16:38 - 02 օգոստոսի, 2020
Բեռլինում հազարավոր մարդիկ բողոքի են դուրս եկել՝ ընդդեմ համավարակով պայմանավորված սահմանափակումների. BBC |tert.am|
Բեռլինում հազարավոր մարդիկ օգոստոսի 1-ին դուրս են եկել փողոց՝ բողոքելու կորոնավիրուսի համավարակով պայմանավորված սահմանափակումների դեմ, տեղեկացնում է BBC-ին:
Ցուցարարներն ասել են, որ սահմանափակող միջոցները, այդ թվում՝ դիմակ կրելը, ոտնահարում են իրենց իրավունքներն ու ազատությունները:
«Մեր նպատակն է վերադառնալ ժողովրդավարությանը՝ հեռու այս օրենքներից, որոնք մեզ պարտադրվել են, և հեռու դիմակներից, որոնք մեզ ստրուկ են դարձրել»,- ասել է ցուցարարներից մեկը:
Աղբյուրը տեղեկացնում է, որ բողոքի ցույցն անցել է խաղաղ, մասնակիցներից գրեթե ոչ ոք չէր կրում դիմակ, ոչ էլ պահպանում էին սոցիալական հեռավորությունը:
Պաշտոնական տվյալներով՝ մոտ 20 000 մարդ է մասնակցել բողոքի ակցիային:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)