tert.am: Փոփոխություններ ցանկացած հիմնարկում միշտ տեղի են ունում, բայց եթե նկատի ունեք խոշորածավալ կամ զանգվածային կադրային փոփոխություն, ապա ասեմ, որ չի լինելու։ Այսօր ԱԺ-ում լրագրողների հետ զրույցում նման տեսակետ հայտնեց Հանրային հեռուստառադիոընկերության խորհրդի նախագահի պաշտոնում ընտրված ռեժիսոր Արա Շիրինյանը։
Հարցին՝ Հ1-ի գործադիր տնօրեն Մարգարիտա Գրիգորյանը շարունակելո՞ւ է պաշտոնավարել, Շիրինյանը կարճ պատասխանեց․ «Այո, նա շարունակելու է»։
Դիտարկմանը, որ Մարգարիտա Գրիգորյանը սեփական կադրային բանկ է բացել, Շիրինյանն արձագանքեց, որ անձամբ է ցանկանում ուսումնասիրություն անել, որից հետո նոր կարող է հետևություն անել։
«Այս պահին նպատակահարմար չեմ գտնում որևէ հրապարակային բան հայտնել։ Չեմ կարծում, որ նախկինում հնչած բոլոր մեղադրանքներն ունեին լուրջ հիմքեր»,- շարունակեց Արա Շիրինյանը։
comment.count (0)