21:16 - 29 նոյեմբերի, 2020
Ղարաբաղում ռուս խաղաղապահների համար բեռները հասել են Ադրբեջանի տարածքով՝ երկաթուղով |civilnet.am|
civilnet.am: Ռուսաստանը երկաթուղով բեռներ է ուղարկել Ղարաբաղում գտնվող իր խաղաղապահների համար։ Այս մասին հաղորդում է ՌԻԱ Նովոստի գործակալությունը։
Ադրբեջանի ՊՆ-ից տեղեկացրել են, որ Ադրբեջանի ու Ռուսաստանի միջև ստորագրված արձանագրության համաձայն՝ համապատասխան գործունեություն է իրականացվում Լեռնային Ղարաբաղի տարածաշրջանում տեղակայված ռուսական խաղաղապահ զորակազմի ապահովման ուղղությամբ:
«Զինծառայողները, ավտոմոբիլային և հատուկ տեխնիկան, այդ թվում ՝ նյութատեխնիկական ապահովման այլ միջոցները, որոնք նոյեմբերի 28-ին երկաթուղով Ադրբեջան են ժամանել Ռուսաստանից, համապատասխան կարգով անցել են սահմանային և մաքսային հսկողությունը»,- հաղորդել է Ադրբեջանի ՊՆ-ն։
Նշվում է, որ խաղաղապահների համար նախատեսված բեռը Բարդա է տեղափոխվել կիրակի՝ Յալամա – Բաքու – Եվլախ – Բարդա երկաթուղային ճանապարհով:
«Վագոններից դատարկված բեռները ավտոմոբիլային տրանսպորտով Ադրբեջանի պաշտպանության նախարարության ռազմական ոստիկանության ուղեկցությամբ նախապես պլանավորված կարգով տեղափոխվել են Բարդա – Աղդամ –Ստեփանակերտ երթուղով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)