tert.am: Գյումրիում քաղաքացիներն անհնազանդության ակցիաներ են անում՝ պահանջելով Նիկոլ Փաշինյանի հրաժարականը: Մի խումբ քաղաքացիներ փակել էին Գյումրու Սայաթ-Նովա փողոցը՝ իրենց բողոքի ձայնը տեղ հասցնելու համար:
«Չի կարող դավաճան ղեկավարը պահել ո՛չ Արցախը, ո՛չ Հայաստանի Հանրապետությունը, ուստի նա պետք է հեռանա, որ այլ մարդ գա, որը կկարողանա բանակցել թե՛ Ռուսաստանի, թե՛ Մինսկի խմբի, թե՛ աշխարհի հետ, դա է պատճառը, որ մենք պահանջում ենք հրաժարական և առանց Նիկոլ Հայաստան»,- ասաց փողոց փակած քաղաքացիներից մեկը:
Որոշ ժամանակ անց ոստիկանները ճանապարհը բացելու պահանջ ներկայացրին՝ նշելով, որ այլապես նրանց նկատմամբ կկիրառվեն օրենքով սահմանված կարգով հարկադրանքի միջոցներ:
comment.count (0)