12:38 - 06 հունիսի, 2020
Ալեքսիս Օհանյանը հեռանում է Reddit- ում զբաղեցրած պաշտոնից՝ առաջարկելով տեղը սևամորթ թեկնածուի |armenpress.am|
armenpress.am: Հայազգի գործարար, Reddit կայքի և InitializedCapital վենչուրային ընկերության համահիմնադիր Ալեքսիս Օհանյանը հեռանում է Reddit-ի խորհրդից՝ առաջարկելով իր փոխարեն նշանակել սևամորթ թեկնածուի։
Նա այս մասին հայտնել է Ինտագրամի իր էջում:
«Ես հիմնադրեցի Reddit- ը 15 տարի առաջ ՝ օգնելու մարդկանց գտնել համայնք և պատկանելիության զգացում: Վաղուց արդեն ժամանակն է ճիշտ բան անելու: Ես սա անում եմ ինձ համար, իմ ընտանիքի ու երկրի համար: Ես սա ասում եմ որպես հայր, որը պետք է կարողանա պատասխանել իր սևամորթ դստերը, երբ նա հարցնի, թե ես ինչ եմ արել: Որպես Reddit-ի խորհրդի անդամ՝ ես հրաժարական եմ տվել, և հորդորել եմ իմ տեղը լրացնել սևամորթ թեկնածուով»,-ասել է Օհանյանը:
Նա նաև նշել է, որ Reddit- ի բաժնետոմսերի հետագա շահույթը կօգտագործի սևամորթ համայնքին ծառայելու համար՝ զսպելու ռասսայական ատելությունը: Գործարարը կոչ է արել կանգ չառնել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)