12:39 - 20 մայիսի, 2020
Արտերկրից Հայաստան ժամանած քաղաքացիներն ուղեկցվում են մեկուսացման վայրեր․ առողջության անվտանգության նկատառումներից ելնելով` կոչ ենք անում հարազատներին չգնալ օդանավակայան․ ՀՀ ոստիկանություն
ՀՀ Ոստիկանությունը հայտարարություն է տարածել, որում ասվում է․
«Արտերկրից Հայաստան ժամանող ինքնաթիռների վայրէջքի ժամերին որոշ քաղաքացիներ շտապում են օդանավակայան՝ դիմավորելու իրենց հարազատներին։
Հիշեցնենք, որ արտերկրից Հայաստան ժամանած քաղաքացիները ավտոբուսներով ուղեկցվում են մեկուսացման վայրեր։ Այսինքն՝ հարազատներին դիմավորելու հնարավորություն և անհրաժեշտություն չկա։
Մարդկանց կուտակումներից զերծ մնալու և առողջության անվտանգության նկատառումներից ելնելով` կոչ ենք անում չգնալ օդանավակայան»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)