Այսօր Գլխավոր հանձնակատար Զարեհ Սինանյանը հանդիպել է Ամերիկայի հայկական համագումարի ներկայացուցիչներ Արփի Վարդանյանի (տարածաշրջանային գրասենյակի տնօրեն) և Մարիամ Խալոյանի (Կոնգրեսի հետ հարաբերությունների գծով տնօրեն) հետ:
Ներկայացվել են կառույցի ջանքերը, որոնք միտված են ամերիկահայության հետ աշխատանքի միջոցով ԱՄՆ-ի կողմից Հայաստանին տրամադրվող հումանիտար օգնությունը 100 մլն դոլար հասցնելուն, Արցախի ժողովրդի ինքնորոշման իրավունքի ճանաչմանը, ինչպես նաև Ադրբեջանի և Թուրքիայի կողմից իրականացված պատերազմական հանցագործությունների դատապարտմանը:
Այս մասին տեղեկացնում է Սփյուռքի Գլխավոր հանձնակատարի գրասենյակը:
«Զարեհ Սինանյանը վերահաստատել է, որ մեր գրասենյակը պատրաստակամ է աշխատել սփյուռքի բոլոր այն կազմակերպությունների և անհատների հետ, որոնք ցանկանում են վերակառուցել և հզորցանել հայրենիքը»,-ասված է գրասենյակի ֆեյսբուքյան գրառման մեջ:
comment.count (0)