13:41 - 03 դեկտեմբերի, 2019
Պետությունը նախատեսում է ներկրվող բիտումի որակը ստուգելու համար անցակետերում հիմնել լաբորատորիաներ |armenpress.am|
armenpress.am: ՀՀ տարածքային կառավարման և ենթակառուցվածքների նախարարությունը նախատեսում է առաջիկայում Հայաստանի անցակետերում ունենալ լաբորատորիաներ, որտեղ կստուգվի ներկրվող բիտումի որակը: Լրագրողների հետ զրույցում այս մասին ասաց նախարար Սուրեն Պապիկյանը:
«Առաջիկայում նախատեսում ենք նաև լաբորատորիաներ ունենալ ՀՀ անցակետերում, որպեսզի ներկրվող բիտումը, որը ասֆալտի հիմնական հատվածն է, ու ասֆալտի որակը հիմնականում կախված է դրանից, լինի բարձր որակի»,-ասաց Պապիկյանն ու հավելեց՝ նպատակն այն է, որ որևէ մեկը չկարողանա որևէ կապալառուի, ներմուծող ընկերության խաբել:
Նախարարը նշեց՝ ներկայումս բիտումը հիմնականում ներմուծվում է Իրանից: Պապիկյանը հիմա բանակցում է ռուս գործընկերների հետ՝ ռուսական բիտում ներմուծելու հնարավորություն ստանալու նպատակով: Նախարարը նշեց՝ ռուսական բիտումի որակն ավելի բարձր է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)