Ալեքսիս Օհանյանը կոչ է արել ԱՄՆ-ի և Գերմանիայի ղեկավարությանը՝ դատապարտել Ադրբեջանի և Թուրքիայի գործողությունները և կիրառել պատժամիջոցներ |pastinfo.am|
14:18 - 24 հոկտեմբերի, 2020
pastinfo.am: Ամերիկահայ գործարար Ալեքսիս Օհանյանը «Instagram»-ի իր էջում կոչով դիմել է ԱՄՆ-ի և Գերմանիայի առաջնորդներին՝ պահանջելով դատապարտել Թուրքիայի և Ադրբեջանի գործողությունները և կիրառել պատժամիջոցներ։
Ալեքսիս Օհանյանը գրել է, որ այն, ինչ կատարվում է Արցախում, ողբերգություն է և առանց իրական զինադադարի, տառապանքները կշարունակվեն։
«Կոչ եմ անում ԱՄՆ կառավարությանը՝ դիմակայել Ադրբեջանի և Թուրքիայի բռնապետներին և դատապարտել հայերի վրա կատարվող հարձակումները, կիրառել պատժամիջոցներ և անհապաղ հրադադար պարտադրել»,- նշել է Օհանյանը։
Նրա խոսքով՝ շաբաթներ են անցել, սակայն ԱՄՆ-ի ղեկավարությունից, որն ընդունել է ցեղասպանություն վերապրած իր հայ նախնիներին, որևէ արձագանք չի եղել։
Օհանյանը նույն կոչով դիմել է նաև Գերմանիայի ղեկավարությանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)