17:24 - 29 հունիսի, 2020
Human Rights Watch-ը կոչ է անում Թուրքմենստանին հրապարակել կորոնավիրուսով վարակվածների վիճակագրությունը |azatutyun.am|
azatutyun.am: Human Rights Watch իրավապաշտպան կազմակերպությունը կոչ է անում Թուրքմենստանի իշխանություններին հավաքագրել և հրապարակել երկրում կորոնավիրուսով վարակվածներին վերաբերող վիճակագրությունը: Կառույցի համոզմամբ, տեղեկատվության պակասը վտանգում է երկրի բնակչության կյանքն ու առողջությունը:
Թուրքմենստանը աշխարհի եզակի պետություններից է, որի իշխանությունները համառորեն պնդում են, թե երկրում կորոնավիրուսով վարակվածներ չկան: Այդ հայտարարությունները Human Rights Watch-ը որակել է «ցնորածին»:
Ավելի վաղ «Ազատություն» ռադիոկայանի թուրքմենական ծառայությունը հայտնել է, որ երկրի բնակչությունը հետապնդվում է կորոնավիրուսի թեմայով զրուցելու համար, իշխանությունները պաշտոնապես արգելել են արտաբերել «կորոնավիրուս» բառը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)