news.am: Փոխվարչապետ, պարետ Տիգրան Ավինյանը վերջերս է կորոնավիրուսի թեստ հանձնել, պատասխանը բացասական է եղել։ Այս մասին այսօր՝ հունիսի 1-ին, ասաց Տիգրան Ավինյանի մամուլի խոսնակ Վահան Հունանյանը։

«Չեմ կարող ասել, թե փոխվարչապետը նոր թեստ կհանձնի, թե ոչ, քանի որ թեստավորումն իրականացվում է բժշկական ցուցումով, եթե նման ցուցում լինի, ապա կարվի, բայց պետք է նշեմ, որ վերջին շրջանում վարչապետի հետ շփումներ ունենալիս, անվտանգության բոլոր կանոները պահպանվել են՝ դիմակներ, սոցիալական հեռավորություն, ախտահանիչների օգտագործում եւ այլն»,– ասաց նա։

Հունանյանի խոսքով՝ փոխվարչապետի գրասենյակն աշխատում է բանականոն հունով. «Մեկուսացվածներ չկան, որովհետեւ մենք նույնպես բոլոր կանոնները պահպանել ենք, եւ որեւէ ցուցում չկա»։