tert.am: Իսրայելի վարչապետ Բենյամին Նեթանյահուն հայտնել է, որ բանակին Գազայի հատվածից հրթիռակոծումը չդադարեցնող պաղեստինցի զինյալների նկատմամբ «զանգվածաբար գրոհելու» հրաման է տվել, գրում է Times of Israel պարբերականը:
«Այսօր առավոտյան ես Իրսայելի պաշտպանության բանակին Գազայի հատվածում ահաբեկչական տարրերի նկատմամբ զանգվածաբար հարվածներ իրականացնելու հրաման եմ տվել», - ասել է հրեական պետության վարչապետը կաբինետի նիստի ժամանակ:
Նա հավելել է, որ կարգադրել է հզորացնել անկլավի սահմանին տեղակայված զորքը հավելյան բրոնետեխնիկայով, հրետանիով և հետևազորով:
Ավելի վաղ Իսրայելի զինված ուժերը հայտարարել էին երկրի հարավային սահման զրահատանկային ջոկատ ուղարկելու մասին, որն անհրաժեշտության դեպքում կմասնակցի հարձակողական գործողություններին:
Իսրայելի պաշտպանության բանակի մամուլի քարտուղար Յոնաթան Կոնրիկուսը լրագրողների հետ ճեպազրույցի ժամանակ ասել էր, որ տեղյակ չէ՝ արդյոք հրադադարի շուրջ բանակցություններ են վարվում:
comment.count (0)