14:26 - 09 հոկտեմբերի, 2020
2020-ի Խաղաղության Նոբելյան մրցանակը՝ ՄԱԿ-ի Պարենի համաշխարհային ծրագրին |azatutyun.am|
azatutyun.am: 2020 թվականի Խաղաղության Նոբելյան մրցանակը շնորհվել է ՄԱԿ-ի Պարենի համաշխարհային ծրագրին, որն աշխարհի ամենամեծ մարդասիրական կազմակերպությունն է և ավելի քան 50 տարի է՝ աջակցություն է տրամադրում սովահարության շեմին կանգնած միլիոնավոր մարդկանց։
«Կորոնավիրուսի համաճարակն է՛լ ավելի է խորացրել այս խնդիրը ողջ աշխարհում», - հայտարարել է Նոբելյան հանձնաժողովը՝ կոչ անելով կառավարություններին գումարներ հատկացնել և աջակցել բարեգործական այս ծրագրին ու այդ ուղղությամբ աշխատող մյուս կազմակերպություններին։
Հեղինակավոր մրցանակին այս տարի հավակնում էին 318 թեկնածուներ, այդ թվում՝ կլիմայի փոփոխությունների դեմ պայքարող բնապահպան ակտիվիստ Գրետա Տունբերգը, ռուս ընդդիմադիր Ալեքսեյ Նավալնին և Առողջապահության համաշխարհային կազմակերպությունը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)