13:41 - 23 դեկտեմբերի, 2020
Մարուքյանն առաջարկում է սփյուռքահայերի առնչությամբ սահմանադրական փոփոխություններ իրականացնել |armenpress.am|
armenpress.am: Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանն առաջարկում է սահմանադրական փոփոխություններ իրականացնել, որով հնարավորություն կստեղծվի Հայաստանում պետական բարձր պաշտոններում նշանակել սփյուռքահայերին: Այս մասին Մարուքյանն ասաց դեկտեմբերի 22-ին հրավիրված մամուլի ասուլիսի ընթացքում:
«Մենք անհրաժեշտություն ունենք Հայաստանի դուռն ու պատուհանը բացելու մեր 7 միլիոնից ավելի սփյուռքահայերի համար, որոնք երկրորդ հայկական անձնագիրն ունենալով հանդերձ, այսօրվա Սահմանադրությամբ իրավունք չունեն նշանակվել, օրինակ` նախարար: Մենք պետք է հնարավորություն տանք, որ սփյուռքի ներուժը ներգրավվի Հայաստանում պետական կառավարման գործընթացներին»,- ասաց Մարուքյանը:
Էդմոն Մարուքյանը հավելեց, որ եթե այդ հնարավորությունը չստեղծվի, հայաստանցիները միայնակ չեն կարողանա դիմակայել իրենց առջև առկա մարտահրավերներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)