Արցախում հաստատվել է կորոնավիրուսով վարակման 4 նոր դեպք․ վարակակիրներից 2 Ստեփանակերտի, մեկը՝ Շուշիի բնակիչներ են, մյուսն էլ ժամանել է ՌԴ-ից
11:39 - 21 սեպտեմբերի, 2020

Արցախում հաստատվել է կորոնավիրուսով վարակման 4 նոր դեպք․ վարակակիրներից 2 Ստեփանակերտի, մեկը՝ Շուշիի բնակիչներ են, մյուսն էլ ժամանել է ՌԴ-ից

ԱՀ առողջապահության նախարարության փոխանցած տեղեկատվության համաձայն, hանրապետությունում հաստատվել է նոր կորոնավիրուսային վարակի (COVID-19) 4 նոր դեպք, գրում է Տեղեկատվական շտաբը։

«Վարակակիրներից 2 Ստեփանակերտ, մեկը Շուշի քաղաքի բնակիչներ են, մյուսն էլ ժամանել է Ռուսաստանի Դաշնությունից: Նրանց մոտ հիվանդությունը բացահայտվել է բուժհաստատություն դիմելության ժամանակ իրականացված հետազոտության արդյունքում: Վարակի օջախները հայտնաբերելու և հիվանդների շփման շրջանակը պարզելու ուղղությամբ կատարվում են համապատասխան աշխատանքներ:
Առայսօր, COVID-19-ը ախտորոշվել է 367 մարդու մոտ, որից 320-ը հաղթահարել է հիվանդությունը: Փաստացի բուժում է ստանում 45, ընդհանուր մեկուսացված է 84 քաղաքացի:

Բժիշկները 4 հիվանդի առողջական վիճակը գնահատում են ծանր, 5-ինը՝ միջին ծանրության:

Թեստավորումների նպատակով 105 նմուշառում է իրականացվել:
Մինչ այսօր կատարվել է 13 600 փորձանմուշի հետազոտություն»,- ասված է Շտաբի տարածած հաղորդագրության մեջ։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել