azatutyun.am: Հռոմի Ֆրանցիսկոս պապն ափսոսանք է հայտնել Թուրքիայի իշխանության՝ Ստամբուլի Սուրբ Սոֆիայի տաճարը մզկիթի վերածելու որոշման կապակցությամբ:
Այսօր Վատիկանում կիրակնօրյա պատարագից հետո, դիմելով Սուրբ Պետրոսի հրապարակում հավաքված հավատացյալներին, կաթոլիկ եկեղեցու հովվապետն ասել է, որ անձնական ցավ է ապրել՝ տեղեկանալով Անկարայի որոշման մասին:
Թուրքիայի դատարանն օրերս է ընդունել Այա Սոֆիայի թանգարանին մզկիթի կարգավիճակ տալու վճիռը:
«Մտքերով Ստամբուլում եմ, մտածում եմ Սուրբ Սոֆիայի մասին և մեծ ցավ եմ զգում»,- ասել է Ֆրանսիսկոս պապը:
Եկեղեցիների համաշխարհային խորհուրդը Թուրքիայի նախագահ Ռեջեփ Թայիփ Էրդողանին կոչ է արել վերանայել որոշումը:
Ուղղափառ աշխարհի առաջնորդ, Կոստանդնուպոլսի տիեզերական պատրիարք Բարդուղոմեոսը նույնպես իր հիասթափությունն է հայտնել Սուրբ Սոֆիան մզկիթի վերածելու որոշման կապակցությամբ:
Անկարայի որոշումը քննադատել են նաև մեծ թվով երկրների պետական պաշտոնյաներ:
comment.count (0)