11:36 - 14 հուլիսի, 2019
Սևանի ճահճացած հատվածից վերցրինք կապտականաչավուն ջրիմուռների և ջրի փորձանմուշ․ Ն․ Զոհրաբյան
«Այս պահին մենք գտնվում ենք Սևանում և Սևանի ճահճացած հատվածից վերցրինք կապտականաչավուն ջրիմուռների և ջրի փորձանմուշ, որն անմիջապես ուղարկելու ենք Վրաստան ՝ հատուկ լաբորատոր փորձաքննության»,- այս մասին իր ֆեյսբուքյան էջում գրել է ԱԺ պատգամավոր Նաիրա Զոհրաբյանը:
Զոհրաբյանը նաև հավելել է, որ Սևանի հարցն ազգային անվտանգության խնդիր է:
«Մեկ բան հստակ է. Սևանի հարցը մեզ համար ազգային անվտանգության խնդիր է և օր առաջ պետք է ստեղծել Սևանի փրկության հատուկ հանձնաժողով:
Առաջիկայում «Բարգավաճ Հայաստան» խմբակցությունը հրավիրելու է խորհրդարանական լսումներ, որտեղ մասնագետների հետ համատեղ կներկայացնենք Սևանի փրկության մեր տեսլականը»,- գրել է Զոհրաբյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)