hcav.am: «Ստամբուլյան կոնվենցիայի» վավերացման դեմ ստորագրահավաքի նախաձեռնող «Կամք» ՀԿ հիմնադիր Վահագն Չախալյանի բռնի գործողություններից տուծած սպիտակցիները դժգոհ են քննության ընթացքից: Նրանք դիմել են Հելսինկյան քաղաքացիական ասամբլեայի Վանաձորի գրասենյակ:

Ստամբուլյան կոնվենցիայի ստորագրահավաք իրականացնող «Կամք» հասարակական նախաձեռնության անդամները՝ Վահագն Չախալյանի գլխավորությամբ, 2019 թվականի սեպտեմբերի 6-ին բռնություն են կիրառել Սպիտակի մի խումբ բնակիչների հանդեպ:

Ոտնահարված իրավունքների պաշտպանության նպատակով 2020 թվականի հունվարի 13-ին նրանք դիմել են ՀՔԱՎ գրասենյակ: Բնակիչները պատմել են, որ 2019 թվականի սեպտեմբերի 6-ին «Կամք» նախաձեռնության հիմնադիր Վահագն Չախալյանը և նրա մի խումբ համախոհներ ստորագրահավաք են նախաձեռնել Սպիտակ քաղաքի կենտրոնում՝ մշակույթի տան մոտակայքում: Ստորագրահավաքին մասնակցել չցանկացող 2 կանանց նրանք փորձել են համոզել՝ ստորագրել: Տեսնելով դա՝ Սպիտակի բնակիչ, 75-ամյա Հրաչիկ Թումանյանը միջամտել է՝ ասելով. «Ինչու՞ եք պարտադրում, եթե չեն ուզում՝ թող չստորագրեն»: Ի պատասխան՝ Վահագն Չախալյանը տարեց տղամարդուն վիրավորել է՝ ասելով «ապուշ», որից հետո բռունցքով հարվածել նրա դեմքին: 70-ամյա Ռուդիկ Դարչինյանի մոտ էլ բռնության հետևանքով առաջացել է ծանրալսություն:

Նրանք պնդում են, որ գործը քննող Սպիտակի քննչական բաժնի հատկապես կարևոր գործերով ավագ քննիչ Արգիշտի Տոնոյանը կողմնակալ է և ակնհայտորեն ջանքեր չի գործադրում՝ օբյեկտիվ քննություն իրականացնելու ուղղությամբ: Բնակիչները կասկածներ ունեն, որ ամիսներ ձգվող առերեսումները նոր ցուցմունքներ կորզելու միջոցով հին ցուցմունքները փոխելու նպատակ են հետապնդում: Հրաչիկ Թումանյանը ՀՔԱՎ գրասենյակին ցույց է տվել իր բջջային հեռախոսում առկա նկարներ՝ որոնցում երևում է նրա՝ կապտուկներով դեմքը: 5 ամիս շարունակվող քրեական գործը, քաղաքացիների տեղեկացմամբ, կարճվել է՝ հանցակազմի բացակայության հիմքով, ինչն էլ հարուցել է նրանց դժգոհությունը:

Մանրամասները՝ տեսանյութում