Որքան տուգանք սահմանվեց մեկուսացման, ինքնամեկուսացման կանոնները խախտելու համար

 |armenpress.am|
20:25 - 23 մարտի, 2020

Որքան տուգանք սահմանվեց մեկուսացման, ինքնամեկուսացման կանոնները խախտելու համար |armenpress.am|

armenpress.am: ՀՀ Ազգային ժողովի նախագահ Արարատ Միրզոյանը մանրամասնել է, թե ինչ պատիժներ են սահմանված արտակարգ դրության ընթացքում մեկուսացման և ինքնամեկուսացման կանոնները խախտելու համար: Պատիժները սահմանող օրենսդրական փաթեթը խորհրդարանն ընդունեց մարտի 23-ին՝ 117 կողմ ձայնով:

  1. Արտակարգ իրավիճակի հիմքով հայտարարված արտակարգ դրության ընթացքում մեկուսացման կամ ինքնամեկուսացման կանոնները խախտելն առաջացնում է տուգանքի նշանակում 100-250 հազար դրամի չափով,
  2. մեկուսացման կամ ինքնամեկուսացման կանոնները խախտելու հետևանքով անզգուշությամբ.

- այլ անձի վարակումը պատժվում է տուգանքով՝ 300-500 հազար դրամի չափով կամ կալանքով՝ առավելագույնը 1 ամիս ժամկետով,

- երկու կամ ավելի անձանց վարակումը կամ մարդու առողջությանը ծանր վնասի պատճառումը պատժվում է տուգանքով՝ 500-700 հազար դրամի չափով, կամ կալանքով՝ 1-3 ամիս ժամկետով, կամ ազատազրկմամբ՝ մինչև 2 տարի ժամկետով,

- մարդու մահվան առաջացումը պատժվում է ազատազրկմամբ՝ 2-4 տարի ժամկետով։

  1. Գիտակցաբար այլ անձի կամ անձանց Նոր կորոնավիրուսային վարակով վարակելու համար սահմանվում են ավելի խիստ պատժամիջոցներ, ընդ որում տարբեր պատժամիջոցներ երկու և ավելի անձանց, անչափահասի, հղի կնոջ վարակելու, ինչպես նաև վարակելու հետևանքով մահվան ելքի դեպքերի համար:

Ազգային ժողովի նախագահը տեղեկացրել է, որ փոփոխություններն ուժի մեջ կմտնեն ՀՀ նախագահի կողմից ստորագրվելուց և պաշտոնական հրապարակումից հետո, և դրանք հետադարձ ուժ չունեն:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

comment.count (0)

Մեկնաբանել