tert.am: Երևանի քաղաքապետարանի աշխատակազմի առևտրի և սպասարկման վարչության պետ Հովիկ Սաֆարյանն այսօր ընթացող ավագանու նիստի ժամանակ ներկայացրեց Երևան քաղաքի վարչական տարածքում գտնվող պետության և համայնքային սեփականություն հանդիսացող ընդհանուր օգտագործման տարածքներում՝ փողոցներ, հրապարակներ, զբոսայգիներ և այլն շրջածախ առևտրի ներկայացնող պայմանները, ապրանքների տեսակները և թույլատրելի վայրերի մասին նախագիծը:
«Նախագծով նախատեսվող հիմնական իրավակարգավորումներն են՝ Երևան քաղաքի վարչական տարածքում գտնվող պետության համայնքային սեփականութուն հանդիսացող ընհանուր օգտագործման տարածքներում շրջածախ առևտուր իրականացնելու թույլտվությունը տրամադրում է Երևանի քաղաքապետը, կամ վարչական շրջանի ղեկավարը:
Շրջածախ առևտուր պետք է իրականացնի բացառապես ձեռքից՝ վաճառվող ապրանքները չդնելով գետնին: Վաճառքի կամ ցուցադրման համար չեն կարող օգտագործվել գետնին դրվող տակդիրներ և սայլակներ, կամ շարժական այլ միջոցներ»,- նշեց Հովիկ Սաֆարյանը:
«Իմ քայլ» խմբակցության ավագանու անդամ Իզաբելլա Աբգարյան հետաքրքվեց, թե նրանք ում գործունեությունը ուզում են կարգավորեն, տեղյակ են և նրանց կարծիքները ներառնվել է նախագիծը մշակելիս, հովիկ Սաֆարյանը պատասխանեց.
«Իրավական ակտը հրապարակվել է, եթե ասեմ կոնկրետ աշխատանք ենք տարել՝ կոնկրետ մարդկանց հետ՝ ոչ, նման աշխատանք չի արվել: Ուղղակի մենք ժամանակին ուսումնասիրել ենք շրջածախ առևտրի խնդիրը և եկեք հստակ տարանջատենք՝ շրջածախ առևտուրը դա ձեռքից վաճառվելու դեպքերն են, ոչ թե փողոցային առևտուրը»:
comment.count (0)