Հունաստանի և Կանադայի արտգործնախարարները կքննարկեն իրադրությունը Լեռնային Ղարաբաղում
09:13 - 13 հոկտեմբերի, 2020

Հունաստանի և Կանադայի արտգործնախարարները կքննարկեն իրադրությունը Լեռնային Ղարաբաղում

Հունաստանի արտաքին գործերի նախարար Նիկոս Դենդիասն ու Կանադայի արտգործնախարար Ֆրանսուա-Ֆիլիպ Շամպանն այսօր հանդիպում կունենան: Այս մասին տեղեկացնում է Հունաստանի արտաքին գերատեսչության մամուլի ծառայությունը:

Հանդիպման ընթացքում զրուցակիցները կքննարկեն երկկողմ հարաբերություններին վերաբերող, ինչպես նաև տարածաշրջանային և միջազգային հարցեր: Հանդիպման առանցքում են լինելու Թուրքիայի անօրինական գործողությունները Արևելյան Միջերկրականում, իրադրությունը Լեռնային Ղարաբաղում, երկու երկրների համագործակցությունը ՆԱՏՕ-ի շրջանակներում, ինչպես նաև ԵՄ-Կանադա հարաբերությունները:

Հանդիպումից հետո երկու երկրների արտգործնախարարները հանդես կգան հայտարարություններով:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել