Արտակարգ դրության ժամանակ կորոնավիրուսային հիվանդության (COVID19) ախտորոշման նպատակով ՊՇՌ հետազոտություններ իրականացնող լաբորատորիաներում դիտարկումներ (այդ թվում՝ որակի արտաքին հսկողություն) իրականացնելու նպատակով կստեղծվի մասնագիտական խումբ՝ սահմանված է պարետի N 220-Ն որոշմամբ։
Այս մասին տեղեկացրել է ՀՀ առողջապահական և աշխատանքի տեսչական մարմինը (ԱԱՏՄ):
Դրանում կընդգրկվեն առողջապահական և աշխատանքի տեսչական մարմնից՝ 3, ԱՆ «Հիվանդությունների վերահսկման և
կանխարգելման ազգային կենտրոնից»՝ 2, էկոնոմիկայի նախարարության «Ստանդարտացման և չափագիտության
ազգային մարմին» ՓԲԸ-ից՝ 2 մասնագետ։
ԱԱՏՄ-ն հիշեցնում է՝ պարետի 104 որոշմամբ՝ ՀՀ ողջ տարածքում արգելվում է կորոնավիրուսային հիվանդության (COVID-19) ախտորոշման նպատակով պոլիմերազային շղթայական ռեակցիայի մեթոդով լաբորատոր հետազոտությունների իրականացումն այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության/կենսապահովության պատշաճ համակարգ:
Այս թույլտվությունն ունեցող լաբորատորիաների ցանկը սահմանում է ՀՀ ԱՆ-ն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)