Եղեգիսի ՀէԿ-երի ջրօգտագործման թույլտվությունները կվերանայվեն
16:46 - 15 հուլիսի, 2020

Եղեգիսի ՀէԿ-երի ջրօգտագործման թույլտվությունները կվերանայվեն

Շրջակա միջավայրի նախարարի պարտականությունները կատարող Վահե Ջիլավյանն աշխատանքային այցով Վայոց ձորի մարզում է։ Այս մասին հայտնում են Շրջակա միջավայրի նախարարությունից։ 

Աշխատանքային այցի նպատակն է ծանոթանալ Եղեգիս գետի վրա գործող փոքր ՀԷԿ֊երի էկոլոգիական թողքին առնչվող խնդիրներին։ Վահե Ջիլավյանն այցելել է նաև Արփա –Սևան ՓԲԸ՝ Շրջակա միջավայրի նախարարության համապատասխան ստորաբաժանման ղեկավարի և ընկերության ներկայացուցիչների հետ քննարկելու առկա խնդիրներն ու դրանց լուծման ճանապարհները։

Նախարարի պարտականությունները կատարող Վահե Ջիլավյանը մասնագետների հետ քննարկել է նաև գետահատվածում փոքր ՀԷԿ֊երին տրված ջրօգտագործման թույլտվություններին վերաբերող մի շարք հարցեր։

Նշենք, որ Եղեգիս գետի վրա գործող բոլոր փոքր ՀԷԿ֊երի ջրօգտագործման թույլտվություններն այս պահին գտնվում են վերանայման փուլում։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել