Մասիս Մայիլյանը շնորհավորել է Արա Այվազյանին ՀՀ ԱԳ նախարարի պաշտոնում նշանակվելու կապակցությամբ
22:15 - 19 նոյեմբերի, 2020

Մասիս Մայիլյանը շնորհավորել է Արա Այվազյանին ՀՀ ԱԳ նախարարի պաշտոնում նշանակվելու կապակցությամբ

Այսօր հեռախոսազրույց եմ ունեցել Հայաստանի Հանրապետության արտաքին գործերի նորանշանակ նախարար Արա Այվազյանի հետ՝ շնորհավորելով ՀՀ արտաքին քաղաքական գերատեսչության ղեկավարի պաշտոնում նշանակման կապակցությամբ։ Այդ մասին Ֆեյսբուքի էջում գրել է ԱՀ ԱԳ նախարար Մասիս Մայլիյանը: 
 
«Վստահ եմ, որ դիվանագիտական ծառայության ոլորտում նրա հարուստ փորձը և մասնագիտական ներուժը ի սպաս կդրվեն հայկական երկու պետությունների շուրջ ստեղծված դժվարին իրավիճակում արդյունավետ լուծումներ գտնելուն և ՀՀ արտաքին քաղաքականության իրականացման կարևոր և պատասխանատու առաքելությանը:
 
Հեռախոսազրույցի ընթացքում համոզմունք եմ հայտնել, որ մեր գերատեսչությունների միջև հաստատված սերտ և արդյունավետ համագործակցությունը կշարունակի զարգանալ և ամրապնդվել՝ ի շահ համահայկական օրակարգի և նպատակների առաջմղման ու իրականացման»,- գրել է Մայիլյանը:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել