17:35 - 11 հուլիսի, 2020
Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ
ՀՀ բարձր տեխնոլոգիական արդյունաբերության նախարար Հակոբ Արշակյանը մտքեր է փոխանակել ԱՄՆ արտակարգ և լիազոր դեսպան Լին Թրեյսիի հետ: Զրուցել են համավարակով պայմանավորված իրավիճակի, բարձր տեխնոլոգիական ապագա զարգացումների ու հնարավոր մի շարք ուղղություններով փոխգործակցության հնարավորությունների շուրջ:
Այս մասին նախարարը գրել է Ֆեյսբուքի իր էջում:
«Անդրադարձանք երկուստեք կարևորվող ներդրումների հեռանկարային հնարավորություններին, կիբերանվտանգության օրակարգին, թվայնացման գործընթացներին, հայաստանյան ստարտափների էկոհամակարգի և Սիլիկոնյան հովտի հետ փոխգործակցության, ինչպես նաև փորձագետների ներգրավման, ամերիկյան PayPal, Youtube և Google հայաստանյան շուկայում հանդես գալու և այլ ուղղությունների:
Պայմանավորվածություններ ձեռք բերեցինք փոխգործակցության հնարավոր ուղղությունների և ժամանակացույցի հետագա քննարկումների վերաբերյալ»,-ասված է Հակոբ Արշակյանի գրառման մեջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)