Երևանի կենտրոնում ապամոնտաժվում են մի շարք շենքերի վրա տեղադրված ապօրինի գովազդային նյութերը
17:13 - 03 սեպտեմբերի, 2020

Երևանի կենտրոնում ապամոնտաժվում են մի շարք շենքերի վրա տեղադրված ապօրինի գովազդային նյութերը

Երևանի Կենտրոն վարչական շրջանում ապամոնտաժվում են պատմամշակութային և ճարտարապետական արժեք ներկայացնող շենքերի վրա տեղադրված ապօրինի գովազդային նյութերը: Այս մասին հայտնում է վարչական շրջանի «Ֆեյսբուք»-ի էջը:

Կենտրոն վարչական շրջանի ղեկավարի աշխատակազմի Գովազդի բաժնի և Երևանի քաղաքապետարանի Արտաքին ձևավորման և գովազդի վարչության աշխատակիցների կողմից համատեղ կատարված ստուգայցերի արդյունքում հայտնաբերվել և ապամոնտաժվել են վարչական շրջանի մի շարք փողոցների պատմամշակութային և ճարտարապետական արժեք ներկայացնող շենքերի վրա տեղադրված ապօրինի գովազդային նյութերը:

Վարչական շրջանի աշխատակազմը տնտեսավարողներին հորդորում է զերծ մնալ սեփական նախաձեռնությամբ ինքնագործունեություն ծավալելուց և առանց արտաքին գովազդի թույլտվության գովազդային նյութեր տեղադրելուց`վարչական տուգանքներից խուսափելու և պատասխանավության չենթարկվելու համար, և հիշեցնում, որ մինչև արտաքին գովազդ տեղադրելը անհրաժեշտ է ստանալ համապատասխան թույլտվություն:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել