18:12 - 27 հուլիսի, 2020
Առաջին կիսամյակում արտահանումը Հայաստանից նվազել է 6.5%-ով, ներմուծումը՝ 12.9%-ով |hetq.am|
hetq.am: Այս տարվա առաջին կիսամյակում (2020 հունվար-հունիս) Հայաստանն աշխարհի հետ 3.1 մլրդ դոլարի առևտուր է արել։ Ըստ Վիճակագրական կոմիտեի (ՀՀ ՎԿ)՝ 2019 թվականի առաջին կիսամյակի համեմատ Հայաստանի արտաքին առևտրաշրջանառությունը 10.7%-ով նվազել է։ Ընդ որում ՝ այս ընթացքում ներմուծումն ավելի մեծ տեմպերով է նվազել, քան արտահանումը։
Մասնավորապես, 2020 թվականի հունվար-հունիսին Հայաստանից արտահանվել է 1.1 մլրդ դոլարի ապրանք, որը 2019 թվականի նույն կիսամյակի համեմատ նվազել է 6.5%-ով։
Նույն ժամանակաշրջանում Հայաստան է ներմուծվել 2 մլրդ դոլարի ապրանք, որը 2019-ի առաջին կիսամյակի համեմատ նվազել է 12.9%-ով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)