդել ռազմական հզորությունը:
Միաժամանակ, ըստ Պուտինի, Ռուսաստանը պատրաստ է այլ երկրների հետ համագործակցել ահաբեկչության, ծայրահեղականության և նեոնացիզմի դեմ պայքարում:
comment.count (0)