21:07 - 29 մայիսի, 2020
Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով |armtimes.com|
armtimes.com: ԱԺ նախկին նախագահ Գալուստ Սահակյանի որդին՝ Արման Սահակյանը, ներգրավվել է որպես մեղադրյալ Քննչական կոմիտեում քննվող քրեական գործի շրջանակում։
Տեղեկությունը ՀԺ-ի հետ զրույցում հաստատեց ՀՀ ՔԿ տեղեկատվության եւ հասարակայնության հետ կապերի բաժնի պետի պաշտոնակատար Ռիմա Եգանյանը:
«Արման Սահակյանը մի քանի այլ անձանց հետ Երևանի դպրոցներից մեկին կից հողակտորի օտարման հետ կապված քրեական գործի շրջանակում ներգրավվել է որպես մեղադրյալ»,- ասաց Եգանյանը` հավելելով, որ նախաքննությունը շարունակվում է։ Թե կոնկրետ ինչ հոդվածով է նա ներգրավվել որպես մեղադրյալ, Քննչական կոմիտեն կհայտնի ավելի ուշ։
Նշենք, որ Սահակյանը 2011-2018 թթ աշխատել է Կառավարությանն առընթեր պետական գույքի կառավարման վարչության պետի պաշտոնում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)